生活紀錄隨筆，包含: 育兒類、旅遊類(本港或外地)、財務類(銀行篇、信用卡)、家居類(強迫症日常) (FB:@www.wwblue) (IG:abcd_808620)
我本住比QQ試多啲唔同類型嘅教學方法，去觀察佢究竟需要咩類型教育。
當然啦，有免費試堂最好，保護媽咪銀包人人有責。咁當然，坊間好多playgroup都係要一報就十堂咁上，美其名為，小朋友需要上多幾堂先適應、再上多幾堂先學到野，blablabla。我嘅諗法就係，我唔試過，我點知十堂嘅錢係咪洗得值呀，除非間pg嘅名氣好夠，令人有信心啦。小寶就問：咁好多人爭嘅學校，而人地有學位比你，你上唔上呀？我：係嘅，法官大人，上。點話點好啦。
試過嘅場
Kid’s corner (YL) / Woodland (Kennedy Town) / Artsplus (TST) / Victoria Playpark (VPP) (TST) / Parkview International Pre-School (PIPS) (Olympic) / Baumhaus (Admiralty) – Kindermusik / Guidepost (Sai Wan) / ESF Learning Centre (Wan Chai)
如果有去過BB展，就會知道教育都係需要好早開始預備嘅。特別係如果係，又要搬屋又要做信箱攞地址搬名校區，就更加需要預早準備。但我自問冇咁好嘅心機，只係響我有限嘅能力上網做吓research就算數。
向準備幫QQ報N班嘅時候，加入咗各大或者同區嘅N班媽媽group。發現有好多新手媽媽（其實我自己都係）都唔清楚一啲術語，所以整咗個表出嚟希望可以幫助到大家。
由於真係好入門級BB班，所以進階家長可以直接去睇我整合嘅元朗幼稚園懶人包（以偏概全版/集思廣益版）。或者點揀學校？ 繼續閱讀 「育兒 – 報學校懶人包」
爬文嘅時候睇到一句覺得好精警，嬰幼兒每日最主要嘅工作就係玩，個問題係要俾啲乜嘢佢玩。
呢幾年出世嘅小朋友，因為疫情冇得上playgroup，又冇得出街社交能力差。朋友話佢小朋友嘅幼稚園老師都話，「媽媽唔需要擔心，因為成級小朋友都會一齊變蠢，所以係呢樣嘢係成個學年、成個世界嘅事，唔係淨係你一個」。多謝你呀老師，你咁講真係令到我好放心啊⋯⋯
不過留意番，我target QQ都係入happy School，並冇諗住報咩學之園呀（呃，最後都有報黎玩，傳送門）、傳統名校呀咁，我並無打算要有系統地催谷佢。如果有心想要催谷，就千祈唔好跟呢一套hea hea嘅書單。反而要入返名幼媽媽谷，去考其他嬰兒牌（好似咩嬰兒行山、划艇、騎馬、攀石、平衡車牌照咁）。
我唔可以算係一個好努力嘅媽媽，只係有加入大大小小唔同媽媽group，將啲有用嘅資訊結集整理，然後照跟。無論買乜嘢書本、玩具都好，最緊要，最緊要係要有親子時間同佢伴讀、伴玩，唔係嘅話都係浪費金錢、地球上嘅資源嘅啫。真係無捷徑架。人人都話要磨耳朵，但係就算一個大人都好，你俾佢磨耳朵磨足一年阿拉伯文，如果冇動畫或者冇影像幫你去連結單字句子同埋個意思，點磨都係嘥時間。
Summary: Pinkfong Animal Songs Book / Pororo讀卡機 / That’s Not My Bunny / The very hungry caterpillars (Eric Carle) 配點讀筆 / brown bear what do you see 系列+ dear zoo / 幼幼撕不破小小書 / Peppa Pig 小猪佩奇100册 / 小金魚逃走了 / 抱抱 / 小黃點 / ⋯⋯開始亂買書 / 漢字基礎500
延伸閱讀：書櫃 – 自從越來越多書同玩具，就響淘寶物色咗個好好用嘅書櫃。將好難收拾整齊嘅毛公仔、玩具，全部抌晒落去最底嘅籃到，冇眼屎乾淨盲。
人人都話要贏在起跑線，依家有邊個小朋友唔使由細開始谷英文。本着有贈品無奶油唔去嘅心態，我都上咗幾堂推銷嘅課程。
利益申報，到最後都係嫌太貴，三間都冇買XD
小寶嘅講法係，如果我用呢嚿錢去淘寶買圖書俾小朋友睇，啲書多到可以掟死佢。
