唔知係咪因為佢係虛擬銀行，要求冇實體銀行咁高，定瑞士嘅效率真係咁高咁快，只係用左一個工作天，就已經成功開咗個戶口，只係仲有further due diligence 同埋入錢問題，仲未完成戶口申請。有冇快到咁呀，速度驚人。
話都冇咁快，過咗一日就已經收到佢嘅短訊，話已經通過咗我哋嘅申請。然後提供左一條連結，可以攞到暫時嘅密碼。直接禁條連結，就會飛咗過去網頁版。然後輸入返電話號碼，記得+852。
然後就收驗證碼。今次驗證碼係由佢嗰個通訊軟件嗰度發出。然後就改密碼。
然後有兩段提示，即係你refer其他人，就可以收到10個DUK+。
而在下一版就可以見到我哋帳戶入邊嘅5個DUK+(~EUR10)已經到帳。亦即係可以豁免咗EUR1月費。然後就下載返Dukascopy – Swiss Mobile Bank 嘅app。
要完成開戶過程，仲需要入返相應資金。按FlyAsia講，「一般都被預設為 US$5,000 季度存款限額 及 US$50,000 總存款限額。賬戶存款若高於 US$50,000，每年需支付 0.4% 的賬戶維護費。」
為咗我哋可以將Barclays 嘅身家轉移過去呢個戶口，我哋嘗試增加額度。
Dukascopy要求我哋答身家來源，所以小寶打電話去稅局申請英文版嘅稅單，都等咗一個星期左右，先至可以比到Dukascopy做supporting。
然後就可以準備Barclays轉錢去Dukascopy。