因為唔想QQ食黎食去都係果幾樣野食，所以搞下新意思。點知佢即刻敏感XD，果然7個月太早嘗試蛋白啦。可能過多幾個月再試啦，希望佢11個月就已經食到蛋白，因為1歲支針有蛋白。
媽媽谷話荏胡麻油omega 3最高，所以小寶向日本amazon又買左支返黎。
材料準備，屋企又係得番大蕉⋯⋯但係唔驚，今次我哋有Avent攪拌機。都有諗過好唔好分開蛋白同蛋黃，見人哋話如果父母都冇敏感，其實BB七個月後，都可以慢慢逐步試吓蛋黃同蛋白。QQ已經試過少少蛋黃，所以不如試一試佢。
用攪拌機真係唔同啲，簡直係滑溜。
攪拌好蕉蛋漿，就可以開鑊煎，唔知係咪個鑊洗得唔乾淨，QQ先敏感呢。
QQ拎上手，食得幾開心，亦無gag。點知食食下見到QQ嘴角開始紅！！！即刻比水佢飲，佢一用飲管就咳，gag到嘔番出黎。然後即刻帶佢洗手抹嘴，紅到出粒粒，即刻比金盞花膏佢查， 唔夠15分鐘就退咗。但係之後嗰一日，嘴角掂到嘢食或者奶都好容易紅，嚇死。
做咗啲research，知道提早試或者忍住唔試，係唔會影響佢大個對食物敏感嘅機會率。始終七個月太早試蛋白，會等到11個月再試，因為一歲嗰支針裏面有蛋白成分。
更新，向15個月後，咩蛋白都食得啦。我直頭可以落原隻雞蛋落Avent搞，有左蛋白，煎出黎嘅pancake都靚好多。