因為唔想QQ食黎食去都係果幾樣野食，所以搞下新意思。點知佢即刻敏感XD，果然7個月太早嘗試蛋白啦。可能過多幾個月再試啦，希望佢11個月就已經食到蛋白，因為1歲支針有蛋白。
Category: 育兒區
育兒 – QQ學習之路 (教學材料)
爬文嘅時候睇到一句覺得好精警，嬰幼兒每日最主要嘅工作就係玩，個問題係要俾啲乜嘢佢玩。
呢幾年出世嘅小朋友，因為疫情冇得上playgroup，又冇得出街社交能力差。朋友話佢小朋友嘅幼稚園老師都話，「媽媽唔需要擔心，因為成級小朋友都會一齊變蠢，所以係呢樣嘢係成個學年、成個世界嘅事，唔係淨係你一個」。多謝你呀老師，你咁講真係令到我好放心啊⋯⋯
不過留意番，我target QQ都係入happy School，並冇諗住報咩學之園呀（呃，最後都有報黎玩，傳送門）、傳統名校呀咁，我並無打算要有系統地催谷佢。如果有心想要催谷，就千祈唔好跟呢一套hea hea嘅書單。反而要入返名幼媽媽谷，去考其他嬰兒牌（好似咩嬰兒行山、划艇、騎馬、攀石、平衡車牌照咁）。
我唔可以算係一個好努力嘅媽媽，只係有加入大大小小唔同媽媽group，將啲有用嘅資訊結集整理，然後照跟。無論買乜嘢書本、玩具都好，最緊要，最緊要係要有親子時間同佢伴讀、伴玩，唔係嘅話都係浪費金錢、地球上嘅資源嘅啫。真係無捷徑架。人人都話要磨耳朵，但係就算一個大人都好，你俾佢磨耳朵磨足一年阿拉伯文，如果冇動畫或者冇影像幫你去連結單字句子同埋個意思，點磨都係嘥時間。
Summary: Pinkfong Animal Songs Book / Pororo讀卡機 / That’s Not My Bunny / The very hungry caterpillars (Eric Carle) 配點讀筆 / brown bear what do you see 系列+ dear zoo / 幼幼撕不破小小書 / Peppa Pig 小猪佩奇100册 / 小金魚逃走了 / 抱抱 / 小黃點 / ⋯⋯開始亂買書 / 漢字基礎500
延伸閱讀：書櫃 – 自從越來越多書同玩具，就響淘寶物色咗個好好用嘅書櫃。將好難收拾整齊嘅毛公仔、玩具，全部抌晒落去最底嘅籃到，冇眼屎乾淨盲。
產後 – 6個月後購物清單
過咗穩定期嘅第四至五個月，六個月後BB開始要熟習呢個世界，湊B日常唔再係：餵奶、換片、加固，跟住就要行親子時間、親子活動嘅路啦。冇乜嘢嘅話，18年之後再搵我去玩。
Pororo讀卡機 / 切薯條波紋刀 / 口罩 / 法國Le Petit Gourmet鵪鶉髀 / Baby Pack比目魚 / Tidy tot – Tray & Bib 飯衣同托盤 / Numnum Pre load spoon / 日本製 ADERIA 兒童強化玻璃杯 / stokke
購物清單全集：
加固篇 – Philips Avent 4合1蒸煮攪拌器
繼Bruno 豆漿機要退位，又覺得糊仔階段唔會last太耐，所以喺旋轉拍賣搵有冇二手嘅嬰兒蒸煮攪拌機。唔選擇Baby cook，因為佢要加水落去部機度，再經管道排出，我最驚就係啲好難洗嘅嘢。屋企人想要一部機可以煲埋粥仔，so far 只有Kiwy，宣傳圖好似淘寶貨，所以比小寶ban咗。
