有第一次生育QQ經驗之後，對將要面對嘅身心變化有左預算，計劃好嘅中獎後可以好冷靜咁copy spreadsheet，開project july。開返App – 280days register新project，記錄底第一個月身體嘅急速變化，準備定App – PiyoLog 等待BB出世。
同第一胎唔同，因為有一隻QQ仔向度，基本上已經唔記得咩係安胎，咩係靜養。我仲用狽帶hip seat頂住project june帶QQ去雀仔街，又抱住QQ陀住project june去行山。然後去到QQ 16m+，提早trouble two，成日「媽媽抱，媽媽抱」，然後仲識雙腳夾住我個胸坐向個肚上面。
唔知係QQ嘅淫威下，定我坐好月，定我副計run順左生仔呢個遊戲。雖然都有流啡/直接流血，但未夠3個月就停左。so far幾順順利利，淨係喘氣（產檢時訓向度，突然開始喘，先留意副原來project june一郁，我就喘到隻牛咁），其餘時間都唔似有左。邊有陀QQ果時咁恐怖，「懷孕產檢時間表 – 早期懷孕檢查（6-17wk: 包括T21、鴨咀、B鏈）」。
Week 0-2
- 因為週數係由上次月經第一日開始計，當月經係28日一個週期，排卵會係第14日。所以頭兩週呢，其實粒卵都仲未出黎，更加唔係受精卵啦。
Week 2-3
- 喉嚨痛
- 多屁
- 小腹有M感
- 左側有抽痛
- 怕凍
- 腰痛，似黎M感
- 屙唔出屎
- 但有便意
- 做facial姐姐話，多暗粒（因為激素亂左），要做多啲清潔，但好易推出黎。
Week 4-5
- 繼續長痘
- 子宮變大，又變番突肚臍
- 乳頭好硬，QQ食奶時我變得好痛
- 氣喘
- 暈，好易暈車浪
- 個肚時大時細，我懷疑係小腹嘅脂肪黎嘅
- 去QQ嘅school tour，比老師叫我唔需要著鞋套，驚滑到
Week 6
- 食烏冬要加七味粉
- 分泌多，多到成塊護墊濕咗
- 見紅，不過上胎都流啡流到13wk，而QQ而家都向屋企識行識走，所以無上次咁驚
- 聞到煮餸味會乾嘔
Week 7
- 7wk1繼續見血，多數一乾嘔完，就會有血
- 去左仁安（因為港安星期六係安息日），遇著個眼又濛耳又龍醫生，明明仁安部機高清過港安，我都見到心跳起伏，佢話未必聽到有心跳喎，但明明見住佢篤咩左，佢仲話bb得0.8cm，個心太細，未必錄到心跳聲。我叫佢試多次，篤岩位就聽到啦，佢仲話可能係我肚皮郁左，所以先照唔到喎。
- 仁安感覺裝潢似私家醫院，但流程似政府醫院，等左勁耐，每一環節都等勁耐，明明有mon睇要等幾耐，但個醫生名就唔show出個screen…淨係show頭兩位醫生，好奇怪。
- 睇完醫生，等見姑娘又要等，姑娘話如果向度生(港安我記得去到好後期，我忍唔住問何嘉慧，如果我想向度生，咁駛唔駛book床先？何：「哦，原來你想向度生？」究竟我邊度令佢誤會左我唔想佢接生XD)，姑娘先同我講價錢，又話同一個醫生只係睇到24週，如果向度生就要轉醫生。以上重複三次，第三次我直頭識搶答，淨係睇到24週呀嘛。總知仁安感覺好奇怪。然後又要等比錢，然後又要等拎藥，搞左成1-2個鐘，港安絕對快好多，雖然都mean好多。
- 港安部機比仁安舊左3-4個version，無咁高清
- 仁安淨係比左2張超聲波相，又無summary，但港安好多相，又有summary
- 何嘉慧出名影相靚，係一個被婦產科耽誤嘅攝影師
- 上胎試過比靳嘉仁影過，鬆郁濛
