接育兒 – 報學校懶人包，又到2023/24 PN班報名情況 (1Y+)，然後到2024/25 K班報名情況 (2Y+)，都想講下點解我會咁揀幼稚園/小學/中學。
戴頭盔，幼稚園同小學相差都幾年，每幾個月知多左野，學多左學校知識，選擇都會唔同，最緊要係當下做到一個係為小朋友最好嘅決定，就唔需要後悔。
不過講真，到中學，就睇小朋友嘅成績同取態，唔再係家長100%可以左右啦。
我當時係由中學睇起，再向前推，要預佢會跌一級（因為其他小朋友都會開竅），我想佢讀咩類型學校，就要用向上一級學校要求嘅力度培養佢，預佢跌一跌，然後就會入到你想佢入嘅學校。
一般正常家長揀學校嘅客觀條件（向九真家長群組抄出）：
- 1. 校舍位置
- 2. 校舍交通，eg車費/車程
- 3. NET 數目
- 4. 班主任數目
- 5. 英語時間
- 6. 普通話時間
- 7. 課外活動
- 8. 學費
- 9. 戶外操場
- 10. 功課數量
- 11. 小學/中學branding
- 12. alumni 出路
- 13. 宗教
- 14. 可否幫忙細佬妹入學
- 15. 學校理念
- 16. 學校歷史
- 17. 男女校/女校
- 18. 升中校網
- 19. 教學方法與小朋友性格嘅配合
- 20. 外闖容易程度
- 21. 全日/半日（AM/PM）
- 22. 可否大抽獎
我嘅話，我無一開始列出咁多要求。相信每個家長一開始都只係需要小朋友讀得開開心心，但當愈做功課就會愈多（對學校）要求，但放心學校同時都會對小朋友有要求（面試）。其實重點係「有Offer先至可以做選擇」，就係一個學校簡人，人揀學校嘅一個過程。
我一路都有心理準備，要預期小朋友越大，資質會漸趨平庸，因為每個爸爸媽媽響小朋友小朋友嘅時候都總會有個美好嘅濾鏡，覺得小朋友天資聰敏學嘢好快，但係其實有邊個小朋友唔係呢。當佢地越大，有啲小朋友會早啲開竅，就自自然然會比下去。
亦都係因為我唔夠膽揀神校嘅原因，我成日都覺得如果小朋友真係天資聰穎，然後靠自己考入咗去神校（例如中學）佢先至係條路自己揀，pk 唔好喊；如果係父母由細鋪佢入去啲好谷嘅學校，咁好大嘅機會小朋友會歸咎條路係父母幫佢鋪嘅，都唔係佢自己揀，而佢又讀得辛苦嘅時候，親情之間只會剩返怨懟。
如果真係要揀，主要係分區，接送返學可行前提下，就揀學校報名interview，有offer之後先再細分點樣揀。
Target直資私立/公立津貼
- 應該話睇吓你係Target直資私立，定係公立津貼學校，首先係睇錢份上，負擔到就多啲選擇
- 啱先報k嘅時候，我係報四間龍，所以我好難唔中龍
- 但如果我唔想要龍/語境嘅話，我會覺得學之園或者st cat真係一個比較好嘅選擇
- 如果我小朋友唔係向香港嘅教育制度下成長，我會想6歲前都比語境佢(VEO)，但我一無移民打算，二無錢，所以都係早啲比佢入龍（前提要人地收先算）
- 人地話st cat都有語境，但係我覺得主要都係入邊啲家長都會自谷
Happy vs 谷
- 有一個講法
- 其實happy School都要諗
- 就係你想佢幼稚園happy，咁小學呢？
- 如果小學唔係happy School
- 佢幼稚園happy左三年
- 佢就會根基打得唔好
- 到時小學就會追得有啲吃力
- 如果小學都係happy School
- 繼續happy多6年，咁中學呢？
- 如果中學都happy埋
- 就唔駛煩大學啦
- 因為入到嘅機會唔高
- 咁當然會有啲好標青嘅特殊例子
- 但係比例唔高
- 又有人話
- 1 Happy school/活動教學=自己谷
- 2 傳統學校=用多功課同考試谷
- 3 國際學校=大量閱讀/做report 谷
