Category: 財務類

[離岸戶口] Barclays – 2. 填表篇 (成功)

上回提到，如果要開一個離岸戶口，如果滿足到以下條件，咁我哋就可以去下一步填表啦。

要求：開戶三個月內存入GBP25,000(或等值貨幣)
開戶方法：線上填表格，集齊要交文件一次過寄過英國，然後，等。

更新：2022年3月，收到Barclays電郵，話要提升最低存款額，GBP100,000(或等值貨幣)(~HKD1,024,000)，meet唔到就要比GBP40(~HKD411)月費。RM服務仲要GBP250000(~HKD2,560,000)先會提供。我估應該都真係幾多香港人去申請， 所以佢哋要cut客去維持返佢服務質素。唔緊要啦，我哋係窮架啦，所以做左幾日功課，睇下要點轉窮人離岸戶口。

填表篇
A. Getting started
B. Personal details
C. Your bank accounts
D. Your contact details
D1. Your previous addresses
E. Employment and income
E1. Your previous employer
F. Your tax details
G. Source of funds
H. Product and account location selection
I. Your wealth
J. Joint account applicant details

填表篇

A. Getting started 繼續閱讀…

[離岸戶口] Barclays – 1. 起手篇 (成功)

本身諗住2020年頭嘅時候飛轉歐洲，開個離岸戶口。而家唔飛得，就上網爬文如何不離港地開離岸戶口。我哋都係諗住就咁開個戶口做下外幣定期，雖然人哋話Barclays手續費偏貴，應該都唔會有太大差別嘅⋯⋯最緊要嘅係佢可以線上做晒所有申請！但留意番，文件就2020年7月頭寄晒過去，出文嘅呢一日都仍然未有回覆。

要求：開戶三個月內存入GBP25,000(或等值貨幣)(~HKD256,000)
開戶方法：線上填表格，集齊要交文件一次過寄過英國，然後，等。

更新：」please accept my apologies for the late response, we are currently working through a large number of applications.」 extracted from email dated 26 August 2020 requesting for clarification of address proof.

更新：2022年3月，收到Barclays電郵，話要提升最低存款額，GBP100,000(或等值貨幣)(~HKD1,024,000)，meet唔到就要比GBP40(~HKD411)月費。RM服務仲要GBP250000(~HKD2,560,000)先會提供。我估應該都真係幾多香港人去申請， 所以佢哋要cut客去維持返佢服務質素。唔緊要啦，我哋係窮架啦，所以做左幾日功課，睇下要點轉窮人離岸戶口。

警告：多圖，加上懶得去頭去尾，請將就下 繼續閱讀…

[中銀] 為郵寄銀行結單而保留的中國銀行戶口

當初爬文，發現最抵玩嘅月供股票響中銀，每個月手續費都只不過係$50，食餐飯都冇咗，啱晒冇乜錢買唔起一手、又想儲股票嘅小資女孩，所以為咗月供股票而開咗個中銀戶口。

當時順便再開多張中銀信用卡(Good day)，實行用信用卡買月供股票，變相有差唔多一個月嘅免息還款期，同時月供股票又可以儲信用卡積分，一箭雙鵰。玩左幾年，因為月供金額太少，信用卡積分唔多，但都叫換過幾張超市現金券，回到本啦耶。

時代嘅變遷，月供計劃要拉倒，所以順手cut埋張中銀信用卡，費事浪着啲信貸額。 繼續閱讀…

[理財類] 大新360出糧戶口 – 每月派最多$2,000活期利息

我已經續玩左360出糧戶口四年以上，雖然舊客既息口比新客戶低少少，但都比其他銀行活期既回報吸引。可以夠膽講，大新銀行係目前市面上唯一一間可取嘅擁有極高活期利息的出糧戶口！

（20200710更新：市面銀行水浸，港元一年定期做緊0.3%，大新1.6%活期息完全跑贏大市，好彩當初簽到2021年1月31日，亦即係當初同銀行對賭，而家賭贏咗） 繼續閱讀…

[理財類] 老生常談之節流篇 – 招財表（錢錢Excel表）

高階開源方法取決於學歷、進修、機會、運氣⋯⋯全部都要靠累積努力先至可以達成，最主要嘅係投入既時間成本。雖然追唔番過去既時間，但今時今日仍然可以靠每月嘅勞力去賺取工作以外嘅額外收入⋯⋯詳見「出糧戶口篇」。

開源咁煩架，咁我做相對簡單啲嘅節流先啦。但可能你係：呀，點解我每個月都有出糧，但每個月都使突左既。呀，明明做野咁辛苦，買樣玩具（電子用品、手袋）獎勵下自己啦，明明我份糧出成兩萬蚊，實負擔到啦。

