39w2 due day -1
- 產檢日，我仲諗住兩手揈揈入院檢查，產檢完仲可以玩多一個星期，先開始比嘈音攻擊。
- 突然何醫生就叫我揀個日子，所有嘢都發生得好突然。
- 小寶好慶幸黎產檢前有剃鬚。
全套：
二胎記錄 – 0. 產檢日入院篇
二胎記錄 – 1. 極速生產日
二胎記錄 – 2. 四日三夜之第二日
二胎記錄 – 3. 四日三夜之第三日
二胎記錄 – 4. 四日三夜之第四日
16:00 – 產檢
- 媽媽嘅血壓：89 56 （仍然處於低水位）
- 肥b嘅狀態：7磅11，100個b排79%肥仔
- 臍帶轉頸一圈，另外一邊有三圈，但係佢要轉成完整一圈先至計一圈，所以唔計（下）
- 暫時臍帶血流量ok，反正佢肥仔，要盡快催生，唔好俾佢Q實。
- 人手宮探，（下下，咁突然），入到兩隻手指（唔通因為我日un夜un 瑜伽fit波）
- 子宮頸OK，一比催生藥落去，即日就可以生出黎（下下下）
- 因為子宮頸ready，唔使好似上次咁等子宮頸變軟，醫生話唔使塞藥
- 到時打完豆就吊藥催生
- 因為bb體重OK，再拖落去每日都會再重啲，呢幾日隨時可以催生，問我哋想邊日
- 我六神無主、不知所措，我以為仲有幾日可以放飛自我，然後醫生喺度偷笑
- 醫生建議因為郁動小左，同埋臍帶轉頸，要聽一個鐘胎心
- 醫生叫喺呢一個鐘慢慢諗，想邊日生
- 因為人手宮探完，一出醫生房就爆喊，好Q痛，每一個步都痛
- 然後要上12/F聽胎心，行到登記處，突然問小寶，其實子宮頸 ready係咪啫係唔駛再行？
- 小寶話好似係。
- 心理防線一崩潰，直接i 埋牆，叫小寶搵將輪椅黎。
16:07-17:15咁上下 – 聽胎心
- 駁機檢查胎心一個鐘
- 小寶無得入
- 去到一半，忍唔住同姑娘講話想見小寶
- 問點解產房都可以陪產？但係駁胎心機就冇得陪
- 然後姑娘就問準護士放佢入嚟
- 然後聽到細佬個心跳就突然之間變得好快，我哋以為細佬黐咗線
- 何醫生黎左
- 有三次規律宮縮（大約15分鐘一次）
- 咦我話近呢三晚晚晚都係咁樣痛（個肚變硬）
- 何醫生話呢啲規律㗎啦，同埋都長
- 我話好似冇上一胎咁痛
- 點知佢話唔可以等到上次咁痛先入院㗎
- 所以今晚已經要留院（下下下下）
- 佢話你又有規律嘅宮縮，費事你又出院又入院啦
- 瞓一覺，然後聽朝準時催生
//宮縮
上星期醫生叫我要刺激到個肚硬（即係宮縮）。
越刺激佢，個肚就會越硬，上星期醫生係咁講，所以我就目標為本，行樓梯un波都務求令到個肚硬。而家求仁得仁。//
- 我話我想盡快
- 何醫生望下個鐘，話今晚我未必生得切（10點前）
- 我都有問佢，其實我都係想盡快
- 佢都係叫我今晚沖好涼洗好頭，聽朝準備催生
- 同埋入分娩室前（產房）偷聽到佢今晚好似有個patient決定咗開刀
- 不過我都驚，驚即晚最後變開刀，夜晚醫生費仲要好貴
- 所以安排入院手續
- 如果有需要，會剪返同一個位
- 聽日5:15前仲響產房，先要收多一日錢
- 啱啱醫生宮探完，所以會刺激到細佬，不停宮縮，都係大概15分鐘一次
- 我唔鍾意放便，然後問莫姑娘可唔可以聽朝先至放，點知佢話「聽朝你食得幾多早餐啊？不如今晚放完便，沖個涼，跟住聽朝乾乾淨淨咁樣生。」
//放便