龍校定非龍
- 一心向神校追嘅父母不適用
- 我怕公海，係因為聽太多升小嘅媽媽發自內心嘅警告
- 可能睇埋考小過程，應該就會明
- 龍其中一個好處
- 因為學術唔需要太深（岩我，懶媽，唔想小朋友成日追追趕趕，要提早一年學，因為谷嘅學校教快一年），因為有大部份同學都會直升上去，佢有10幾年嘅時間慢慢栽培你
- 其他學校(如LH)因為要裝備你出去公海考試，所以學所有嘢都好趕時間，要追響K2面試前，要教識晒你
- 其實龍校嘅壓力都唔弱
- 九龍真光，因為本身九龍真光小學中文都好勁，所以佢幼稚園都已經好谷
- 你睇吓培正如果佢happy嘅時候家長都跟埋一齊happy
- 分分鐘去到小學二年級就俾人勸退
- 因為程度突然深咗好多學術要求亦高咗
- 如果小朋友根基打得唔好就玩完
- 而最恐怖嘅係如果龍校俾人勸退
- 佢嘅程度未必銜接到出邊嘅學校
- 所以無論咩學校都要按需要地自我補習
- 除非真係對佢嘅學習成績完全冇要求
- 民生都出名勸退，我都有啲驚
- 雖然好多再讀家長話情況唔多，每班只有幾個
- 總之就千祈唔好做每班考第尾嗰幾個
- 但係比起出邊私立直資嘅話
- 龍校嘅學習壓力相對已經係細啲
- 因為唔使追進度
- 有個講法係
- 一條龍學校嘅話，你嘅競爭對手會係你嘅校內同學
- 私立幼稚園，你嘅競爭對手會係全香港嘅適齡小朋友
- 總之響龍校你保持到係中上嘅水平，你就可以好穩陣的直升
- 總之結論我好無大志，淨係希望佢向龍校keep到中遊
- 神校唔係我地杯茶
- 就算龍校都讀唔掂踢出黎（前提要升到小），升中時都有個校網搭救
名幼 vs 龍？
- 大部分有要求嘅家長會揀入名幼
- 或者話名幼聚集左好多有啲要求嘅家長
- 大家會aim high揀神校
- 但總會有人aim唔到
- 一跌落神壇可能會連龍校second in / offer都無
- 但又咁講，小朋友向學校學到嘅野係落自己袋嘅，學費絕對唔會浪費
- 投資向教育嘅一定係值得嘅
- 除左gh spk, 邊間女龍值得棄sc lh?
- 好多人話聖心私，九真小唔難考，唔洗去佢個龍
- 的確，但係我響九真谷見，真係會有sc lh嘅過咗嚟
- 有機會係家長冇信心出公海遊遊
- 亦都有機會係唔想連續三年作戰狀態
- 不過講真我自己都幾心儀九真幼嘅package
- 到時幾千人考小，你讀lh，隔離有人讀sc，veo，聖公會，好多出名幼稚園
- 公海亦好多臥虎藏龍叻既小朋友，揀龍就係唔想咁大壓力
- 不過有時揀學校唔一定淨係睇條龍，仲要睇埋家庭配合同埋各方面嘅配套
- 起碼我見到有家長，因為最後先知冇校車，而放棄咗手上最後一個offer
- 搞到要去返原先間N扣門
- 我比較傾向相信，除非係性格好明顯嘅小朋友（例如一睇就知係國際學校外向type），否則其實全部小朋友嘅可塑性都好強，你俾一個乜嘢環境佢，佢就可以響嗰個環境度搵到自己嘅定位
- 國際學校type係好明顯㗎，我做家長義工試過幫手拖住個小朋友，一個鐘之後我覺得隻手就嚟甩骹🤣仲要途中同佢傾偈傾到口水都乾，呢type小朋友入傳統學校會有啲辛苦
考龍幼的話 讀唔讀n有無關係？
- 總會有無讀N嘅小朋友入到，但數量應該唔多。因為龍幼都大競爭，都可能會揀出色嘅小朋友比offer(合理嘅)。但如果家長自己教都有讀n嘅效果，小朋友又唔驚見陌生人，咪無問題囉。
- 講真，in k係每年10-12月，11月高峰，有啲細b根本都N班未入學
- 亦都有啲人問N係唔係一定要讀
- 如果你心儀名幼嘅話，咁最好建議你有N就報N，因為intake最多
- 名幼K班要等人走同棄offer先有位
N嘅interview
- 疫症時，考N主要都係拍片
