首次認識呢間野係向搵影結婚相嘅過程，在然後去到揀big day婚禮攝影師，都有quote過價，或者問過期。雖然最後冇用到佢，但都不失為係一個on list嘅選項。
最後揀孕照，我好懶咁跟咗朋友揀Base One Studio。然後為咗準備30週影孕照，知慳識儉嘅我就梗係響carousell買二手孕婦裝。順手買咗好多條$80樓下，仲要包郵嘅連衣裙，返工總算唔使着嚟着去都係嗰兩條啦。
第一次影孕照：
30wk，人哋話嗰肚大啲，影出嚟會好睇啲，但如果去到35wk先影⋯⋯我擔心會肥到隻豬咁，所以都係早少少影。
我仲以為影孕照都只不過係幾個鐘頭嘅事，又係室內居多，一定冇影Pre Wedding咁辛苦。點知我係嚴重低估左懷孕之後嘅體力值上限。大概個零鐘左右，我個人就已經冇電，攝影師一放低相機嗰秒，我就會打喊露，好彩仲chok到1號笑容。
小寶個肚同我個肚相映成趣。
基本上如果第一胎嘅話，佢嚟嚟去去嘅pose都係咁上下，連髮型同埋化妝都同朋友差唔多，好似Key左個頭落去咁。但又咁講始終影相果個，當日嘅經歷都係自己嚟嘅，冇乜所謂啦。
第二次影孕照：
今胎比六月媽媽group嚇親，乜原來而家興影裸照咁嘅孕照，我真係接受唔到跪響度全裸嘅孕照⋯⋯真係各花入各眼。第二胎啦，懶到一個點，不如帶埋QQ一齊再去搵Base One Studio啦XD。因為要帶小朋友出街，仲遲到10分鐘⋯⋯
今次係最後一胎，所以晨早去搵返婚禮化妝師 Ivy (Facebook: ivyy bridal makeup 艾妃新娘化妝)幫我執返啲眼耳口鼻。
今次帶埋QQ，攝影哥哥有準備到好多道具黎氹QQ。果然小朋友就係唔受控制，攝影師哥哥都控制唔到佢。叫QQ入鏡，佢就走左去。但又會無情情走去cam前面趴低，咩料。
今次仲向carousell買左條$100嘅孕照裙，估唔到效果咁好，一影完相就用$100平手放返出去，非常抵。
完全估唔到，最後都有好多好出色嘅相，攝影師果然係專業嘅！