- Anyway向仁安照到閃閃，又係入面無血塊，無原因出血
- 都係作小產，休息多啲。
- 醫生都知好難避免作嘔，但都有機會係作嘔果時拉扯到個胎，所以出血。
- 呢胎要食辣，先食得落飯
- 飲茶一直想嘔，食包都想嘔，食紫薯涵直頭乾嘔
- Xo醬腸粉一到，我成個人醒左，一個人食左大半碟
- 點知食完個胃就開始痛，之後腸又少少痛，菊花有焯熱嘅感覺
- 姐係我喉嚨以上要食辣，但我消化系統頂唔順
- 食完xo醬第二日開始，pat pat啲痔瘡就衝出黎玩
- 上回提要，上胎向6-7個月左右，pat跌左4-5粒痔瘡出黎遊街。成個孕期一直我都無便秘問題，痾軟便，有食生果，仲有飲西梅汁，cranberry juice，大便亦無血，純粹班小朋友走出黎遊街，得閒就發下炎咁。醫生話個胎腹壓太勁。我就認為係QQ一直唔入盤，個頭向上面周圍頂，頂左我條直腸出黎。
- 到生之前一週，恥骨痛到傻。到生之前一晚，我向產房半夜抱住個肚一直un，因為pat pat勁痕勁痛，恥骨痛反而消失左。到生左出黎，就無左痔瘡痛恥骨痛，反而係塞奶痛同傷口痛。產後半年都keep住塞奶痛、傷口痛、痔瘡發炎(一食薑炒飯或薑醋就玩完)。最嚴重差啲跪住向度餵奶。
- 果時睇過外科醫生，話我高峰時有6-7粒出左街，基本上有一節直腸飛左出黎，仲要推唔番入去，算係幾嚴重嘅case，唔可以做簡單手術，要做傳統手術。但唯有我想要二胎，醫生唔建議我岩生完又要訓醫院，加上如果切左，生二胎好大機會會再跌一節出黎，到時如果再切，直腸就得咁多，咁老左可能會失禁。所以只能係溫和療法，姐係唔發炎，大家就係好朋友。
- 好啦，番黎第二胎啦，而家先7wk渣，7-8粒小朋友已經出左街，點搞，點捱到40wk。不過同事話，大便又係軟便，又無出血，基本上似係荷爾蒙搞到血管擴張，導致直腸啲血管彈出街。佢話佢妊娠鼻敏感都係鼻哥血管漲左，所以敏感左。我又真係食緊安胎藥補荷爾蒙，咁講又好似幾有道理喎。所以係咪唔關xo醬腸粉熱氣事呢。
- 點解淨係一part會痛，因為啲血去曬一part
Week 8
- Keep乾嘔
- BB向呢個week無個體差異，所以人人個size都一樣，所以可以定到預產期
Week 9
- 有時無乾嘔，有時好嚴重
- 開始feel到有胎動，但無奶油咁早，小寶話係舊屎蠢蠢欲動
Week 10
- 食左半隻吉列蠔，乾嘔左3-4次，好猩
- 乾淨左差唔多一星期無血，拍手，都未夠3個月
10wk3 TWAH
- 血壓118 59
- heartbeat有成187bpm，咁高，實係女仔啦
- T21，抽血好順利，事後得一粒紅粒，三日好返
- 仲未book健康院抽孕前血
Week 11
- 11wk2 T21結果，是他，不是她
- 11wk4早上搭車聽pancakes，輕輕鬆鬆，咦，無作嘔喎
Week 12
- 有時覺得佢壓住膀胱，搞到明明好急但痾唔到尿，要企直個人搖走佢，先痾得出
- 有一晚坐向床，feel到佢郁左一下，應該唔係屎掛
Week 13
- 洗左牙
- 可能因為凍，我拉起衫查肚果時，老公見到仔仔好似匿埋咁走佬。
- 有一下係我彎腰餵飯比QQ，夾親仔仔，佢應該唔係踢，但可能係轉身，撞左我一下投訴。係突然一下痛感，斷估唔係舊屎（向腸入面）攻擊我掛。
- QQ果胎都好早胎動，3個月feel到魚遊，4個月都feel到佢打c egg
Week 14-15
- 牙肉腫
- 打乞嗤會尿滲⋯⋯
