只要開始要負擔屋企嘅支出，你就費幾乎每個月都要交水電媒/電話費/上網費。當時年紀小，會用繳費靈去交，其實佢只不過係一個平台幫助你將銀行嘅錢交去各大商戶，係唔會有回贈亦都唔會有分儲。
然後到大個少少，學識用恒生信用卡，唔理佢有冇分儲，用網上繳費服務，用信用卡比水電煤，都可以有免息還款期。同時亦用恒生信用卡交保險費，又可以儲到一堆enjoy cash dollars，所以真係唔知邊一樣可以儲到分。可見「[財務類] 每月恆常固定任務 – 如何找卡數」。
然後申請多咗唔同銀行信用卡，就識得用東亞信用卡去申請自動轉賬交中電費用。點知失敗咗先知，原來電費單同信用卡要係同一個名。
然後到咗2019年，就好簡單，用Alipay HK綁定信用卡，掃QR code交水費同差餉，又可以儲到分。然後將中電、煤氣費用都綁定埋Alipay HK。佢會自動話俾你聽幾時收到單，然後撳找數，用信用卡過數就可以。上網同電話費就睇吓邊張信用卡嘅回贈高啲。保險費照舊留響Enjoy卡度。
2021年12月21日起，電費/煤氣費/水費/差餉，Alipay 要收2.5%手續費⋯⋯會有部分繳款方式可獲豁免，但嗰堆所謂繳款方式都係無so。
電費響Alipay set自動轉賬，都可以豁免2.5%手續費。netvigator/HKT有單撳掣繳交，都可以豁免手續費。但係煤氣費、水費、差餉就要另覓途徑。
然後就放棄咗，比曬小寶用「安信EarnMORE銀聯卡」掛落wechat pay交，本地港幣簽賬統一現金回贈2% （首HK$200,000簽賬）。