信用卡有好多種，當每次去到要俾錢嘅時候，就要諗一諗用邊張信用卡可以攞到最多嘅回贈。
以下列舉左，我同小寶主要持有嘅信用卡，同埋使用範圍：
Category: 財務類
孕期 – 入院前準備 (走佬袋、申請信用卡、買陪月勞工保險、家居維修)
去到三十幾週，個個人都會叫你執定走佬袋，非常淆底加緊張。所以除咗跟住中後期購物清單照單執藥，買晒基本要準備好嘅嘢，仲需要睇返自己去嘅醫院嘅準備清單，由於我仲未留床位，醫院仲未比準備清單我，好簡單姐，直接打去問咪得囉。
走佬袋 / 臍帶血 / 申請信用卡 / 買陪月勞工保險 / 家居維修
[恒生] 利苑糭券
三月嘅時候開咗個恒生戶口，詳情請見[恒生開戶] 港幣一百萬就咁放到七月就有HK$2,000！
恒生琴日打電話嚟話留咗張糭券俾我，話大概會用15分鐘時間左右，問我得唔得閒過嚟分行聽吓。都估到佢實會比下投資意見㗎啦，當散步過去聽吓佢講嘢。 繼續閱讀 「[恒生] 利苑糭券」
[理財類] 渣打紅利出糧戶口 – 九月前派$900 – 2021
身處於2021年嘅2月，冇諗過大新360出糧戶口嘅息口真係可以變得咁低⋯⋯當然係受大環境影響啦，但都對大新好失望囉⋯⋯由於大新出糧戶口收入大減，就唯有麻煩少少，玩多個渣打紅利出糧戶口。
（詳細流程見[理財類] 老生常談之開源篇 – 出糧戶口篇進階玩法）
渣打銀行戶口本身就不嬲都有，雖然之前為咗份工cut咗個渣打證券戶口（[證券戶口] 銀行戶口實太多，證券戶口整合無難度），最新係上年用咗渣打嚟借錢裝修。首先係打去渣打問吓佢，我個戶口入面仲有冇active嘅出糧戶口。如果冇嘅話，咁我就可以符合迎新優惠嘅要求。
「只適用於客戶開立出糧戶口日期前12個月內未曾使用自動轉賬出糧服務」
期間限定: 2021年3月1日至6月30日 繼續閱讀 「[理財類] 渣打紅利出糧戶口 – 九月前派$900 – 2021」
[星展閉戶] 又到過冷河時期
續[星展開戶]港幣一百萬就咁放到八月就有HK$5,800！：
2021年3月更新：
講返上年五月開嘅星展戶口：響2020年10月20號，就收到左港幣$500新客戶現金獎賞、港幣$4500 特別資金獎賞、港幣$1000交易獎賞。
再響2021年1月19號，收埋港幣$800開戶額外獎賞。總共收咗$6800 然後又可以睇吓邊間銀行開戶有新優惠啦，耶。 繼續閱讀 「[星展閉戶] 又到過冷河時期」
[恒生開戶] 港幣一百萬就咁放到七月就有HK$2,000！
今日去恒生開個戶口做罐仔（罐仔係咩黎），將星展嘅錢搬過嚟（星展開戶）。
期間限定: 2021年1月1日至3月31日 （更新：延長咗啦）
由於公司有限制，所以我淨係可以選擇唔使捆綁式開證券戶口嘅銀行。明明東亞嘅開戶都好吸引但係最衰佢捆綁我一定要開證券戶口⋯⋯咁所以市面上剩返可供選擇嘅銀行唔多⋯⋯ 繼續閱讀 「[恒生開戶] 港幣一百萬就咁放到七月就有HK$2,000！」
[理財類] 大新360出糧戶口 – 每月派最多$1,000活期利息 – 2021
其實都已經玩咗大新360出糧戶口大大話話差唔多四、五年，身處於2021年嘅2月，冇諗過佢嘅息口真係可以變得咁低⋯⋯當然係受大環境影響啦，但都對佢好失望囉⋯⋯雖則係咁但我仍然有續約，重新登記360出糧服務。
回顧：（20200710更新：市面銀行水浸，港元一年定期做緊0.3%，大新1.6%活期息完全跑贏大市，好彩當初簽到2021年1月31日，亦即係當初同銀行對賭，而家賭贏咗）
期間限定: 2021年2月1日至3月31日
額外活期存款利率優惠：up to 2022年1月31日 繼續閱讀 「[理財類] 大新360出糧戶口 – 每月派最多$1,000活期利息 – 2021」
Amex 信用卡 – Explorer / 細頭 / 大頭 – 2021年完美安排
話咁快又過咗一年，我嘅American express 大頭、細頭遊戲，就係上年一月為咗歐洲度蜜月之旅臨急臨忙咁申請嘅。同一時間仲滾水淥腳、快馬加鞭咁申請晒各大酒店會籍，不停用電郵、電話同酒店交換訊息，諗返嗰陣時嘅工作效率真係好高。
好啦，計劃永遠趕不上變化，三月嘅歐遊計劃因為疫症關係完美取消咗。我仲好記得我哋嗰程Free one way嘅日本飛巴黎嘅商務客位，嗚嗚。就係因為2020年3月9號香港開始停飛日本，成個行程嘅第一站日本完美地拉倒左成個歐遊。都好在，我哋響二月用咗突如其來中獎嘅澳洲機票，都叫做有享用過Amex Centrion Lounge！2020年往後陸陸續續嘅staycation，都受惠於酒店會藉帶嚟唔同優惠！又收咗兩次現金回贈，一次$2000一次$2500！
中獎嘅澳洲機票:【202002 澳洲樹熊之旅】引子 – 如何善用Fine Hotel & Resorts用HK$25,000豪遊澳洲
食過Amex嘅優惠: Amex Platinum Card 美國運通白金卡(細頭) – 那些年我食盡的優惠
過咗一年啦，Amex細頭、大頭響一月嘅月結單分別出現咗$7800同$2200嘅年費收費。其實熱線哥哥都有話，正常來講擁有細頭嘅主卡人之大頭年費係會自動waive咗，我都直接回覆佢，係囉，可能我同電腦系統總係唔係好夾，為何總是我。好啦又係時間要諗一諗今年嘅大、細頭要點樣安排。 繼續閱讀…
Amex 美國運通 Explorer™ 信用卡
近日熱門話題Amex CX Elite card（向白金出發第一步之 Amex 入門卡 – 美國運通國泰航空尊尚信用卡 Amex CX Elite card），終於功成身退，將會由Explorer card 於2021年5月完全取代。各大平台經已搶先搶閘介紹呢一張新探險者卡，仲用晒懲罰嘅方式去恐嚇你如果五月之前唔申請一張新嘅卡，到五月嗰時，舊嘅Amex CX Elite將會被探索者卡取代，到時仲會冇迎新優惠，你仲唔快啲申請？咩鬼都講晒，我仲有咩好講呢？ 繼續閱讀…