2024笑話一則
- 我懷疑我肋骨骨折，因為埋身餵奶
- 背景大女2歲幾，當年餵人奶餵到18個月，因為陀住細佬5個月，所以停奶。然後細佬而家10個月，仍然埋身全人奶。
- 星期四晚向床餵奶時，懷疑比細佬撞爆心口，定係家姐都責埋落黎？唔肯定
- 星期五起床愈來愈痛。睇左中醫，腋下好似肌肉拉傷咁痛，呼吸、咳嗽、講嘢大聲、拎袋、舉手着衫、伸懶腰都痛，醫師叫我去照x ray🤣
- 唔知肋骨有無事，向醫院照緊x-ray。啱啱醫生話睇唔到明顯有骨裂啊骨折嘅情況，但我痛到咁🥲
- 不過醫生都有講，有時就算輕微骨裂，但係佢好似Lego咁俾啲肌肉包埋一齊，所以都睇唔到佢裂開。不過有裂又好無裂又好，都係要等佢自己慢慢好，所以都係繼續食止痛藥。
- 佢話想開消炎藥，但我話餵奶唔想食，然後淨係入咗醫院照完X光，攞必理痛走，勁低B。
- 然後keep住3日去做一次針灸止痛。
- 然後有一晚，當細佬食完奶，用雙手禁住我心口起身時，我兩個傷口（一個向乳房下方，一個向腋下）劇痛！原來兇手係你！
- 細佬11個月，我仍然舉手會痛，究竟係我習慣左個痛，定真係回復緊呢⋯⋯
原來問下朋友，真係會有friend of friend試過肋骨碎左⋯⋯只能夠話，而家小朋友嘅頭骨鈣質真係好夠⋯⋯
延伸閱讀