[離岸戶口] Barclays – 1. 起手篇 (成功)

本身諗住2020年頭嘅時候飛轉歐洲，開個離岸戶口。而家唔飛得，就上網爬文如何不離港地開離岸戶口。我哋都係諗住就咁開個戶口做下外幣定期，雖然人哋話Barclays手續費偏貴，應該都唔會有太大差別嘅⋯⋯最緊要嘅係佢可以線上做晒所有申請！但留意番，文件就2020年7月頭寄晒過去，出文嘅呢一日都仍然未有回覆。

要求：開戶三個月內存入GBP25,000(或等值貨幣)(~HKD256,000)
開戶方法：線上填表格，集齊要交文件一次過寄過英國，然後，等。

更新：」please accept my apologies for the late response, we are currently working through a large number of applications.」 extracted from email dated 26 August 2020 requesting for clarification of address proof.

更新：2022年3月，收到Barclays電郵，話要提升最低存款額，GBP100,000(或等值貨幣)(~HKD1,024,000)，meet唔到就要比GBP40(~HKD411)月費。RM服務仲要GBP250000(~HKD2,560,000)先會提供。我估應該都真係幾多香港人去申請， 所以佢哋要cut客去維持返佢服務質素。唔緊要啦，我哋係窮架啦，所以做左幾日功課，睇下要點轉窮人離岸戶口。

警告：多圖，加上懶得去頭去尾，請將就下 繼續閱讀…

[中銀] 為郵寄銀行結單而保留的中國銀行戶口

當初爬文，發現最抵玩嘅月供股票響中銀，每個月手續費都只不過係$50，食餐飯都冇咗，啱晒冇乜錢買唔起一手、又想儲股票嘅小資女孩，所以為咗月供股票而開咗個中銀戶口。

當時順便再開多張中銀信用卡(Good day)，實行用信用卡買月供股票，變相有差唔多一個月嘅免息還款期，同時月供股票又可以儲信用卡積分，一箭雙鵰。玩左幾年，因為月供金額太少，信用卡積分唔多，但都叫換過幾張超市現金券，回到本啦耶。

時代嘅變遷，月供計劃要拉倒，所以順手cut埋張中銀信用卡，費事浪着啲信貸額。 繼續閱讀…

【202002 澳洲樹熊之旅】Day 7.2 – 長征悉尼機場的American Express Lounge

當日體感溫度40度⋯⋯要離開的時間終於到了，那就呼叫uber到機場吧。

這一程Uber司機有濃厚的英國腔，坦白說我並未能清楚了解他說的每一個詞語。英國腔司機的感覺，跟台灣司機很相似，都是源源不絕地找話題跟我們談天。主要話題不外乎是這陣子熱門的蝙蝠。

我們還跟他說在外地我們每天早上都要享受咖啡，才學懂體味人生。在香港，一杯咖啡只帶來頭痛及滿滿的精神去工作，是生存的必需品，這並不是生活。 繼續閱讀…

【202002 澳洲樹熊之旅】Day 7.1 – The Grounds of Alexandria

來到澳洲樹熊之旅的最後一天，愈發覺不捨得，這裏的人，這裏的事。

早晨悉尼，仍然在希爾頓的Executive Lounge享用早餐。然後到市內街道逛一逛，作最後的買手信行程，沿途可以看見街頭藝人的表演，悠揚的女高音、駐足的辦公族⋯⋯ 繼續閱讀…

【202002 澳洲樹熊之旅】Day 6.2 – 救救樹熊及免費的希爾頓傍晚小酌及牛扒晚餐

被Bondi Beach 的大太陽曬得有點悶，就乘巴士回到火車站，準備回城了。

到達火車站，發現新大陸了，看到了一部回收膠樽的自助機，還可以救救遭遇火災的樹熊。我們湊巧有個已經清空的膠樽，就試一下吧，按照指示把膠樽放進去，小寶手腳很快，好像不用看指示似的，放進去後立即按下一步。

繼續閱讀…

【202002 澳洲樹熊之旅】Day 6.1 – 漁市場的加場及熱辣辣的Bondi Beach

辛苦了幾天，今天終於可以睡到自然醒，呼。

今天行程比較休閒地chill，先在Hilton Sydney吃個輕便的早餐，再欣賞一下高層城市景色，悉尼早安。再裝滿一杯Latte，活在當下。

Hilton Sydney - executive lounge舊相

再乘輕軌第二次到漁市場，打算吃個早午餐。

繼續閱讀…

[文青] 生活態度 – 輕度強迫症的桌上萬用箱

自從買咗呢一個萬用箱，枱面唔使散落住東一支細一盒樽樽罐罐，仲可以將樽樽罐罐由高至矮整齊順序排列好，又唔會封塵，玻璃面用眼鏡布一抹就乾淨<3

介紹番，上層可以放高身既toner、泵裝髮尾油，仲有獨立格放細細支嘅sample。

中層左邊上格可放眼霜或試用盒，用晒之後仲可以將一包包嘅sample倒入去拎蓋使用。中層左邊下格可放化妝棉，又用牙線盒間咗間劏房比棉花棒。再放入細小label紙，新開嘅護膚品可以填上使用日期，咁就可以track著用左幾多個月，入番financial record～又唔會用到過期都唔知～耶！ 繼續閱讀…

[理財類] 大新360出糧戶口 – 每月派最多$2,000活期利息

我已經續玩左360出糧戶口四年以上，雖然舊客既息口比新客戶低少少，但都比其他銀行活期既回報吸引。可以夠膽講，大新銀行係目前市面上唯一一間可取嘅擁有極高活期利息的出糧戶口！

（20200710更新：市面銀行水浸，港元一年定期做緊0.3%，大新1.6%活期息完全跑贏大市，好彩當初簽到2021年1月31日，亦即係當初同銀行對賭，而家賭贏咗） 繼續閱讀…

[理財類] 老生常談之節流篇 – 招財表（錢錢Excel表）

高階開源方法取決於學歷、進修、機會、運氣⋯⋯全部都要靠累積努力先至可以達成，最主要嘅係投入既時間成本。雖然追唔番過去既時間，但今時今日仍然可以靠每月嘅勞力去賺取工作以外嘅額外收入⋯⋯詳見「出糧戶口篇」。

開源咁煩架，咁我做相對簡單啲嘅節流先啦。但可能你係：呀，點解我每個月都有出糧，但每個月都使突左既。呀，明明做野咁辛苦，買樣玩具（電子用品、手袋）獎勵下自己啦，明明我份糧出成兩萬蚊，實負擔到啦。

要節流呢，首先就要知道自己嘅每月強制支出同生活使費。 繼續閱讀…

[理財類] 老生常談之開源篇 – 出糧戶口篇

財務自由呀、財務自由呀，點樣先可以達成到財務自由呢？小妹對數字唔敏感，但好鐘意錢，所以如果有可以零風險搵到錢既方法，緊係要研究下啦。小妹仍然向財務自由呢條路度慢慢摸索中，錢呢就仍然都係唔夠使既。話就話要財務自由，其實最首要係要開源節流。高階開源方法最主要嘅係投入既時間成本，取決於學歷、進修、機會、運氣⋯⋯全部都要靠累積努力先至可以達成。平民開源不外乎搵多幾份兼職、進修增加基本收入，都係要靠時間。至於投資呢，如果你唔係太有呢一方面嘅sense，子華哥都話，咁樣投資都只不過係投井。 繼續閱讀…