要節流呢，首先就要知道自己嘅每月強制支出同生活使費。 繼續閱讀…

[理財類] 老生常談之開源篇 – 出糧戶口篇

財務自由呀、財務自由呀，點樣先可以達成到財務自由呢？小妹對數字唔敏感，但好鐘意錢，所以如果有可以零風險搵到錢既方法，緊係要研究下啦。小妹仍然向財務自由呢條路度慢慢摸索中，錢呢就仍然都係唔夠使既。話就話要財務自由，其實最首要係要開源節流。高階開源方法最主要嘅係投入既時間成本，取決於學歷、進修、機會、運氣⋯⋯全部都要靠累積努力先至可以達成。平民開源不外乎搵多幾份兼職、進修增加基本收入，都係要靠時間。至於投資呢，如果你唔係太有呢一方面嘅sense，子華哥都話，咁樣投資都只不過係投井。 繼續閱讀…

Amex Platinum Card 美國運通白金卡(細頭) – 那些年我食盡的優惠

Amex Platinum Card 美國運通白金卡（俗稱細頭卡）本身有好多唔同類型嘅優惠，但人無完人、優惠都唔係樣樣可以拎盡架嘛。以下主打提及既，就係我曾經享用過嘅優惠，亦係我私心大推既優惠，同時亦係最基本可以（維持到成本）用到既優惠。嘻嘻。

申請細頭其實唔難，唔好以為佢年薪門檻好高，只要你有一張入門Amex CX Elite Card，又肯交$7800年費，批卡就話都冇咁易。American Express Platinum Card – 推薦傳送門

6/9/2020: 更新 5) 會員優惠 及 6) Pay with Points
30/11/2020: 更新 3）送酒店會藉

繼續閱讀…

[中銀] 政府一萬蚊 – 冇腦登記法之純粹靠運

屋企人未必會有星展戶口去收政府一萬蚊㗎嘛。但係用銀行戶口申請又真係最方便快捷嘅，所以求其啦，就用咗中銀，抽中抽唔中都好啦。

其實中銀個介面又真係幾方便快捷，一登入網上銀行之後右上角就已經有個政府一萬蚊嘅logo，撳咗入去之後揀返銀行戶口主人嘅電話號碼，在滾完條款細則，下一部，確定，完工。非常適合唔想用腦，但又想攞錢嘅人。

中銀抽獎玩法
$100,000 (1位幸運兒)
$50,000 (1位幸運兒)
$30,000 (1位幸運兒)
$10,000 (12位幸運兒)
如果響第一輪抽唔中嘅所有參賽者，都會自動進入下一階段。

繼續閱讀…

[星展] 政府一萬蚊：如何用HK$50本金，一次過滾九個印花翻黎($150)

忙左一排，依家先開始研究。要點樣諗辦法賺盡一萬蚊嘅附加價值，首先要問自己總共有邊幾間銀行嘅銀行戶口，再去研究嗰間銀行戶口有啲乜嘢附加價值。而我啱啱用咗星展係登記攞政府一萬蚊。原因放咗喺最底。

如果係上年或以前申請星展戶口嘅，就需要先登記咗個星展電子印花計劃，先繼續做任務換印花。星展電子印花計劃推廣(獎賞階段II)網上登記  推廣期: 2020年1月1日起至2020年9月30日

  • 獎賞階段I. 2020年1月1日至2020年3月31日
  • 獎賞階段II. 2020年4月1日至2020年6月30日 (最高九個印花，可換港幣$150)
  • 獎賞階段III : 2020 年7月1日至2020年9月30日 (最高九個印花，可換港幣$150)

如果係今年申請星展戶口嘅，就自動申請咗以上嘅電子印花計劃㗎啦。首先可以去返短訊，搜尋「印花」去搵返你嘅印花參考編號。再去電子印花齊齊享，一開呢個網頁嘅頭頂就可以輸入你嘅印花參考編號，不過呢，佢嘅紀錄只不過係記錄你兩個星期前嘅印花記錄，所以用你嘅記性，響6月30號之前（獎賞階段II），一日做晒最多九個任務。所以，只要chok到九個印花出嚟就已經可以換港幣$150。

咁我跟住就介紹吓我哋點做。

繼續閱讀…

[信用卡] 信貸評級篇 – 如何調整信用額（+/-）

今日要講嘅係信用卡(credit card)嘅信用額(credit limit)。顧名思義，用得信用卡你首先要需要有信用。你一出嚟做嘢，斷估佢唔會批俾你一張成HK$100,000信用額嘅信用卡啦，比你都唔會即刻一個月內還得到啦。信用額呢，一般來講會係你嘅月收入嘅幾倍。
信用有乜用呢？除住你嘅歲數一路增長，有可能你需要供樓，除非你有父幹，一筆清full pay樓價，否則你都係要玩按揭呢一個遊戲。所以養好你嘅信貸評級係一樣必要嘅行為。信用係點嚟㗎？要養好你嘅信貸評級需要嘅係，每個月準時還信用卡卡數，然後用時間慢慢儲返黎。
但係，間間銀行申請信用卡時，都會叫你又申請多張銀聯雙幣咩咩信用卡。閒閒地加埋成十幾廿萬信用額揹向身，原來真係會燒焦架。咁我可以點搞先？一，先要整理下你名下持有既信用卡，唔用既可以cut左佢，等過完冷河再食近新；二，再黎就要學識點樣增加/減少每張卡既信用額。

繼續閱讀…