2021年5月Langham staycation晚餐。朗廷酒店有間西餐廳叫Bostonian，現場燈光昏暗，侍應都好高竇。Menu上面有條皮帶⋯⋯食得好嘢少，所以用咗啲時間去研究個Menu⋯⋯ 繼續閱讀 「Langham staycation 無限不停食食食 – Bostonian Seafood & Grill – Langham Hotels」
Tag: 小藍筆記
Langham staycation 無限不停食食食 – 連續兩日食唐閣
2021年5月Langham staycation，重頭戲黎啦，米知蓮喎，唐閣喎，$1800 credit喎。究竟要點樣兩餐去食晒千百蚊。 繼續閱讀 「Langham staycation 無限不停食食食 – 連續兩日食唐閣」
Langham staycation 無限不停食食食 – 下午茶同早餐，偷雞參觀嘅晚餐自助餐
2021年5月Langham staycation，下午茶時段同早餐。
Langham staycation 無限不停食食食 – 房型及泳池
2021年5月Langham staycation
事後睇返呢個月真係唔知咩事，連續個個星期都去staycation。 仲要係琴日啱啱先響港香check out，今日就嚟朗廷無限食食食。
我諗應該係啱啱甩咗孕初期嘅不適感，孕後期個肚就會越來越大，所以孕中期就要不停去放縱下。
本身呢個package包咗$1800蚊Credit，以為唐閣作為米芝蓮餐廳，應該好快脆會食晒$1800蚊，點知最後我哋飽到好想打包番屋企。
ISL – Horizon Club 豪華閣之旅 – 泳池
食到飽飽，梗係郁動下。反正我又唔係好遊到水，都係浸下水玩吓啫。
沿途經過健身室，都好似好多設施。
睇吓更衣室入邊嘅環境先，吹風機響櫃桶入邊，locker好Grand好靚，係電動鎖匙嘅。
吹吹下頭隔離都有個鐘話俾你聽幾點，如果約咗人就唔驚會遲到。棉花棒化妝棉都放落去盒仔入邊好subtle。仲有fing乾泳衣機。
淋浴間仲有大枝裝嘅沖涼洗頭水護髮素，咁就唔使塞住個身上返房先沖涼啦。
今日冇乜太陽，落水都有啲凍。記錄一下，已經做晒心理準備同BB講話媽咪要落水浸下，點知一落水嘅時候，BB攬埋一舊好緊張，成個肚僵硬咗，緊到我成個人都震晒，連棚牙都係咁震。去到第二日再落水就冇事啦，所以BB係對住一個陌生嘅環境，有水壓、又冇溫度嘅環境感到緊張啫，試多幾次就唔驚啦。
ISL – Horizon Club 豪華閣之旅 – lounge cocktail抵玩，Petrus早餐失望
呢個package最抵玩個樣嘢，係會包入lounge同埋Petrus 早餐。 一行人明明啱啱先食完午餐， 即刻動物衝入lounge飲野。
繼續閱讀 「ISL – Horizon Club 豪華閣之旅 – lounge cocktail抵玩，Petrus早餐失望」
ISL – Horizon Club 豪華閣之旅 – 房型
2021年5月，陀住隻BB，試吓港香嘅新裝修房型。
Check in前緊係要打打卡，今日係星期六，港香先有嘅英文版Saturday地氈。 繼續閱讀 「ISL – Horizon Club 豪華閣之旅 – 房型」
[Food] 帝苑酒店下嘅Sabatini @TST
2021年7月，有一日有個Auntie請食飯，去左帝苑酒店下嘅Sabatini。所以有幸可以食到貴貴嘅行政人員午餐，即係如果要自己俾錢就唔會去食嗰種。
裝修都特別嘅，但係總有一種昏昏黃黃嘅感覺，可能係行懷舊情懷。但係三個人坐呢一張枱，未免有啲迫⋯⋯
餐牌
麵包籃，算係唔錯，因為我唔鍾意食硬骨骨嘅麵包，呢度嘅麵包係鬆軟嘅。
廚房仲比多一隻特別嘅醬我哋試，英文名，所以我唔識佢係咩嚟嘅。口感幾特別，都係啲來佬嘢啦。
前菜鴨肝Parma ham，雖然陀住個細嘅，有得食先至係開心媽媽，所以照食。
主菜，果然係啱小鳥胃嘅人食。坦白講，我覺得唔夠肉囉。
再嚟就係餐茶，同埋甜品。佢有成個甜品車，然後waiter同我講，所有嘢都有生蛋，所以你唔食得。蝴蝶酥我食得啦掛⋯⋯
唔通有咗真係唔可以食生野？嗰晚返屋企，我肚痾⋯⋯
孕期 – 奶粉選擇
點解奶粉嘅選擇係屬於孕期，而唔係育兒嘅階段呢？主要係因為如果你入到醫院之後，BB一出世，如果你唔夠奶，醫院就會問你想飲邊隻牌子嘅水奶。如果到時生完（touch wood)真係無奶，突然要揀奶都幾頭痕。
至於奶粉定人奶嘅選擇，真係好個人。千祈千祈唔好受到其他人嘅影響，我自己係行人奶之路，但係中間經歷過痛苦，真係要好有堅持先至捱得過。如果本身個人意志力薄弱，咁就算啦，無謂傷害自己。Happy mum Happy family。傳送去：「育兒 – 人奶 vs 奶粉」
孕期 – 改名 （陳正匡師傅）
幾時改名？改咗名未？亦係孕期Q&A常見嘅問題之一，由於我同小寶都係疑似文盲懶，所以有咗時辰八字之後直接外判出去搵人改，到時如果收返返嚟啲名唔啱嘅，咪再搵第二個改囉。錢解決到嘅問題就唔係問題，最大問題係冇錢姐。