- 見何醫生，尿滲係正常嘅，無咁快胎動啦，肚臍凸係正常嘅，肚皮鬆左呀嘛，「醫生，咁有無人會凸到磨損架」9個星期先再黎覆診
- 終於book左健康院，抽左孕前血，手勢好過上胎，無爆瘀血。可能係因為我勁同姑娘講我好怕痛，上胎抽到隻手瘀曬，我勁怕死。可能會姑娘手勢好左，或者我好彩？仁抽嘅時候，有第二個姑娘走黎搵排板，我整，佢支針吉左入黎啦，你咪問佢，比佢快啲抽完啦。姑娘係咁答佢，咪向出面囉，第二姑娘又話搵唔到，搞左一輪，我就feel到支針向度了了下，好彩無瘀姐。
- 整體孕期反應好過頭胎，只係一聞到家常菜就想嘔會喘氣，食垃圾食物嘅時候就唔會
- 一星期食一次麥當當
Week 16-17
- 開始有下陰痹嘅現象
- 開始有胎動kick嘅感覺
Week 18-20
- 平訓時有強烈感覺佢唔鍾意
- 平訓時有胎動感
- week 19又有少少味，可能B鏈又黎啦
- week 20 feel到打c egg，但無QQ果時咁頻密同longlast
Week 21-22
- book左羅宇帆，照左結構
- 揀佢純粹係因為平過港安差唔多$1000大洋
- 買定鹿角巷嘅可可奶，希望佢活躍啲。
- 等左好耐，純粹唔好彩，因為前一個媽媽要再照一次。但係有價值嘅，填左幾張媽媽會入會表(賣資料, 上胎紀錄)，然後收到三罐奶粉。
- 超聲波部機同仁安一樣，好似都係E10。但影出黎嘅超聲波相都係唔夠何嘉慧(明明部機舊啲)整得靚。係咪男人(羅宇帆同靳嘉仁)影相都係鬆郁矇。
- $2800要比現金，有片(usb)有相(9張超聲波)有報告帶走
- 仲要送左一堆奶粉
Week 23-24
忙住剪片幫QQ報N班，唔得閒理弟弟。
去日本前7日內去一次產檢，想拎平安藥。我問何醫生個肚有時會硬左，佢話第二胎會容易feel到肚硬，正常嘅。
我問醫生，我近排嗜甜，每朝要轉煉奶多士，會唔會糖尿。
醫生：你都唔係高危，你想飲糖水咩？
我：唔想
醫生：咁無野喎，胎水唔會突然過多就繼續啦
我：咁我唔戒口住啦
醫生（偷笑）
佢開完上機紙(其實3x週先需要，拎定穩陣啲)，再問我想拎咩平安藥，我都唔知。然後佢話都係必理痛呀，收鼻水果啲都夠架喇，clarinase都食得，唔駛特別配藥。
Week 25
去左趟日本，全程抱QQ，QQ坐住細路，個人攰啲，QQ語言大爆發。間中打乞嗤有尿滲情況。
無事無幹就返番香港。可能體力勞動多左，反而身體好左，定係因為二胎，身體已經習已為常？
Week 26
細佬終於比胎水濁親，打左個明顯嘅C EGG。同家姐唔同，當年佢成日打C EGG。
Week 27
細佬郁動多左。今朝起床時，盆骨卡一聲。
又去見何醫生，同佢講下體好痺，何醫生話正常嘅（估到你啦），因為恥骨開始鬆弛。我又有問細佬比起阿女好似向高啲嘅位置，何醫生話係因為我生完第一個，上面肚皮鬆左，所以之後都有機會慢啲先入盆。不過就人地3、4胎先會有唔入盆嘅情況嘅，第2胎並唔需要擔心。
何醫生比左3次機會細佬，佢都唔拎開隻手，揸住拳頭擋住塊面⋯⋯淨係見到鼻樑同合埋眼。
Week 28
開始恥骨痛。出街行鬆左，會好少少。有一日，腰都痛埋，好多人讓座。用枕頭墊住訓，訓好姿勢都無用，因為又急尿了。
Week 29
今胎無好似上胎咁玩媽媽會遊戲，淨係照結構果時填過form，但kinetic同雪印(?)都送左一堆嘅黎。
開始半夜抽筋，開始食1000mg鈣 per day，睇下有無改善。叫小寶幫我按小腿，今胎無左massage肚皮服務，sad。
