懷孕後期症狀
我有嘗試同阿女傾計，叫佢出力幫媽媽推d便便出黎，反正多便便，都係佔用緊佢既空間，屙得出就一家便宜兩家著。
響羊水已經好充足嘅情況底下，阿女好似住豪宅咁，成日喐身喐勢，肚皮可以見到有明顯嘅波幅。肚臍都突埋出嚟。有時佢郁身嘅時候肚臍仲會有泛起白頭浪。
由於佢喺入邊要吞吐羊水，學習點樣呼吸，可能一時唔覺意濁親就會打C EGG。
食咗甜野，或者食飽飯，或者臨瞓嘅按摩時間，都可以feel到佢有明顯嘅郁動。正常人應該係咁，但我身邊發生嘅嘢都應該唔多正常，佢連響返工時間、搭緊車，都可以有明顯嘅郁動。我好擔心，佢點解唔瞓覺。