其實頭三個月因為荷爾蒙、身體天翻地覆嘅改變，真係冇咁多時間心力去做好我應做嘅嘢，所以我大部份嘢都係三個幾月先至開始做，包括左開Excel表(?!係呀，我開咗個project august 嘅google sheet XD)、買前中期嘅嘢、準備中後期、同埋出世之後嘅事宜。
購物清單全集：
Tag: 托腹帶
懷孕產檢時間表 – 中期懷孕檢查（17-27wk: 包括照結構）
懷孕中期症狀
終於可以順利痾得番屎，雖然唔一定夠力，但起碼都叫食得夠、屙得出。但有時候唔夠力屙清，又唔敢太大力痾，人生真係好難。
終於食得返野，咩都好想食，乜嘢調味料都好想落。但一食就好容易過重，醫生話一個星期最好唔好重超過0.5公斤，但我有一日就已經重咗0.5公斤⋯⋯然後就會有啲惡魔朋友，係你身邊講咩一個人食養兩個人，計埋羊水都唔係好重啫⋯⋯條友出世果日報都係飲茶匙嘅奶架渣！
條腰開始好酸軟，可能關脊柱側彎事，16週幾就研究緊托腹帶。戴咗托腹帶行路真係冇咁痛，但去廁所成日要順返啲位，其實都幾煩。同埋因為肚皮敏感，所以我要喺入邊着件heat tech或背心仔先至再加托腹帶。
好似話孕婦吸入嘅空氣有50%嘅氧氣，都俾曬隻野。唔怪得知我成日唞唔到氣。
由24wk開始，每晚沖完涼查完cream，都有做拉毛巾練習，等cream dry out。
由25wk開始，晚晚都有坐大fit ball。