Week 30
好熱，未到端午，但去無冷氣嘅地方，就會由心底熱出黎。
唔想著褲，要著裙，但冷氣地方又會覺得膝頭哥好凍。小寶叫我戴護膝⋯⋯
20230421 30wk6
- 今日去健康院檢查，血壓95 55
- 今日流程去得好快，喺屋企趕唔切屙尿就去到健康院先，我一屙完就要即刻驗尿磅重
- 等咗一陣再入去摸肚
- 弟弟個頭已經喺下面，但係仲有空間俾佢長大，所以仲會郁
- 叫姑娘幫手連下腳踭上面嗰個位係咪水腫。然後姑娘話應該唔係，咁應該係脂肪。完
- 可能今朝飲得太多水，為咗屙尿，所以去咗四五次廁所
- 然後覆下讀者訊息，好快又見姑娘
- 問姑娘係咪有啲文件未交俾佢？
- 姑娘話醫生都冇叫你交，咁就唔使啦
- 好耐冇返嚟啦喎，你去邊度睇？「港安」
- 你係咪諗住響私家生「係」
- 咁你仲返唔返嚟覆診？「返嚟啊，今日都係想返嚟打百日咳針，其實上胎我已經有B鏈，今胎仲使唔使篩查？我見上次複診卡話五月尾先至check B鏈」
- B鏈係微生物嚟嘅，胎胎都唔同。照check咗先啦「好啊」
- 咁下次三個禮拜之後再返嚟「係咪嗰日會睇埋B鏈」
- 唔係呀「…」
- 你出去等打針啦「哦」
- 打完針就照約期，最多下次唔嚟嘅啫
- 坐多15分鐘就走得
- 小寶認證，弟弟嘅郁動同QQ好唔同，QQ嘅肉係手腳打拳，弟弟嘅郁動係大回環手腳大幅度郁動
Week 31
- 20230423 Mayday之約
- 挺著7月孕肚赴約
- 永遠的永遠
- 勇氣
- 出頭天
- 點歌一顆蘋果
- 孩子未睡 電話沒電 都是現況
久站之後就GG啦⋯⋯痔瘡，痛到要查藥膏
20230425 wk31 去見何醫生
- 我：好痕啊
- 醫生：好好好，而家幫你去照咗先，陣間就開藥膏俾你
- 醫生：頭向下，頭大，因為鬆咗肚皮，所以難入盤啲
- 醫生：頭大唔會早產，反而仲會遲啲生
- 咁我唔用托腹帶盡量俾佢落
- 醫生：你頂得順咪得囉
- 痔瘡一痛，恥骨痛就唔見咗，二選一嘅痛楚
- 我：好痕啊
- 醫生：好好好，開夠兩支
- 我：會唔會查完藥膏止咗痛，就開始痕
- 醫生：係只要有痔瘡就會痕
- 琴晚望住小寶個頭研究左好耐，佢個頭真係好大，我好嬲
Week 32
痔瘡好返，冇咁痛，開始放飛自我。
Week 33
20230510 21m2 33wk4
- 家庭醫生話血壓低，所以要飲電解水
- 可能細佬要我食甜野都係嫌棄我血糖低？
- Day 1 高燒，食左4次panadol 先退到低燒，肌肉痛骨痛，腰痛，半夜喉嚨劇痛
- Day 2 早上有隱線，飲水都喉嚨痛，傍晚實孖線，鼻塞，流鼻水，夜晚開始打乞嗤，打完喉嚨超痛
- Day 3 喉嚨刀割，吞鼻水都痛，乞嗤尿滲；氣管有啲收縮或者敏感，少少輕瀉；無左肌肉痛無發燒
- Day 4 食左咳水加抗敏藥，即時眼瞓到見暈，一路訓一路收曬鼻水無咳，藥效好強，好得人驚，胎動少左；醫生話胎動少過十次要即時入院；好返都要即刻產檢
- Day 5 咳到宮縮，小腹好痛，食左蒸橙，少左痰但乾咳都好痛；晚晚一個蒸橙
- Day 6 7 繼續流鼻水，鼻塞，咳
- Day 8 終於變番一條線，但仍然有鼻水，咳，有痰；一路延續到去Week 35
20230522 21m14 35w2
- 中完covid，成日都有兩聲咳。
- 今日去健康院，等左兩個鐘，做咗B鏈，等醫健通出紀錄。
- 然後晏晝 Twah，血壓86 46。
