雖然AB都試過，但聽到有同學仔玩到咁大，流到成床都係血⋯⋯要做嘅梗係好好教育一下啦。
求其響Google搵張鼻腔嘅橫切面嘅圖，然後同佢講淨係可以用細手指撩出邊，如果撩太入嘅話，就會整到鼻腔表面嘅微絲血管，咁就會流鼻血㗎啦（唔負責任嘅科普）。
好似有次細佬嚿鼻屎鬆咗之後，佢大力一級塑咗入去。然後我就同佢哋講細佬吞咗嚿鼻屎，雖然胃液應該可以殺死啲細菌bla bla bla，但佢兩個好震驚，然後就一路擰頭話唔可以食鼻屎。（目標已達成）
然後再教佢地響浴屏入邊先可以用濕潤嘅手指，撩硬嘅鼻屎會容易啲，沖涼嘅時候叫佢撩完先出嚟。
響公開場合，譬如學校或者餐廳就因為衛生問題而唔可以撩。（公主係唔撩鼻嘅）
我嘅態度擺明，佢明就明，唔明就唔明😂
同埋佢自己流左鼻血，鼻血向鼻腔結塊，咪仲唔舒服。我大佢，話工作細胞教落，一流血要3日先會結焦架。（恩威並施）
又或者瞓覺嘅時候個鼻哥唔舒服，所以冇意識去撩。或者試吓臨瞓刷牙嗰陣時噴吓小海豚？舊鼻屎軟咗，容易啲呢撩出嚟，亦都唔需要撩咁耐。
再唔係，屋企再追加預算，加部加濕機，保持濕潤，又得，得左。