- 或者面試睇家長嘅應對
- 考N時得果一歲幾至兩歲人仔，都唔知有咩好in
- 當家長教育理念佔8成，都好合理
- 面試同出成績等2-3個月
- 當時無乜壓力
幼稚園名氣
- 揀幼，都有考小嘅考量。有聽過有啲case遲到名小interview，門口姐姐問係讀緊咩幼稚園，答根德園，然後比佢入埋去interview。
- 如果報N/K嘅時候，如果有讀佢有聯繫嘅playgroup，咁梗係要寫
- 舉例報st cat就梗係寫有讀緊pebbles
- 有一個說法係，報LH時先寫讀緊little hab；報st cat嘅時候你唔會同佢講，讀緊little hab (LH) ，因為覺得你唔忠誠（但係你都可以解釋係，因為交通啊、派唔派到心儀嘅時間啊、照顧者方便啊，等等）
- 亦有一個講法係（我都係用呢個），報邊間名幼，都寫我自己讀緊Vpp，（展現我願意俾錢栽培小朋友嘅能力），同埋小朋友唔係只係響屋企或者公園，係享受緊有結構性嘅pre幼兒園生活（浸語境）
- 我覺得點都會有啲幫助
- 咁岩聽到個村校家長講，小朋友正正常常，面試無喊無分離唔到
- 但全線九龍塘考K之旅全軍覆沒，有嘅都係得waiting，call到7月仲未到佢⋯⋯唔通村校真係太happy?
考幼考小可以跨區？
- 直資私立，全部都可以跨區，只係學校鍾唔鍾意受跨區學生（培正真係唔鍾意跨區）
- 舉例子，民幼今年好似淨係收咗單位數嘅元朗學生 out of 3xx人
國際學校(International School)開心啲？
- 首先係咪N無
- foreign passport / sibling / denbenture已經有priority
- 因為IS要收一定比例嘅foreign passport student 去maintain ratio
- N無即係乜都無
- N無入IS要靠技巧同運氣
- 同埋究竟係咪可以供得起咁多年嘅學費
- 好多case都係本地神校讀到上去中學，毅然轉IS，幫IS拎靚IB成績
- 無乜聽過向IS轉出去讀local school有好嘅表現，愈大就愈唔會轉
- 想有得揀都要有offer先有得揀
- 就算係國際學校谷我都有入，一樣大壓力
- 因為國際學校都有分兩派家長
- 一派谷，一派真happy但有錢
- 然後N無又好難入國際學校
- 所以我地esf even though收曬intake，我地都排9x先到我地
- ESF谷嘅家長，聽到人哋嘅Offer，佢會問人哋有冇foreign passport，有冇比500,000 debenture
- 我frd個仔讀緊esf，但係佢堅谷，k1已經認緊中文詞語，寫剔手邊
- 所以唔會有真正happy School
- 如果家長要自谷嘅
- 咁間學校有幾happy
- 都唔係happy School
- 因為連ESF都係要用成績高低OR priority
- 再去揀中小學嘅排位
- 所以結論都係要外補
K嘅interview
- 考K仍然都係拍片
- 小朋友亦都開始識得講嘢對答
- 同埋家長應對都仲係佔比重（當60%?）
- 全部集中響11月interview
- 12月放榜
N/K面試嘅壓力
- 「小朋友係冇得控制」嘅壓力
- 小朋友病咗，狀態唔好，又要面試嘅壓力
- 谷內分享，面試完行出嚟，有人見到有個爸爸抱住個仔行，但個爸爸喊到豬頭笨咁，一邊話「對阿仔唔住」
- 可能你會話，放鬆啲啦，都係考K啫
- 但到親身面對時，真係完全控制唔到
- 我一開始以為係女性荷爾蒙
- 後黎見到愈黎愈多谷內爸爸發癲
- 就知係無分男女
- 聽到最誇張12月發左K榜，個媽媽向谷講收到心儀幼稚園嘅offer嘅，但
