我諗我應該黐咗線。我諗我真係應該黐咗線。
皂工房
深水埗塘尾大南街191-193號地舖
- 事緣係細佬歲半，差唔多戒奶。
- 然後我終於扚起心肝清吓個冰格。
- 冰格裏面有大量過期、超過三個月嘅冰鮮母乳。
- 死仔包，睇返上面嘅時間
- 應該係生完佢第二個月我keep住都好多奶，但係佢條友仔厭奶
- 然後到佢猛長期嘅時候，我就開始少奶
- 然後條友仔又要食新鮮嘅奶，所以出世後第234個月嘅奶全部囤積咗響冰格
- 4380ml，即4.38L。
- 如果有做過研究，就知道整母乳皂，並唔係一個平嘅消費。
- 正常價錢講緊大概$400至$500做1公斤奶皂，大約10舊奶皂。
- 而1公斤奶皂只需300ml母乳。
- 然後我屈指一算，雪櫃呢4公升嘅奶，應該可以造15公斤奶皂⋯⋯
- 有人話1公斤奶皂，小家庭可以用半年。
- 即係2公斤，可以用一年
- 然後我有15公斤，應該可以用七年⋯⋯
- 但ig shop 製造商只係願意收半年至一年內嘅母乳。
- 其實我呢堆母乳都已經係一年半之前。
- 好彩搵到一間製造商，願意收留三至五年內冰住嘅母乳⋯⋯
- 問題又來啦，製造好嘅奶皂，理論上可以keep 2年。
- 咁我呢15公斤，只能夠keep 2年⋯⋯究竟點搞㗎？
- 如果我先整咗4公斤，即係可以用2年。
- 等到2年之後，再整4公斤，然後再用2年。
- 我最後可以整到4公斤，然後再用2年。
- 結論係我都會浪費咗3公斤嘅奶⋯⋯
- 再加上分開來整嘅話，個價錢就冇大單優惠⋯⋯
- 最後我用一個師奶仔嘅心態問，請問我可唔可以一炮過俾錢？
- 第一次先整8公斤，呢度都可以用四年。
- 然後兩年之後，再整埋剩低嗰7公斤⋯⋯ 我再拎去派街坊⋯⋯
- 點知間舖頭又真係癲到，肯陪我發癲⋯⋯
- 仲可以一次過收晒我呢15公斤嘅奶⋯⋯
- 你叫我倒晒啲母乳，我又過唔到自己個關
- 加上間嘢都好似有地鋪
- 然後我居然係冇朋友試過嘅情況底下
- 我就癲到比左$7xxx，一炮過⋯⋯ 冇眼屎乾淨盲。
- To 皂工房 on 20/1