LH
- 本身經過左報PN嘅洗禮，都諗住無機架啦
- 點知失敗左, 8月都會send email黎問會唔會enroll落K，咁即管試試
- 青衣就算啦，今次試下轉報奧運細校校舍先
- 想去見下傳聞中每一間班房都有海境嘅奧運校
- （就係鍾意細校，凱帆競爭太大唔啱玩）
- 好似有啲人連問卷裏面嘅題目全部都有send email update到
- 我哋直頭沿用返N班嗰堆答案
-
10月中，剪定5分鐘片，差300字description
- Steps:
- 20231101 又交片
- 20231109 有6個views，唔通媽咪剪得太快？
- 20231121 有second in，證明阿媽剪片有一手。同上次青衣一樣，都係9:00 in，唔通條片咁高分？
- 越早interview，條片分數越高。好似係都市傳聞嚟，因為我哋研究過，唔係跟姓排，又唔係跟申請編號，亦唔係跟申請次序🤷🏻♀️咁除咗係跟分數，仲有邊啲可能？大家集思廣益下。
- 20231127 條片又有view, 4’46，共7 views，唔通Ms melody 想見多次我個女？
- 20231216 正取英普pm (正取谷得6個人🥲棄offer好大壓力，對唔住miss melody)
20231121 有second in 仲要9:00第一round面試
20231127 LH
- 呢排真係忙到甩碌
- 阿媽衰到連接受second in個制都冇撳到
- 出去嗰程車又要返工時間又要塞車已經好緊張
- 但係扮晒唔緊張咁
- 可能去到門口都唔準入
- 上到5樓係海帆校
- 沿着指示行大概1分鐘就會見到奧運校
門口
- 去到門口登記有兩個登記員
- 我哋係第二個人登記
- 有一個話「呢個冇喎」
- 冇咩呢？阿媽心虛。係咪直接reject？
- 但係好彩見到枱面003號，就已經係AB個名
- 得啦，原來有得入去，當贏
一號房係等候區
- 我問AB，呢個係第幾號房，佢話係One
- 因為我哋準時九點到，冇提早到10分鐘
- 所以去到嘅時候全部枱都已經坐滿晒，淨係可以坐門口嗰張枱
- 兩個父母同小朋友坐一張枱，上面有書
- 好好彩枱面第一本書就係，尼尼，什麼都不要！琴晚臨瞓嘅睡前讀物！有時運氣嘅嘢，話嚟就嚟。
- AB就即刻坐埋枱，自己拉凳，自己睇書
- 我仲同佢look up，係咪有好多小朋友嘅公仔喺上面埲牆度，正前方又有個哈哈鏡，推一推佢啲情緒
- 睇唔夠一陣，英文老師話要大家聽自己個名就有起身
- 然後就等叫名去第2間房
第2間房
- 同埋爸爸一齊入房
- 點知門口第一個老師話只能夠一個家長入嚟
- 然後坐咗響門口第一個，係張老師
- 我照舊都係叫佢自己拉凳自己坐底
- 張老師，好友善，幾有愛
- 會好慢咁樣同AB打招呼（可能想俾佢熱身）
- AB講Hello張老師
- AB識講自己個名
- 然後老師攞咗幾個公仔牌，一個爸爸、一個媽媽、一個男孩子叫柏晴（音譯）
- 然後老師問AB，柏晴係男孩子定女孩子
- 然後又指住媽媽公仔問，係男孩子定女孩子
- 然後再指住自己問，張老師係男孩子定女孩子
- 但係AB停咗唔想答
- 後尾老師再問咁張老師，係同媽媽一樣定同爸爸一樣
- AB指住媽媽
- 然後老師就話呢個枱面係一個公園嚟嘅，就將柏晴擺咗響一個地方，就話有啲動物想同柏晴玩
- 張老師拎起隻狗問佢係咩嚟嘅，佢答 dog dog
- 張老師話呢隻係狗，叫佢講一次，佢跟住講
- 然後老師話要將隻狗狗放響柏晴度同佢玩
- （應該係考佢記性記唔記得隻仔叫柏晴？）
- AB做到，仲將隻狗黐實柏晴，想錫落佢度
- AB響度玩緊狗狗嘅時候，隔離嗰組老師嘅小朋友仲未到，兩個老師一齊望住AB做task，其實都幾大壓力下
- 然後張老師，又攞咗隻兔仔出嚟問佢，佢就答兔兔（雖然佢諗咗一陣，但係我估佢應該係諗緊搭英文定中文好）
