呢排新開箱咗工作細胞一套五本
- 並唔係要培養佢將來做醫生定係點
- 而係我個人覺得呢世人流流長，一定要對自己身體內部嘅構造有基本嘅認識
- 當年我嘅biology係瀕臨唔合格邊緣
- 可能係因為未開竅完全唔識背書背單字
- 然後每次答問題都攞唔到重點
- 所以真係好低分
- 但係唯獨講到身體構造呢一part
- 食物點樣同口水有化學反應變成麥芽糖
- 一路直落到去個胃同邊隻enzyme有反應
- 去消化邊方面嘅營養
- 反而呢啲記住到好大個都仲記得
- 我諗呢個亦都係我當年揀理科嘅原因
- 套用返人生物理層
- 其實人最基本都淨係需要溫飽
- 而文科嗰啲人民道德文化層面太高深
- 我都係揀返理科啲比較貼地嘅食飽屙嘅人生
- 我諗當其時嘅諗法係
- 如果我學識咗呢一課
- 將來就算要減肥
- 都大概知道要食啲乜嘢點樣食幾時食
- 食物入到去個肚度會咩時候變成點？
- 到大便出返嚟嘅時候係咩顏色？
- 到長大後睇中醫可以話到俾醫師聽舊屎嘅texture係點？
- 顏色形狀同健康全部都息息相關。
- 然後AB就好鍾意血小版
- 佢聲稱佢同血小板隊長一樣都係長頭髮
- 然後冇情情話細佬係紅血球
- 仲自發地記到血小板要記得帶凝血因子
- 用纖維蛋白織個大網網出嚟包住個傷口
- 但自從佢愛上咗之後
- 氹食飯就變得好簡單
- 佢一話食飽啦，唔食啦
- （厭食狀態中，只係食咗兩啖飯）
- 之後同佢講話紅血球今日好想送魚魚俾其他細胞食
- 佢就即刻返返埋位夾入口
- 然後便秘嘅時候
- 再同佢講飲水經由食道落到個胃
- 然後十二指腸小腸大腸
- 一路推啲popo出嚟
- 唔可以食牙膏
- 吾係啲牙齒會一噠噠白色
- 因為過量吸收Floride
- 然後個後果就係連續半年
- 晚晚工作細胞繪本嘅中選率
- 高達七成
- 我同爸爸都讀到想嘔