- 第二胎唔同第一胎，隨時一肚痛見紅穿水，就要即時入院，隨時會突然之間好痛好痛，遲咗入院就棧自己辛苦
- 細佬成塊面都係肉
- 中碼偏大嘅B 75%
- 細佬個頭入咗五份一盤，有盆骨擋住，只係大左一週（有進步）
- 肚腩大兩週，37週，要減澱粉質、減糖分，肚腩大會難生。下？唔係個頭大先難生？ 要唔要剪大啲？
- 醫生：頭大嘅，你擘大啲就得啦
- 食肉係咪都係蛋白質長胎？何醫生話，唔同嘅，總之減澱粉質
- 咁係咪啫係減糖呀？何醫生話，澱粉質咪啫係糖囉
- 小寶：頭大嘅，你擘大啲就得啦；肚腩大，你會擠壓到佢啲器官⋯⋯我：媽der
- 何醫生6月27號放假；我624預產期⋯⋯4日3夜喎⋯⋯
20230527 36w
- 郁到懷疑人生
- 訓教喉嚨乾
- 抽筋
- 一飲甜野就郁得好勁
20230603 37w
- 喉嚨乾
- 穿水見紅夢
- 上半夜左腳抽筋、下半夜右腳抽筋
- 開始每晚醒起碼3次，每次落床恥骨痛到傻，要扶牆去廁所
20230606 37w3
- 呢兩個禮拜嘅減糖行動成功，生酮飲食有作用
- 6磅13安士
- 預產期622
- 生長曲線，六十幾%
- 我同醫生講，不枉我餓咗兩個禮拜
- 醫生話，咁你再繼續捱埋佢（兩個禮拜），如果你想易啲生嘅話
20230609 37w6
- 開始23:00, 03:00, 06:00整點醒，身體自動為餵奶準備，有無咁準時呀。
-
肚瀉
20230612 38w2
- 何醫生話7磅5安士，⋯⋯
- 下個禮拜應該差唔多8磅
- 生長曲線，七十幾%
- 細佬入盤入得好，但係唔代表我子宮頸ready俾佢出嚟
- 入咗盤就唔會臍帶纏頸
- 第二胎反而會遲啲生，因為肚皮鬆咗，唔夠力推佢落去
- 要不停行路，個肚實都要繼續行路刺激佢
- 我問如果個肚咁硬，使唔使休息吓？醫生話，就係要個肚硬，你先至係刺激緊佢想佢早啲出嚟「怕熱就行商場」，小寶話「屋企附近冇商場喎」，何醫生「係也」
- 「唔想行就un波」
- 行樓梯得唔得？「你要搵人扶住喎」
- 「一樣原理都係刺激佢宮縮」「當然你量力而為」
20230614 38w4
- keep住餓，但有食yogurt for 便便(plain yogurt真係食唔落, 但轉食greek yogurt，好似飽肚啲)100g 都14-15糖
- 都有飲椰青水，雖然甜，但想佢快啲出黎，將糖分嘅quota留晒比椰青水
- 腐竹雞蛋糖水
- 每日食兩細舊西瓜
- 死命咁行，幾重、幾容易爆紋、都唔抱住個肚，都要行
- un半個鐘頭波
- 上星期五買多支JimmBENNY堅果油，喪查
- 嚴重懷疑瞓太多都會長胎，連晏覺都唔敢瞓
- 大約平均起碼一個鐘都有一次宮縮
- 冇諗住食絲瓜都會重左1公斤
20230615 38w5
- 右耳耳嗚
20230617 39w
- 因為被蚊咬左4啖手臂
- 恥骨痛好左啲
- 身體嘅痛開始迴光返照（事後諗番，其實呢日已經生得）
- 半夜打乞嗤，成個盆骨卡一聲，超痛
- 飲紅豆鮮奶加仙草加芝士奶蓋半甜走冰☺️
- 肚硬（假宮縮）開始硬到肚底
- 開始有嚟M痛嘅感覺，應該係子宮頸軟化緊
20230618 39w1
- 半夜有m痛感
- 腰酸
- 右耳耳嗚
- 去小便嘅時候，開始忍唔住，一除褲就嚟漏尿
20230619 39w2
- 個肚會局部實左
- 開始肚痕開始爆紋變色
- 假宮縮痛楚指數開始上升 比我適應嘅個痛楚？
- 去完影QQ VPP 畢業相，就去產檢，然後就⋯⋯入院