然後就心儀Avent，覺得佢可以同一個食物水壺入面蒸，倒轉就可以攪拌，最緊要係唔使洗太多野。雖然佢入水位都只係部份可見，但起碼我可以每次用完都倒乾淨，費事有水垢。 繼續閱讀 「加固篇 – Philips Avent 4合1蒸煮攪拌器」
加固篇 – Bruno 豆漿機
擺到明呢條友仔生平就係唔入廚房嘅，為咗QQ，要研究吓煮食點樣玩。我諗應該同做lab差唔多嘅啫，應該唔難。
之前用asia mile換左個，響懷孕嘅時候每朝都有新鮮打嘅豆漿飲。然後生咗之後就雪藏左部機幾個月。仲喺度煩惱緊買邊隻嬰兒副食品機，忽晒奇想，不如拎返呢一部機出嚟打糊仔。
育兒 – QQ成長之路（0-1yo）
育兒 – 加固之路
早前睇到個新聞，有啲BB四個月開始就被媽媽加固，點知一路肚痛扭計，然後睇醫生發現肚仔裏面有好多未消化嘅食物，所以都唔敢太早加固。又有一種講法如果太早加固，大個後容易胃下垂。嚇死。
但係4個月尾嘅時候，QQ開始對我哋食嘅蘋果有興趣，所以我都有俾佢舔下蘋果，唔知咁岩得咁橋定係點解，舔下嗰晚會特別扭計⋯⋯所以跟消委會買咗嬰兒米糊，揀咗喜寶(好似係最安全嘅)，聊勝於無。選擇Hipp嬰兒米糊嘅原因
口肌點練返黎
- 咀嚼同吸啜
- Bb嗰陣啜奶，大少少開始靠食野，咀嚼唔同質地食物
- 其實就係要咀嚼，要啲食物比較耐咬；咁就理論上快啲講野
非官方非正式之塞奶原因
要想知道塞奶嘅原因，自己去睇健康院小冊子啦。
延伸閱讀：
育兒 – 塞奶篇(D118 D237)+解決塞奶方法
育兒 – 追奶（又名塞奶）之路
以下係我亂咁嚟寫低嘅塞奶方法，包你成功塞奶，一試就塞，塞左。非官方/非正式嘅可能塞奶原因： 繼續閱讀 「非官方非正式之塞奶原因」
育兒 – 追奶（又名塞奶）之路
既然揀得餵母乳，而我又唔係冇奶，只係少咋嘛，人奶條路難行啲啫，用意志力夾硬行去。我並唔係富媽媽，由佢出世開始，我就主打全力追奶。為左要追奶，有媽媽谷叫，每日飲4L水。大佬呀，我照腸鏡都飲唔到4L水。
後來都聽到有個講法，其實坐月嘅時候唔可以太貪心，又要補身、又要坐月、又要追奶。到頭來，會咩都做唔好。最好淨係揀一樣嘢專心認真去做，力量來自專心致志。但我好明白，嗰一個月係情緒最敏感嘅時候，咩人講嘅嘢都會聽唔入耳，「小朋友才選擇，而我咩都想要」。但都係果句，過咗就會好。
信我，響醫院嘅時候我1ml都吱唔到出嚟。我去到第二三個月，上晒奶，每次兩邊加埋都仲係得70-90ml。直到2個月後突然一次塞奶之後，就變成100-120ml。4個月，正常嘅每次150-180ml（除左又塞奶果時會係70-250ml）。第五個月平均都可以去到150ml，有一次仲單邊150ml，兩邊300ml。只要有恆心，謀事在人、成事在天架姐。
最後更新，餵到17個月仲有臨訓埋身，但開始feel到無乜奶，可能因為第二胎，收收地奶。最後一晚係18m，完場。
延伸閱讀：
嬰兒攝影 – ABC studio (AB 3mth, 9mth)
因為上次響Venture Studio有唔愉快嘅BB攝影經驗，但係又想響QQ三個月嘅時候影多輯相，所以就周圍喺媽媽谷裏面問有冇啲嬰兒攝影係冇閃光燈嘅。點知聽返黎先知，原來嬰兒攝影係唔會用閃光燈⋯⋯擔佢。
然後就揀咗間平靚正嘅葵涌ABC Studio，當其時團購優惠價係$399，假日加$100。 都只係$499就已經可以攞到超過100張相，果然我哋要有嘅嘢好簡單，唔需要貴嘅。