我本住比QQ試多啲唔同類型嘅教學方法，去觀察佢究竟需要咩類型教育。當然啦，有免費試堂最好，保護媽咪銀包人人有責。
Parkview International Pre-school (Kowloon) 栢基
Podium Level, Kowloon Station, 1 Austin Road West, Kowloon, Hong Kong
見到媽媽谷入面有人講呢一間學校，一年學費差唔多10萬。重點佢有免費playgroup, 所以響QQ 11個月嘅時候就報名試堂，等左半個月就收到試堂通知。
PIPS (12m9)
- 咁啱撞中woodland 試堂日，仲好，請一日假可以試兩班，爽。但由於玩完上晝太攰，下晝就請小寶陪QQ上。
- 學校門口貴族學校feel，可能因為有好多外國媽媽身光頸靚？
- 連嬸嬸都有英文名
- 小寶Feedback話，全班得兩三個係試堂學生，QQ係最細個嘅bb，其他嗰啲都差唔多兩歲。QQ因為啱啱滿一歲，仲未行得好穩，所以全程小寶都係抱黎抱去，攰死爸爸。
- QQ未入課室就已經同老師揚手打招呼，收穫了一句讚美。首先響課室裏邊自由活動free play。有人問點解有一個學生無黎，話因為個學生岩岩打完一歲針。然後welcome song，講吓天氣。
- 天氣咁好，然後出去戶外場地自由活動free play，曬咗一陣。（明明我接放學果時落狗屎）而QQ因為未識行嚟行去，加上無帶鞋，淨係企咗響度，所以小寶將佢放喺sir滑梯下面陰影位置到乘涼。
- 因為太曬，好快就入返班房，班房內有室內獨木橋。
- 去音樂室，聽音樂
- 茶點時間，小寶唔記得帶零食俾佢，所以得QQ冇得食茶點，淨飲水，慘。
- 其中一個活動係meet報紙
- 另一活動係水彩畫畫
- 基本上係一間幼稚園，所以場地好大好靚，有好多外國小朋友。多數都係姐姐帶過嚟玩。
- 小寶話老師主要Focus向一個比較唔受控制嘅小朋友，因為照顧者淨係同隔籬位工人姐姐不停吹水，而冇去阻止小朋友影響課堂。
- 幾特別嘅一個活動經驗，但係冇乜意欲繼續報堂。
- 有讀開嘅媽媽話，有日本媽媽一齊接放學，感覺唔錯
目錄
最近問試堂要$450🫣
佢一期期架，如果係7-8月summer附近少學生，所以有優惠掛。果期走左好多外國小朋友呀嘛。