- 然後就話兔仔要返屋企，要響枱面嗰個地圖度搵個屋企出嚟
- 然後AB已經想擺，但係奈何手唔夠長
- 我即刻話sorry佢手短
- 張老師話「唔係，係我唔好，我冇推張地圖埋去佢度，黎黎黎」（我串親老師？！）
- 然後AB都放咗落個屋企度
- 我本身都擔心佢唔夠高，睇唔到個屋企嚮邊
- 然後將老師就攞咗隻刺蝟玩具出嚟
- 拎起之前問佢啲刺係咩顏色
- 佢呆咗一陣（我一路撳住自己唔好出聲）
- 然後好大聲咁答，紅色
- 老師話好好，然後叫佢插返落去相應顏色嘅位置，跟住繼續玩埋佢啦
- 玩咗一半之後，唔知點解俾個紫色撠住咗個紫色，撳極都撳唔到落去
- Ab好有耐性勁專心，亦都好堅持，死都要撳個紫色落去
- 我都叫佢插咗第二支，最後四支，但係佢都係好堅持繼續插個紫色，出盡力個樣連張老師都話「佢（出力）個樣真係好得意」
- 但係個紫色插極都插唔到落去，跟住我叫佢搖一搖插落去，搖完都係唔得，第二條都插到落去啦，跟住佢好聽話咁插晒剩低嗰四條刺先
- 老師都話呢啲一次性嘅玩具
- 我都有和應下，可能角度問題，然後問真係淨係用面試㗎咋？
- 老師話，唔係係用到佢哋畢業都唔要啦（唔明，anyway）
- 點知AB最後都要go back返條紫色，要插番入去，好彩最後插到
- 我同老師一齊鼓掌
- 然後張老師，再逐隻顏色問佢，全部都要佢中文答，全部都答到
- 然後將老師就叫佢全部抆返出嚟收拾好
- （係咪整蠱AB仔？）
- 佢又係冇嘢，慢慢掹返出嚟擺番好
- 張老師問我，佢咁早起身，習唔習慣
- 我話佢未回魂，但係有出聲，我就當贏啦
- 老師「係呀，贏㗎啦」
- 跟住掹出嚟就好順，但都好似有一個抆唔到
- 但係佢chok多幾下就掹到
- 最後連隻箭豬都想擺埋落個碟度
- 然後收拾好之後，我仲諗住有下一個遊戲，點知張老師話「OK 㗎喇，今日嘅interview就完成啦」
- 我內心打咗個突，下，reject 呀？
- 然後老師話可以去後面睇住書等待，跟住我轉頭望一望，發現全部人都未玩完
- 然後我哋就去咗睇書，我問佢想睇邊本書
- 但係佢話想睇尼尼書，但係我睇枱面都冇
- 然後就問佢睇唔睇大笨象，但係對面個男仔扭到又鼻水又喊，跟住佢就被吸引咗目光過去
- 然後我攞本老虎書過嚟睇咗
- 開始讀英文書俾佢聽
- 讀咗兩三句咁啱班房靜晒
- 搞到我都唔好意思再讀
- 但希望嗰幾句英文我冇讀錯
- show懶係好親子咁樣
- 然後終於捱到完場
- 因為AB對台上嘅書全部都冇乜興趣
- 小黃點又比隔離個男仔攞咗
- 但係隔離個男仔高佢成個頭
- 後尾先知原來呢個就係今朝嘔嘅男仔(好慘)
- 全場啲男仔都好似唔係好坐得定
- 果然係陪跑嘅9:00場
- 然後就出去排隊去課室門口
- 又等待去下一個課室
- 一出門口就會見返爸爸
然後就下一個課室
- 係英文面試
- 入邊個Miss叫Miss Melody
- 小朋友坐前面，爸爸媽媽坐後邊
- 有兩個男仔完全不受控制周圍走來走去，所以AB好迷惘，剩係得自己坐喺度，好似唔啱咁樣，我都話佢好容易受隔離小朋友嘅影響架喇
- 然後miss同小朋友唱Hello歌
- 叫小朋友Stand Up
- 因為一場4個B
- 3個男仔得AB一個女仔，佢算係最聽話
- 又咁啱坐第二張凳，都係C位
- 所以非常吸引老師注意
- 佢好似幾得Miss Melody嘅心
- 雖然有企起身，但係唱歌冇乜反應
- Miss Melody叫佢cap，佢都冇拍手
- 但係就再問多佢一次，叫佢揼揼腳
- 好彩佢有輕微嘅郁動
- Miss Melody特登轉過一個角度，睇佢隻腳有冇離開地下
- 跟住確定有之後就點頭
- 「Wonderful!」
- 跟住之後就話呢個係一個開心農場
