成長之路上嘅跌宕起伏就緊係會有架喇，做人阿媽始終都會有擔心，但我對QQ嘅傷勢或病情唔知點解比我預期無咁緊張，有一度以為係我唔夠母愛，但後來再諗，可能係因為我做得足夠準備功夫，所以咪唔驚囉。同埋我覺得唔驚唔頻能都好緊要，因為做人阿媽仲要分精精去安撫其他4大長老同親戚嘅情緒，先唔會二次加劇令到自己更緊張⋯⋯
碌落床撞瘀左額頭
出世檢查唔計，出生期後嘅第一次入院見伍醫生就係10個月嘅時候。
20220609，10m1，岩岩屋企裝修，搬左去第二度暫住，同大人一齊訓，未裝床圍。晨早我起身落床去刷牙準備返工，拍醒小寶訓出床邊。唔知小寶未訓醒定點，佢走左出廳。
我刷刷下牙，聽到boom一聲，地下一震，就聽到QQ大喊。QQ碌左落床，唔知邊度落地，小寶話入房時佢大字形面向上訓向地下。keep住大喊，無嘔，幾分鐘就見到額頭瘀左成個拳頭咁大。
即時請假，埋身餵奶，我仲要言語上安撫小寶「嚇親爸爸啦，爸爸都好驚」，明明我都好驚佢跌到智商減10。抱落bb床，QQ又醒番，企番起身，識笑，識指人。book左13:50見醫生。
佢自由落地果下無喊，我諗佢應該唔知呢個咩感覺。
- 醫：咩事睇醫生（佢跌左落床，撞瘀左，無嘔）
- 醫：上次黎(Health Baby clinic，QQ向港安join左打針plan同睇發展，所以唔洗塊健康院）咪提左你呢個月齡，多爬爬行行，要大人睇實啲囉。點解會跌到架。（這個鍋我不背，「我今朝刷牙準備返工，老公睇住架」然後示意比小寶答）
- 小寶：我行左出房⋯⋯無床欄⋯⋯就boom一聲啦
- 醫：睇落無乜野，（大力一按，QQ爆喊），似係瘀左啫，但安全啲，照下CT，但會有輻射，同埋BB太細，要食完藥訓左先照得，你地睇下邊個陪佢照啦。（可以claim保險就照啦，但佢好難訓教）
- 醫：因為係額頭瘀左，瘀血有機會會跌到隻眼附近，可能會眼腫，唔駛查野，慢慢就會散架啦
- QQ唔肯食藥，食半支就喊，喊到嘔番曬出黎，嘔到我成件衫都係，原來帶bb睇醫生，大人都要準備多件衫。仲搞到醫生要再開一次藥。阿媽最驚佢overdose，所以用盡九牛二虎之力氹佢訓，唔知係我勁，定佢條脷掂到藥水已經淪陷左，佢好快手抱訓著左。我即刻叫小寶叫姑娘，快呀，唔好比佢醒呀！
- 點知都等左半個鐘先入CT房，由於我未黎M，唔想take risk簽「無懷孕」證明，比小寶抱左入去。
- 照完，我最緊張係張收據，係咁提小寶拎收據，claim保險。
- 最後報告無事，保險條數亦好快recover左，爽。
- QQ個頭，三個月後先開始散瘀。中期會摸到有舊硬物向瘀左位置，我會驚會唔會影響佢頭骨生長。老一輩又話要銀雞蛋呀，母乳加拖鞋呀（乜料）捽散瘀血，我通通hea做，可能因為咁先要三個月先搞掂。
- 只係，如果日後發現QQ好蠢，或者智商低，咁一定係小寶嘅錯。
第一次發燒
不枉我堅持人奶之路（或者應該唔關事，但餵左咁耐，點都比我內心好過啲，當關事啦），QQ撐到16個月先第一次發燒。之前一晚去左親戚婚禮，QQ著得好靚，但有啲薄，場地好凍都可能有關。然後好多親戚人人都抱過，可能身上有輕微感冒菌都唔定。
16m22，可能琴晚太多人抱，或著太少衫，今日第一次發燒。
- 17:30 – 37.1度
- 19:15 – 38.1度，個人仔無曬力，扭抱，成隻樹熊咁
- 19:30 – 餵藥
- 19:50 – 自己飯仔唔食，係要我抱，搶我啲大人飯食，點知食完半碗飯，就連埋粉紅色藥水一齊嘔落我心口。因為藥入口掂到脷都會吸收左架啦，為左唔好overdose，所以當佢食曬啲藥架啦。
- 22:45 – 36.9度
第一次發燒，完。餵一次（仲要嘔埋）嘅藥就搞掂，正。
第二次發燒
20230413 20m5，星期四，上完VPP，可能因為多左小朋友唔戴口罩？或者係人奶抗體fade out？
- 16:50 – 37.9 但精神，仲話「要食爺爺蛋撻」
- 食紫菜包飯，仲要指定要triangle定rectangle。
- 21:00 – 餵藥，「食甜甜」「甜甜好食」QQ主動追住食
- 22:00 – 37.2，仍然要睇書先肯訓教
- 02:00 – 37.6，唔係病懨懨架，真係坐直個人
- 03:50 – 38.9，話要用耳探「嗶」，又要「食甜甜」，仲主動要飲水