因為我上一胎見紅入院，第一晚佢就同我放便，然後我等宮頸軟化完咗兩日半，中間一路有食嘢。然後第三日先至生，佢中間都冇再同我放便，咪一樣生得出//
- 入咗分娩室7號，換袍
- 今晚流程：食飯、放便、沖涼、打豆
- 聽朝食早餐，然後吊藥催生，吊左藥就唔可以食嘢
//催生有兩種
一種係塞藥，因為子宮頸未軟（當時我係見紅，軟緊，最後玩左兩日幾）
另一種係吊藥，通常用於子宮頸已經軟化左，吊藥係要來開度數//
17:50 – 安排入院
- 小寶去俾聽力測試嘅錢同埋安排入院手續
- 小寶幫我開電視，等我聽住啲聲唔使亂諗嘢
- 一開電視，邊個喺度睇Bloomberg咁痴線
- 然後小寶返屋企，拎走佬袋，同埋買飯俾我食
- 今晚要食飽飯，先有氣有力生
//然後條友仔去咗買BB床，deadline fighter//
19:19 – 收Deliveroo外賣
- 可以送上12樓，產房門口姑娘幫我拎入房。
- 姑娘入嚟話先生同我都要做快測，然後提我食完飯可以call佢哋放便。有問宮縮有冇特別勁咗？
- 我話：冇啦，個宮縮都仍然係15分鐘一次
- 我諗我嘅體質都應該要靠藥物先至可以屙到佢出嚟，靠自己應該宮縮到下個禮拜。
- 如果佢話呢個係真宮縮嘅話，咁我縮咗三日。
- 我縮咗咁耐都未開指啦。
20:00
- 幫手開「陪人床」服務，我load咗一陣先知姐姐講緊乜嘢。
20:15
- 小寶終於到。發現冇幫我拎頭箍。又唔知走佬袋啲野放邊。
//咪住先，啱啱宮探嘅時候，佢話放到兩隻手指，其實係咪即係開咗兩指？怪唔知兩日前開始，屙尿一除褲就已經有漏尿//
21:00
- 放便，1分鐘都忍唔到
- 沖涼吹頭，吹到21:57
- 沖完換一件袍，換安睡褲
- 然後小寶搵返個頭箍，原來有帶
- 叫人入嚟癡胎心機同埋打豆
- 今次打豆打手背
- 好緊張，好痛
- Tania非常好，嘗試幫我響打豆嗰個位抽埋血，要來俾臍帶血用
- 小寶叫我放鬆，我先至記得要放鬆
- 個人嘅狀態處於六神無主
- 以前覺得呢啲說話好廢話，原來響不知所措嘅過程裏邊，聽到呢啲指令就會不由自主身體跟着去做
- 因為好緊張，冇唞氣，細佬心跳飆升到170-180
- Tania即刻叫我用鼻呼氣吸氣，因為我都話叫知咩事，但係細佬唔知咩事，點解突然阿媽冇氣抖，嚇死佢
- 我即刻好聽話，用鼻吸氣呼氣，細佬即刻冷靜返
- 我果然係一個好聽instruction嘅人
- 要同Tania講，只要你一俾 instruction我就會跟，但係冇咗你嘅指示，我就唔知要做乜
- Tania讚我很聽話，雖然啱啱係阿媽嚇親個細嘅
- Tania話打手背先至係用嚟救命嘅，正常唔會打手臂
- 我話打手臂，好似唔會屈曲到，但係我好信佢，總之今次打手背一定係最好嘅
- 等咗差唔多成10分鐘，我先至開始適應到手背打豆嘅痛楚。
22:30
- Tania話聽朝9:00催生，要預時間食早餐
22:45
- 綠色數字飆升到107 （大宮縮)
- 然後我就雙眼通紅
23:00
- 得兩次過100嘅宮縮，其他都係細痛
- 原來我打豆果時咁岩有大宮縮，細佬心諗，做乜揸我，阿媽又唔抖氣，咩事，所以先心跳快
- 「咁怕痛又揀順產？」又出現了
- 剪埋Abby片，upload 曬。準備聽朝打仗，拜