繼「[Food] Mandarin Oriental文華東方下午茶 @Central」同「Mandarin Oriental’s Clipper Lounge – Lunch buffet」，試過港女tea time同牛腩一樣嘅牛扒。人一世物一世，點都要試一次MO 嘅staycation嘅。
因為年頭嘅疫症太勁，搞到family gathering團拜活動唔成團，所以延遲到2022年6月再搞。搵勻咁多酒店，得MO有capacity比我地食左半層樓。一次過book左11間房嘅staycation package，我真係project manager小能手呀。
由於只係第二次帶QQ黎staycation，未能架輕就熟，加上要handle咁多親戚嘅各類問題，所以無乜時間jot note，唯有憑相片再用記憶碎片砌拼圖。
房內
check in時，拎XOVE set換領信。每間房有一包lego送。
Wi-Fi要錢。媽der，學到野。原來酒店會籍話嘅送wi-fi，原來係因為本身wi-fi服務係要收錢嘅⋯⋯而MO係傳統酒店，所以佢Wi-fi居然係要比錢先有⋯⋯除非你join佢嘅MO Club⋯⋯問題黎啦，咁多間房，小寶就要逐間房幫親戚申請MO club member⋯⋯
燈制有延遲，姐係禁完制，要啲時間先會著燈。
同場加映一張隔離房嘅房頂，好subtle咁向門框裝左塊鐵片，所以門頂唔會撞爆門框，非常有心思。缺點係閂門時會咯一聲。
左手邊係衣櫃/行李位，近門邊個櫃好有心思，門口有個獨立嘅窗口櫃，好似信箱咁。如果order左amenity，職員會由信箱櫃放入黎，唔需要向房等職員開門，只需要得閒去開信箱咁收件就ok。但都有缺點，部分長輩房間因為慣左要等人送野黎，一直唔知道人地已經送左入信箱櫃⋯⋯
果個冰筒想點⋯⋯同間房一啲都唔襯。
衣櫃就係衣櫃，無四季嘅subtle發光衣通，但整體夠光。有少少裝修味。
有bb車就無位放行李架。
黎張床景先。有啲暗。
King size bed 其實係twin bed 合併埋一齊，中間嘅位置有啲銀pat pat。著燈又影。
近窗有張書枱，上面已經放曬奶樽消毒機、暖奶器，枱角痴左防撞貼，非常細心。仲有張panda welcome card。
窗景望海景，同Hong Kong Club。
過左一陣，有職員拎左dyson空氣清新機黎，無位擺bb車添⋯⋯然後向信箱櫃拎水，因為佢地話比多支水我開奶⋯⋯其實我QQ係飲人奶好冇XD
小寶搵唔到刀叉食蛋糕，笑死我，咪向電視櫃一邊好subtle嘅櫃通囉。
床頭望浴室景，枱角仍然有防撞角。每個櫃把手都有防撞膠，連電制都有保護膠。非常細心，係最貼心嘅酒店。
我地走左去遊水，返到黎見到有開床服務。同埋每份個人物品都用布巾墊底，亦有電線魔術貼幫手圈好啲差電線！全部物件，包括自帶樽樽罐罐都擺放得整整齊齊。請無視果樽奶⋯⋯因為我太開心，大爆發，但QQ又飲唔晒啲奶，所以吱出黎比佢沖涼。
同場加映，小囡與海。枕頭陣，令佢唔好跌落床。
浴室
浴室好奇怪，有個中島分隔開浴缸同企缸廁所。
我同小寶都唔係太鍾意個中島，好聽就係可以兩面一齊用洗手盆，變相好似有雙洗水盆咁，但其實洗手盆太淺，一邊開水另一邊就會彈到水。同埋我地成日要繞道而行。
但中島鏡框都有防撞膠，細心，強。
送左MO鴨鴨。
洗手盆同浴室熱水唔相通，所以唔會變凍。水溫好似間間房都唔同，有人話太熱，有人話太凍。
風筒一開有燶味。
牙膏好可愛，第一次見有條裝牙膏，咁咪好囉，慳番啲硬膠。亦有小朋友漱口杯。
馬桶係kohler。
浴缸係AXOR。
個package包一份XOVE嘅set，拎曬大家嘅換領信去拎，仲可以做一次手部護理，啲魚子精華係膠粒咁，搓搓下仍然向度，但BA話會溶於水，biodegradable嘅。
窗景
左邊有海景。
正面係hong kong club，右邊可見中銀。
因為屋企人多，發現原來同一層第二款房型架喎，可能未裝修，仲好有古色古香添。
廁所洗面盆，我比較鍾意呢款多過自己間房喎，雙向洗手盆真係唔知想點。
左邊係獨立洗手間，有種日本feel，但抽氣差啲。
洗手盆右邊就浴缸同多角度按摩花灑，當然都係唔夠Mira果個按摩花灑好用（除左佢會漏水出街）。
因為我地霸左半層樓，所以upgrade左一間Corner room，我地比左壽星住。
Corner room 左邊門口仍然有信箱locker。
最主要嘅大浴室！
卧室仲有鏡添。
客廳夠大，可以容納廿幾人。
gym room路途上。lift口。
泳池門口，想點，雖然有LED mon，但像素太差。小寶同我連結婚個場都要睇LED mon個resolution，所以MO泳池真係唔ok。
第二朝早上落雨，呢度見到風景真係有show到出黎。所以可能係live，但未必係即時嘅，可能有少少delay。
個池唔算大啦。水都有啲凍。
最入面有個counter，有蘋果、糖、同檸水。
同埋重點係入Lounge！
之前食過下午茶，又食過午餐semi buffet。仲記得牛扒嫩到有牛腩嘅感覺。
今次晚餐就牛扒炭香味太重，仲有兒童蠟筆同畫紙，但QQ都唔受控制咁喊，要keep住氹。
前菜
主菜
最好食係牛仔柳。
甜品
而為左wifi申請嘅Fan club，仲會送多杯嘢飲添。
早餐
有無落鹽嘅白粥，可以比QQ食。
