因為疫情禁左小寶足整整三年，終於開關後，亦係要趁住project june嘅細佬未虐待我地之前，快快脆返一轉鄉下，解放一下小寶對自由嘅渴望。
適逢小妹個肚都成6個月，緊係要搵外援，搵齊四大長老一齊成團。實際人數係六大一小，仲有一個肚。
Tag: 日本
二胎大事記 (2022) – 包括孕吐、T21、尿滲、羅宇帆照結構、去日本、中covid
有第一次生育QQ經驗之後，對將要面對嘅身心變化有左預算，計劃好嘅中獎後可以好冷靜咁copy spreadsheet，開project july。開返App – 280days register新project，記錄底第一個月身體嘅急速變化，準備定App – PiyoLog 等待BB出世。
同第一胎唔同，因為有一隻QQ仔向度，基本上已經唔記得咩係安胎，咩係靜養。我仲用狽帶hip seat頂住project june帶QQ去雀仔街，又抱住QQ陀住project june去行山。然後去到QQ 16m+，提早trouble two，成日「媽媽抱，媽媽抱」，然後仲識雙腳夾住我個胸坐向個肚上面。
唔知係QQ嘅淫威下，定我坐好月，定我副計run順左生仔呢個遊戲。雖然都有流啡/直接流血，但未夠3個月就停左。so far幾順順利利，淨係喘氣（產檢時訓向度，突然開始喘，先留意副原來project june一郁，我就喘到隻牛咁），其餘時間都唔似有左。邊有陀QQ果時咁恐怖，「懷孕產檢時間表 – 早期懷孕檢查（6-17wk: 包括T21、鴨咀、B鏈）」。