其實都已經玩咗大新360出糧戶口好多年，2022年頭賭輸左，用左勁低息黎續約。2022年中開始高息環境。雖則係咁2023年頭1月完約，我仍然去左續約，重新登記360出糧服務。
期間限定: 2023年1月3日至3月31日(舊客renew)
額外活期存款利率優惠：up to 2024年1月31日
Category: 銀行
[星展開戶]港幣一百萬就咁放到二月就有HK$10,000！（2022年）
[理財類] 渣打可持續發展儲蓄戶口(玩到2022年11月30日)
[離岸戶口] 虛擬銀行 Dukascopy – Multi-Currency Account 成功開戶
唔知係咪因為佢係虛擬銀行，要求冇實體銀行咁高，定瑞士嘅效率真係咁高咁快，只係用左一個工作天，就已經成功開咗個戶口，只係仲有further due diligence 同埋入錢問題，仲未完成戶口申請。有冇快到咁呀，速度驚人。
[離岸戶口] 虛擬銀行 Dukascopy – Multi-Currency Account 開戶篇 (多圖)
前題係之前開左個barclays離岸戶口，原先開戶三個月內存入GBP25,000(或等值貨幣)(~HKD256,000)就可以。2022年3月，收到Barclays電郵，話要提升最低存款額到GBP100,000(或等值貨幣)(~HKD1,024,000)，meet唔到就要比GBP40(~HKD411)月費。RM服務仲要GBP250000(~HKD2,560,000)先會提供。
我哋冇移民，雖然有BNO（依家97後香港出世嘅都可以申請返，當然要符合某些條件），住址電話號碼仍然仲係香港，但係又唔夠錢去開本地銀行嘅離岸戶口，又唔肯比月費管理費。所以英國本地傳統銀行就已經唔侵我哋玩。至於證券行，呢舊錢我哋純粹係想要來儲蓄，唔係諗住做投資用，所以我哋亦都唔考慮。最後唯有搵啲多人用嘅虛擬銀行，將來如果有需要亦可以申請提款咭(debit card)，進可攻退可守。
離岸戶口選擇，請見「[離岸戶口] Barclays 增加入場費，仲有咩離岸戶口嘅選擇？」。
繼續閱讀 「[離岸戶口] 虛擬銀行 Dukascopy – Multi-Currency Account 開戶篇 (多圖)」
[離岸戶口] Barclays 增加入場費，仲有咩離岸戶口嘅選擇？
我估應該都真係幾多香港人去申請， 所以佢哋要cut客去維持返佢服務質素。唔緊要啦，我哋係窮架啦，所以做左幾日功課，睇下要點轉窮人離岸戶口先。
2022又到交稅嘅季節
今年人生多咗隻QQ冇咁多時間去研究有啲乜嘢交稅優惠。唯有用已有嘅信用卡，睇吓點樣攞盡優惠就算數。
利申，因為人工低，所以要交嘅稅都少。 繼續閱讀 「2022又到交稅嘅季節」
[恒生] 利苑糭券
三月嘅時候開咗個恒生戶口，詳情請見[恒生開戶] 港幣一百萬就咁放到七月就有HK$2,000！
恒生琴日打電話嚟話留咗張糭券俾我，話大概會用15分鐘時間左右，問我得唔得閒過嚟分行聽吓。都估到佢實會比下投資意見㗎啦，當散步過去聽吓佢講嘢。 繼續閱讀 「[恒生] 利苑糭券」
[星展閉戶] 又到過冷河時期
續[星展開戶]港幣一百萬就咁放到八月就有HK$5,800！：
2021年3月更新：
講返上年五月開嘅星展戶口：響2020年10月20號，就收到左港幣$500新客戶現金獎賞、港幣$4500 特別資金獎賞、港幣$1000交易獎賞。
再響2021年1月19號，收埋港幣$800開戶額外獎賞。總共收咗$6800 然後又可以睇吓邊間銀行開戶有新優惠啦，耶。 繼續閱讀 「[星展閉戶] 又到過冷河時期」
[恒生開戶] 港幣一百萬就咁放到七月就有HK$2,000！
今日去恒生開個戶口做罐仔（罐仔係咩黎），將星展嘅錢搬過嚟（星展開戶）。
期間限定: 2021年1月1日至3月31日 （更新：延長咗啦）
由於公司有限制，所以我淨係可以選擇唔使捆綁式開證券戶口嘅銀行。明明東亞嘅開戶都好吸引但係最衰佢捆綁我一定要開證券戶口⋯⋯咁所以市面上剩返可供選擇嘅銀行唔多⋯⋯ 繼續閱讀 「[恒生開戶] 港幣一百萬就咁放到七月就有HK$2,000！」