宣幼
- 報左咁多，應該有書讀掛⋯⋯
- 9月有得報
- 11月中interview
- 12月8出結果，嘩，同培正一樣呢
20231116 宣道
[排隊入禮堂]
- 好似都冇睇面試時間
- 門口排隊勁大風，吹到頭都甩
- 一入到去門口，就已經可以排隊交表格俾老師
- 我比AB自己交
- 老師check完會幫你訂埋一份
- 然後就貼一個面試號碼俾你
- 順序去四個一批
- 然後就入去崇拜嘅大禮堂
- 要兜個大圈去跟Number坐排排凳
- （兜大圈係咪考耐性？）
- 跟住坐唔夠5分鐘，又排隊
- 要離開禮堂轉角上樓梯
- 前面個男仔本身爸爸帶着
- 一出禮堂發現媽媽喺出邊，仲叫佢加油
- 然後即刻爆喊，要媽媽抱
- 真係唔見好過見
- 老師強調係上二樓，唔係一樓
- 第一條樓梯乜都冇，所以真係好悶
- 終於上到一樓，我求其搵啲嘢同佢講
- 指着一樓個一字問佢係咩嚟嘅
- 佢就好大聲咁「溫」
- 然後行上2樓嗰條樓梯
- 終於每隔幾步就有啲動物
- 可以一路行一路講
[唔同嘅等候區]
- 點知上到2樓又繼續坐凳
- 家長抱住小朋友坐
- 由10號開始計四個一組，分批入課室
- 但係課室得三個
- 我哋27號，係等到最尾一round，人都癲
- 最慘今日仲要冇帶書
- 我同佢簡直天文地理喺度傾偈
- 由個報名表張相開始講起
- 然後好彩印咗學生手冊封面
- 逐個問佢啲公仔係咪邊個同學
- 然後同佢認吓自己中文名
- 一講認字即刻想走
- 然後先入咗第二批，我哋係第四批
- 然後就開始同佢講埲牆上面有啲咩小朋友？
- 有啲就響海裏面釣魚
- 有啲就喺天空度飛緊熱氣球
- 去到最後一組，叫我哋行去最前排坐
- 然後後邊有新嘅小朋友順序坐落去
- 個男仔打咗個乞嗤，噴咗黃同綠色嘅鼻涕出嚟
- 然後全部家長即刻擰歪面
- 然後AB問「點解小朋友打乞嗤嘅」
- 真係博打
- 我叫佢同小朋友講「快啲好返」
- 佢堅持望住小朋友跟住講
- 然後講到課室門出邊有個3字嘅穿窿玻璃
- 繼續同佢研究，點解仲會穿窿？
- 然後再講到個透明玻璃上面
- 有媽咪同埋Baby duck
- 仲有唔同顏色嘅氣球
- 然後就開始叫佢自己唱歌，阿媽攰了
- 隔離同組小朋友又係叫Abby，有無咁多Abby
[group in]
- 終於排到等到入房
- 兩個老師見四個小朋友，家長坐小朋友後邊
- 小朋友黃色凳，家長藍色凳
- 由左至右，係一個有啲倔強嘅男仔、AB、隔離Abby、唔出聲嘅女仔
- 然後老師就收申請表，我照舊比佢隊出去
- 然後老師順序逐個小朋友問佢哋叫咩名？
- AB答到
- 如果唔識答嘅小朋友，老師都會問佢「睇吓老師有冇讀錯先」咁樣問佢係唔係呢個小朋友，好溫柔
- 然後同老師打招呼
- 然後攞咗四粒唔同顏色積木出嚟
- 要小朋友響紙碟上面疊高佢
- 老師問邊個想玩，兩個AB即刻舉手
- AB切完之後仲要話「係好高㗎」
- 然後老師就攞張顏色卡出嚟
- 叫小朋友將相同顏色嘅積木，擺返落去佢哋屋企度
- 老師示範緊嘅時候，示範緊黃色要擺去邊
- AB已經指住黃色紙話「呢度」
- 擺明教老師做嘢
- 然後老師就拎起每粒顏色嘅積木，逐個小朋友問係咩色
- AB當然又搶答
- 跟住老師就拎咗張過膠嘅卡出嚟
- 四幅圖有狗、的士、鞋
- 老師都直接問AB，不如你先啦
- 佢都答曬
- 然後老師拎個手抓板出嚟
- 就話有啲形狀可以拆落黎
- 但如果砌唔到嘅話，就要轉一轉
- 應該係預先同定家長講
- 老師都知道塊板有瑕疵
- 一張枱兩份手抓板
- 每兩個小朋友玩一份
- 每個小朋友兩塊
- 唔知點解AB係都要玩隔離個組小朋友嗰啲
- 可能因為隔離都係叫Abby，同埋最有反應？
- 老師叫佢望返返嚟，同男仔一組
- 佢好快脆自己砌完自己嗰兩塊
- 就伸手想幫隔離唔識砌嘅男仔
- 仲唔只係扶住人哋隻手，係直接幫佢砌埋
- 老師都話「我哋分享俾小朋友好唔好？」
- 我都有話係「AB好想幫小朋友做到係咪」
- 救命
- 然後老師就拎咗個Puzzle出嚟一人送一盒
- 都係要求小朋友講多謝
- 都係兩個Abby首先講thank you
- 然後老師就提多次家長12月8號等結果
20231207 16:51 – email / 短訊寫已取錄，要等收信先知am/pm；
20231212 收信，果然係PM命