- 04:00 – 藥，「要食一個甜甜，媽媽食一個，爸爸食一個」
- 07:00 – 36.7
燒左4日，反反覆覆，食藥就退燒，日頭又唔燒，半夜又燒。最緊要係佢keep住好精神，唯一無精神就係想扭爺爺嫲嫲果時。然後星期日（又避安息日）去左港安睇兒科。
- 醫：咩事黎睇（佢發燒呀，一比退燒藥就退燒，無流鼻水無咳，但好精神）
- 醫：燒左幾多日（4日）
- 醫：最高燒幾多度（39）
- 醫：第一日呢（37.9）
- 醫：有無其他屋企人有病徵（無，但我覺得我就黎比佢傳染到發燒，我眼皮好熱呀）
- 醫：（笑）你話佢無流鼻水無咳無打乞嗤，點傳染你呀（⋯⋯）
- 醫：大便點（兩日無痾啦，可能食少左野，所以無得痾）
- 醫：佢胃口點？（少左2-3成啦）咁又唔係好少
- 醫：（拎雪條棍撬開QQ把口，QQ咪到實一實，笑死我）咁醒嘅你
- 醫：玫瑰疹，泡疹病毒感染；（用燈照背脊）拿，出咗兩粒啦，退燒之後會繼續出疹（！？係咪你照佢先誘發佢出疹架？！）。正常嘅話發燒會發五日，通常會有精神，冇其他病徵。應該發燒發埋今日，就會退燒，然後就會開始出疹，最快星期三啦，就會退晒啲疹。唔需要有其他特別處理，正常沖涼。有機會會屙爛屎。有無問題？
- 我：咁基本上係咩原因導致架？（其實我想問可以點避免）
- 醫：都話係泡疹病毒感染囉。照正常啦，發燒都係食必理痛退燒，唔發燒就唔使食，屋企仲有藥？（仲有支半）所以唔使額外開藥。
當晚就痾爛屎，醫生說得對，我地唔應該challenge醫生嘅。然後沖涼就肉眼可見，背脊心口開始起疹。星期二就到塊面出疹。
然後又到星期二，先醒起QQ成面紅疹，上唔到堂。打去VPP，都建議要拎醫生紙請病假補堂。打去港安TWAH（好彩係醫院，唔係診所），可以去醫療紀錄部補發醫生紙，等醫生簽完，會郵寄到府上，正。
濕疹
眼晴發炎
- 家姐隻眼突然一個禮拜會好多眼屎，多到起身會遮住咗隻眼擘唔開
- 去藥房買左支Cravit (ophthaimic solution) (Kevofloxacin hydrate 0.5%)
- 眼藥水要每日滴1-2次，要連續滴一星期，好似抗生素咁
- 但滴左2日左右，啲眼屎就無曬，所以真係要用藥殺菌
久咳/RSV
- 去台北旅行中左RSV
- 啱啱買咗三盒猴棗末
- $500 -$100
- 睇吓搞唔搞得掂佢啲痰。
- 原來話保嬰丹同埋猴棗散都有中藥味，但係猴棗末就冇味嘅，所以小朋友容易啲接受啲。丹一開已經好大浸味。
- 我阿媽買咗蛇膽川貝液，話我細個飲好有效。
- 但係我印象中人哋話女仔唔好飲咁多蛇膽嘅嘢，太寒涼。
- 藥房話過12歲先好食蛇膽。
- 猴棗散17%係猴棗末，其他係中藥。
- 猴棗末就100%係猴棗末，即猴子結石，無中藥，所以無乜味。
- 只係貴，平均$15x一支勁細支。
- AB鍾意玩針筒，我開一碟水比佢用牙籤搞勻猴棗末，然後幫佢抽，比佢自己打入嘴，食到佢成日「媽咪我咳呀，要食猴棗末呀」
- 我地k面試週前中左rsv，咳到聲都變埋。
- 一日西藥（西藥係紓緩症狀，唔係打病毒），一日猴棗末，食左三日（一日一支）。
- 去面試時把聲正常番，只係咳左一兩聲（仲識用手掩口，good）。
- 病毒要靠西藥禁住（但其實除左抗生素，其他藥係幫佢舒緩症狀，我哋暫時冇食過抗生素，細佬中左甲流就有食特敏福）
- 久咳要靠猴棗末
- 我frd個仔咳到氣管炎先要食虎乳芝、鱷魚肉
Flu A（甲流）
- CD 10mth (202404)
- 中左甲流 Flu A
- 星期四凌晨開始有低燒，餵奶之後就退咗
- 星期五都係凌晨有低燒，日頭又好精神
- 星期六凌晨keep住有燒，瘋狂飲奶
- 日頭開始被必理痛，一入口就噴射牛奶，係未消化嘅奶
- 冇胃口加固，食咗少少饅頭，然後都嘔晒出嚟
- 星期六夜晚再用針筒入必理痛，都係好抗拒，舔一舔，就即刻反胃嘔奶，但嘔少咗
- 今朝凌晨五點燒到38.7
- 再俾必理痛，都係抗拒，但係肯吞
- 但係食咗必理痛都唔退燒
- Keep住都有兩聲咳，乾咳
- 最後要食特敏福，叻仔，知阿媽唔想佢食特敏福，一食完就噴彩虹咁嘔番曬出黎
- 阿媽當入左口就食左架啦
check左元朗兒科醫生
- 元朗醫生
- 楊敏 只有上午，星期日唔開
- 謝建華 星期日開下午
- 方卓明 要一早去排