都話左我有強迫症架喇，但生左女之後已經好番好多，好多要求都被迫放棄/得過且過。但生完仔之後，好似個人返番黎啦⋯⋯
到小朋友開始上playgroup/返學，就開始又黎料⋯⋯
返學名貼/印章/名牌
小寶一如以往，堅持要向日本訂返黎。傳送門。
證件相收納
每隔幾個月去影證件相、大頭相、學生相，所以淘寶天貓搵咗個證件相收納冊，執得靚靚仔仔。可惜我嫌佢個硬皮係簡體字唔開心，遲啲要搵個三孔嘅硬皮File換咗佢。傳送門。
文件櫃
善用標籤機，brothers，就可以將醫療記錄/保險記錄/臍帶血合約/報學校/portfolio全部整理好。我近排試緊將所有電器manual入copy safe再filing。
Playgroup作品好多，立體嘅大型嘅全部影相存檔，A4 size嘅全部入落呢個folder落，分年份分孩子排好。
書櫃
買得愈黎愈多書，有睇過旋轉式書架，聲稱可以收納到300本書，又唔會比小朋友撞冧。
但最後揀咗呢一隻書櫃（傳送門），最底嗰層全部買晒收納箱，將啲玩具執晒入去，冇眼屎乾淨盲。睇落非常整齊。