- -我老公癲左，佢話「老婆，好興奮呀，仲有xxx日就要考小啦，我地要開始準備打仗！」
- 太認真囉，得失心太重，但旁邊嘅氣氛氛圍就會自然令你好緊張
等放榜
- 等待心儀學校放榜嗰段時間最掙扎
- 因為等放榜唔係淨係情緒受到影響
- 而係要準備求位信、推薦信etc兩手準備
- 仲可以準備埋PM轉AM嘅信，如果有Offer，但係想要上午班，就交埋入去
- 舉例子：
- LH放榜日有家長拎住6版紙求位信就企喺學校門口
- 12:00上網check到放榜，結果係waiting
- 就拎住求位信入去敲門
- 好彩最後收到取錄通知
-
我聽過最強勁係一日一封求位信親自比GH校長， 持續左半年，就成功左
求位信幾時交
- 求位信幾時交都有幾套講法
- 有啲就係一知道係waiting就即刻交
- 有手寫或者親身加電郵交
- 博佢睇中你嘅誠意，又或者排先到先得
- 有啲話
- 等佢第一次註冊日當日交
- 可能當first in last out嘅concept
- 因為實有人唔俾錢放位
放榜日
- 培正放榜前一日，我地無緣，入唔到二面谷，但聽到啲家長話士氣大勇，大家一齊緊貼隊形，「培正開學日見」。
- 民幼放榜嗰日，12點正上網睇result。個2次面試谷（第一團係報名谷，報名約2xxx人，然後就係過到first interview嘅二面谷，約9xx人）啲爸媽一齊響入面倒數12點（而家諗番都有啲眼濕濕，當時好很大壓力），一邊同大家講希望可以入到下一個谷（正取谷），但又互相安慰就算入唔到都唔代表小朋友唔好。
- 然後15分鐘之後，原先嘅二面谷就變成備取谷，人數一路下降。正取谷已經開放，放左5xx幾個位，好心up但又好興幸可以留得低。
- 重點係，你報嘅間間學校都會有咁嘅情況，真係好很大壓力
小朋友點諗？
- 我覺得仲要睇埋面試嘅時候，小朋友鍾唔鍾意學校嘅老師同埋會唔會enjoy個學習氛圍。我當面試都係一種俾小朋友認識學校嘅一個機會。
- AB響SC嘅面試係七間裏面最好嘅一間，佢應該向呢間讀得最開心，只係阿媽唔想響公海玩考小⋯⋯
- 返幼稚園，無論谷or happy，家長正常都應付到
- 但小學既功課or 默書量，就好影響放工後既家庭生活😂😂
以為入左龍K就無野煩？
- 你仲可以考慮報cckg，傳說中拔拔嘅搖籃
- 張報名表有1/3位置要你寫有咩宗教/受洗紙/關係人士
- 因為傳統好多好多年前幼稚園只係得2年（即係依家既K2 同埋K3），我地叫佢地lower 同埋 upper。
- 之後加前左一年入學，咁就叫Nursery，有啲學校整合左叫K1, K2, K3. 有啲冇整合就叫Nursery, Lower, Upper.
- 之後再推前多一年，咁就變左Pre-Nusery, 就係PN 啦。
- 而cckg只有K2 (lower)，K3 (upper)
- 但聽聞cckg無以前咁神
- 有認識嘅家長，大女N, K1 (sc), K2 (cckg)轉左3間幼，當然係cckg考小，最後只得GH小 offer。結論細女留番sc 4年算數。
有左offer之後要點揀？
首先都要睇下課程深淺
- 只係有陣時望住佢哋故事書啲字
- 點解可以難到咁
- Hippo咪Hippo囉
- hippopotamus係咩玩法？
- 我響Caterpillar系列入邊學
- 就係Hippo嘅正寫
- 呢篇文科普左小學嘅程度同埋學校特性
- 然後我話俾你聽，九龍真光小學一年班就要默呢個字hippopotamus
- Tadpole呢個我以前真係冇學過
- 我越爬文我都越擔心
- 佢哋話而家K2考小學嘅中文程度好深
- 靠幼稚園一定唔夠
- 但又咁講，你要佢入名小，就要跟遊戲玩法
- 提早學習以前我地大個先學嘅知識