2022年8月，今次係慶祝QQ一歲生日，全家一齊去四季慶祝，大約一間$35xx，非常適合帶同BB去。但係當長老一齊，但唔算影得多相。四季嘅BB用品齊曬嘅，非常貼心，有齊保護膠等等，大少少會行會走嘅小朋友都照顧到，非常多額外貼心嘅服務。仲有嬰幼兒興趣班，並唔係間間酒店都有提供呢一類型活動，對上一次應該係美麗華。
以下係三道菜晚餐及自助早餐。
晚餐
Check-in嘅時候提我地要卜位，咁我求其話七點，但係話由於我哋6大1細，所以只能夠坐梳化位。再問吓有冇其他時段會鬆動啲，答案都係無位。
到夜晚食飯嘅時候發現，發現現場根本一啲都唔full。咁點解話無位呢。
小朋友都有menu。仲可以摺成東南西北。可惜QQ要大個啲先有得食。
包包，又係QQ食包嘅時間。整體麵包都係偏硬。
前菜要咗海鮮薈萃。三文魚他他。牛肝菌燉豬展。
食牛柳，非常嫩滑，可以揀薯蓉定薯角。薯蓉有濃厚黑松露味，抵食！
青衣柳荷葉燒鵝粒炒飯，有啲辣，唔算特別。另外都有嗌咖喱，係地道嘅味道。
法式焦糖泡芙，主要都係食酸嘅生果，冇乜太大驚喜。
朱古力石頭，每一舊石頭都有唔同味道。
早餐
一早起身，大風大雨。仲諗住無得游水，點知食完早餐變得好好天。
可以選擇90分鐘嘅自助餐，又或者食set就冇限時。小寶睇過個套餐，全部都係雞蛋呀火腿啊腸仔啊嗰啲，一啲都唔吸引，最吸引已經係日式早餐個三文魚扒，但其實自助餐都有…
所以梗係揀自助餐。如果晏少少落嚟，就要排好長龍，因為自助餐位置唔算多，要坐出去等位check-in嘅open area。
熟食凍盤選擇唔算少。味道冇太大驚喜。
有一籠籠，單個點心，唔會食得太滯，但坦白講唔算太好食。最驚喜嘅係嗰粥，我encore左兩次。我覺得有味粥最好食。仲係用LC黎裝。
自助餐個白粥冇落鹽，可以比QQ食。
