Category: 家居類

[護膚區] 粉底液 – Laneige 氣墊咕𠱸

之前買Laneige優惠套裝，送左個Laneige氣墊咕𠱸，好吧，就姑且配合LM定妝蜜粉試吓用。感覺不過不失，反正喺送嘅就唔好咁高要求。

所屬次序：洗臉 > 爽膚水 > 精華 > 護膚油 > 防曬 > 粉底液 > 碎粉
繼續閱讀…

[護膚區] 定妝蜜粉 – Laura Mercier Translucent Loose Setting Powder

2019年11月去咗轉台北，有幸見識到旅伴的化妝品。以前成日以為旅伴皮膚天生麗質，點知原來我用左LM定妝蜜粉(碎粉)都一樣可以天生麗質！LM碎粉真係一試愛上，我塊臉終於不再滿臉油光啦。

所屬次序：洗臉 > 爽膚水 > 精華 > 護膚油 > 防曬 > 粉底液 > 碎粉

本身唔係啲好化妝既人，work from home多數搽完防曬，然後畫條眉就算，但過左晏晝總係開始出油，要係咁要用紙巾印。而家搽完防曬，然後用LM個天鵝絨粉撲上個蜜粉，無暇肌出現了！其實佢真係好好用，以前兩個鐘左右要印一印油，而家我fing住腳到收工先見出油，用紙巾印一印油，啲粉仍然仲向度，所以印完又變番無暇肌！ 繼續閱讀…

[護膚區] 護膚油 – HABA SQUA Q10

曾經經歷一個時期，因為工作壓力大而爛面，就算用clinique皇牌都無幫助。又試過用organic紫草膏⋯⋯又試過咩都唔用，清水洗面但滿面油光⋯⋯塊面又腫又痛，果段日子真的很黑暗⋯⋯角鯊烷聽過好多次，幾間美容院都會sell佢黎保濕修護用，但價值不菲，小資女孩用唔起。

繼續閱讀…

鰹魚汁流心蛋 @sakitchen

初試鰹魚汁流心蛋，無過冷河好難剝殼。#像極了愛情

唔好煮熟隻雞蛋，浸落鰹魚汁，完。#一行食譜流

事緣有一日小寶好想食流心蛋，我谷歌一下，其實都唔係好難啫，預先準備一支日式鰹魚汁就成事。小寶買咗支濃縮版鰹魚汁返屋企，再拎屋企現成嘅日本雞蛋。

繼續閱讀…

[文青] 生活態度 – 輕度強迫症的桌上萬用箱

自從買咗呢一個萬用箱，枱面唔使散落住東一支細一盒樽樽罐罐，仲可以將樽樽罐罐由高至矮整齊順序排列好，又唔會封塵，玻璃面用眼鏡布一抹就乾淨<3

介紹番，上層可以放高身既toner、泵裝髮尾油，仲有獨立格放細細支嘅sample。

中層左邊上格可放眼霜或試用盒，用晒之後仲可以將一包包嘅sample倒入去拎蓋使用。中層左邊下格可放化妝棉，又用牙線盒間咗間劏房比棉花棒。再放入細小label紙，新開嘅護膚品可以填上使用日期，咁就可以track著用左幾多個月，入番financial record～又唔會用到過期都唔知～耶！ 繼續閱讀…

師奶的日常 – 帶飯

是日精選 – 帶飯2寶
1）蒸飯煲
2）帶百潔布功能的洗碗手套

相關閱讀推薦：[證券戶口] 銀行戶口實太多，證券戶口整合無難度

強力推薦洗碗手套

1）保護雙手 – 隔絕油漬、洗潔精侵蝕雙手，用盡隻手手洗洗洗搓搓搓

2）隔熱 – 因為浸住熱水既碗超易洗，戴左手套，直接用100度既水洗碗都唔怕淥到手；洗完碗再沖熱水，隻碗就好易抹乾無水漬，耶

3）快乾 – 洗完碗，手套唔駛掠乾，抹碗前拍兩拍就乾曬，仲乾淨快捷過一般百潔布