培正
Remarks:
- 靚龍、最早有啲報，岩曬懶媽; 點知啫，可能AB自己識揀，一入去就喊到完場呢⋯⋯
- Band 1A, 但係中文中學，又但係DSE英文成績唔差
- 100%幼稚園升小學
- 但唔係100%升中學，因為要維持返Band one嘅質素
- 幼稚園非常happy School ，因為有15年時間慢慢栽培個小朋友
- 但係突然之間小學二年班開始會就變得好學術
- 如果之前根基不穩，即係家長冇幫手谷嘅話，小朋友會變得異常唔適應
- 出現有退學嘅例子都係小朋友變得冇自信
- 家長都會自谷
Steps:
- 7月有得報名
- 11月interview
- 12月8出成績，到時睇AB嘅成績表，就知道CD條路點走
- 人哋話第一日interview相對容易啲
- 第二日interview係星期六就避免咗返工要請假
- 所以好多家長會選擇遲啲報希望排到星期五面試嘅時間
- 但係一開始申請時間就補出到嚟嘅面試時間就好早，所以會有部份家長會等其他人暴曬名出咗午睡時間嘅面試時間後先至報名
- 由於我哋都算早報，所以係星期六早上，巧合地無撞 st cat同劍鳴
- 當出咗面試時間後就聽到好多家長撞兩間同一日面試，慘
20231104 PC
一去到學校呢就好乖咁喺度排隊
[等候區]
然後佢見到個牌寫住個2字，佢就話「呢個係two 嚟㗎」
有個弟弟響3號嗰度走過來搖個2號嘅牌「好危險㗎」
然後AB見到人哋攞書出嚟睇，就話「我哋今日冇帶」
媽咪就俾咗本書佢睇，吸引到後邊位姐姐
然後我比多咗本書叫AB分享俾姐姐睇
然後就準備行樓梯AB一路一步一步咁行樓梯好乖好厲害，仲識扶住個欄杆
然後仲講咗句「咁高得唔得㗎？」
要上差唔多一層半樓梯
去到第3段AB就要一手扶欄杆一手扶我咁行
後邊有一個一月B打尖，個媽媽雖然一路講唔好意思，但係佢一路繼續打尖
上到去原來係響泳池左邊嘅課室（活動室）度面見排隊
姨姨就話，都未開始面試可以比佢哋去泳池度睇吓水㗎，唔使咁緊張
打尖媽媽又比另一個人打尖
[individual]
然後就入房見老師
排到喺7號櫃位
老師一嚟就同佢打招呼，佢一路跳住跳住咁入去，好開心
然後老師就話：你今日件衫咁得意嘅
問佢係咩嚟嘅，佢話係「啤啤」嚟嘅
老師就問佢係咩色嚟㗎
佢呆咗唔識答
（阿媽水左你）
然後叫媽咪攞面見證俾老師
我俾AB對比老師
但係老師話淨係要最後嗰張，早知我俾份唔釘嘅佢啦
然後老師問佢叫咩名佢答到
老師就問佢今日件衫隻熊仔係咩顏色？（又黎？）
佢呆咗，然後答老師灰色
我唔敢提，然後老師有問隔離隻熊仔咩色？
佢答白色
然後老師話嗰隻係啡色，唔係灰色
佢自信心受創，跟住表現就滑鐵盧
然後老師攞咗盒紅蘿蔔同埋青椒出嚟
問AB仔今日早餐食咗啲乜嘢
AB嘅注意力已經比條紅蘿蔔吸引住，就答老師「紅蘿蔔」
老師話你究竟係望住紅蘿蔔答紅蘿蔔，定係真係食咗紅蘿蔔㗎？
佢又呆咗，可能覺得老師diss緊佢
然後我提佢，今朝食咗白色嗰啲係咩嚟㗎？
佢答蛋糕（點話點好啦）
然後老師就話我食左蛋呀，但係我仲好肚餓，問佢肚唔肚餓
佢又呆左（可能太生活化，或者佢根本唔想知）
然後老師叫佢切紅蘿蔔比大家食
佢唔夠力
然後老師叫佢大力啲
AB就切到另一半紅蘿蔔飛咗去隔籬枱地下
要老師去執（我應該係果下開始，面紅到好熱）
然後老師叫佢切埋條青椒，佢反轉咗把刀
老師就話，你反轉咗喎，幫佢更正番
然後切完青椒，就叫佢自己「詐假意食」
佢聽唔明，我補充叫佢「扮食」，佢就好細聲咁食
老師就話「嘩你食得咁斯文嘅」（可能覺得老師又串佢）
然後老師又叫佢，比一個老師食，佢都有比老師，老師好大聲咁暗暗暗
然後叫佢，比一個媽咪食
我食完就叫佢自己再食一次
都叫食到
然後老師就拎咗快手抓板出嚟
三個形狀黃圓形，紅三角形，藍正方形
然後老師指住個圓形，問佢呢一個係咩顏色佢答circle
老師又話係咩顏色喎，circle係啱嘅，但係係咩顏色？
佢答Yellow
然後老師又指住個正方形問佢呢個係咩嚟嘅
我心諗死啦，我冇教佢講正方形square，佢都唔熟
所以佢呆咗唔答
老師再幫佢就問佢咁隔離呢一個紅色嘅又係咩形狀？
我懷疑佢唔敢答Triangle因為佢唔識答三角形。
咁老師再問佢指住個正方形問佢係咩顏色
佢都係答唔到藍色
老師再問佢藍色係邊隻佢就指到啦
老師在指住三角形問佢係咩色佢好似答到，但係好細聲
然後就沒有然後了
老師就話送貼紙俾佢
叫佢揀鍾意畫畫定係鍾意唱歌？
佢揀咗畫畫
老師雙手遞貼紙俾佢，問佢要講乜嘢
佢冇望老師望住門口，講please and thank you
然後老師同佢講拜拜，佢都有講拜拜
然後老師話「我喺呢邊喎」
又diss佢
佢後尾先望返返嚟
眼神完全唔合格
等候區有勁多11月12月超大B
20231107: 無 second in email，卒
20231209: 上網check有無奇蹟，事實證明係無，「不取錄」