- 然後要小朋友幫柏晴，又叫Billy一齊收菜
- Miss Melody問邊個小朋友想玩先，AB舉手
- 第一個叫佢攞pumpkin放落去green tray度，佢攞到，冇難度
- 第二個係Green pepper
- （死火我未教過青椒，可能AB以為係peppa and George嘅peppa，點解miss melody強調Peppa係綠色嘅）
- Miss melody said, A bit tricky for this
- Miss不停話綠色，然後AB就以為係紅蘿蔔上面嗰棵草，咪綠色囉
- 然後Miss Melody用Billy隻手，去掂一掂過Green pepper
- 我都覺得放水放得幾勁，或者可能係佢放棄咗呢個小朋友
- 然後就叫AB將pepper放落去Red Tray
- 做到
- 中間揀緊蔬果嘅時候AB咳，但係佢記得cover her mouth，媽媽向後邊有講”cover your mouth, very good”
- 現場環境好混亂，因為一個男仔喊緊
- 一個男仔周圍走，又拎車玩
- 一個完全唔郁
- 但係問嘅就好難呀，要佢哋揀 lettuce
- 嘔吐媽媽直接話「哎呀，佢唔識咩係Lettuce」
- 不過之後miss melody補送一個，叫佢揀西蘭花
- 就唱Goodbye song啦
- 全場好似得我哋呢對父母企埋起身一齊跳舞
- 我見到有啲家長坐定定響度，完全唔想/唔敢提醒自己個小朋友
- 雖然話面試喺學校揀小朋友
- 但係其實我同爸爸都係想做自己
- 調返轉嚟講，就係我都要睇吓學校接唔接受到我哋呢一種父母
- 跟住就離開班房
- Miss melody 仲問佢, do u enjoy?
- 出去嘅時候Miss Melody跪地問AB
- can you give me a hug?
- 仲摸左佢面珠墩一大下
- 仲話see u next time
青衣都有摸面珠墩（傳送門），奧運都有摸面珠墩
- 但係奧運好明顯放完水之後先摸面珠燈
- 心情都gur 啲
- A matter of give and take
- 爸爸話青衣嗰個簡直係白漂
- 漂完仲要唔俾Offer
- 然後去到坐凳仔等待嘅時候
- AB見到我個袋入邊有本書，話自己要睇書
- 咁都好
然後就去到第三間房
- 入到去四組父母夾住小朋友，圍圈坐
- 對面係校長
- 校長會set Timer，10分鐘，自由作答
- 都係問啲大路嘅問題
- 點樣睇家校合作
- 第二條喺照顧小朋友有啲乜嘢最深刻嘅事情
- 然後第三條就睇吓家長有冇問題問學校
- 我哋答家校合作，揀呢間學校就係信任呢一間學校，但係始終知道一個小朋友嘅成長，家人嘅陪伴係最重要嘅，同埋學校每日只係得三個鐘減埋啲校車嘅時間，所以最緊要都係屋企點樣去培養。
- 另外一個家庭就最深刻嘅故事，今朝早遲到，好似等候區見唔到佢，但明明係坐滿晒，可能唔同房？有機會係啱啱玩箭豬嘅時候，左手邊嗰個老師嗰張枱？原來個小朋友今朝響車度嘔(真係好慘)，又要同車長講唔好意思，又要清理現場，爸爸媽媽真係好深刻
- 我食住過勢話，我哋上次去旅行嘅時候AB都唔舒服，然後響Uber車上咳，都要同司機講唔好意思，然後教AB掩住嘴巴，cover her mouth，我認為都係一個基本嘅品德教育。好彩AB都係一個幾講道理嘅小朋友，好快脆佢就已經學識咗咳嗽同打乞嗤要掩嘴。
- 然後就到送禮物環節
- 因為坐隔離
- 我叫AB大聲啲講，多謝，仲要用雙手接
- （冇一次面試大大聲講多謝）
- 然後等校長送野比佢時，佢雙手接住、儲氣
- 勁大聲咁講，「多謝！」連我都嚇親
- 校長都話，嘩！好大聲喎！
- 好！
然後等12月16號9點，出結果，睇下出賣面珠墩成唔成功
20231216 9:00 PE pm