過咗穩定期嘅第四至五個月，六個月後BB開始要熟習呢個世界，湊B日常唔再係：餵奶、換片、加固，跟住就要行親子時間、親子活動嘅路啦。冇乜嘢嘅話，18年之後再搵我去玩。
Pororo讀卡機 / 切薯條波紋刀 / 口罩 / 法國Le Petit Gourmet鵪鶉髀 / Baby Pack比目魚 / Tidy tot – Tray & Bib 飯衣同托盤 / Numnum Pre load spoon / 日本製 ADERIA 兒童強化玻璃杯 / stokke
購物清單全集：
Pororo讀卡機
雖然總會有好多親朋戚友，會提供二手嘅玩具比QQ玩，但作為新手父母，你會好想買新玩具比隻野玩。自從QQ好鍾意聽Pororo 嘅韓文歌食奶，我就認識到呢隻韓國企鵝。
PORORO – 全新改良版｜超人氣Pororo 英文單字及兒歌讀卡機｜平行進口
切薯條波紋刀
QQ開始唔係好鍾意食菜，有肉就會食肉，有飯就會變飯桶。又唔算好貴，買把刀用嚟切紅蘿蔔，睇吓會唔會幫助加固。原來唔係淨係for美觀，切成波浪紋之後，BB會容易揸上手。
口罩
間唔時都會帶佢出去散吓步，求其買口罩。
法國Le Petit Gourmet鵪鶉髀
加固，俾佢抓住鵪鶉髀黎咬，細細隻嘅鵪鶉髀冇碎骨，佢又可以梅到啲肉，非常好。 有一日煮完，比QQ食食吓先發現，向長髀位有舊碎骨， 好彩發現到即刻搣咗佢如果唔係QQ吞咗落肚就大鑊。
Baby Pack比目魚
加固，baby pack黎，一舊一餐嘅份量。好可惜我搵唔到三文魚。如果就咁聲覺得有啲腥，可以浸下牛奶之後先蒸。QQ 一手就揸碎左。
食到歲半，一時時鍾意食，但hktvmall成日無貨，有貨就要入兩盒。
Tidy tot – Tray & Bib 飯衣同托盤
見到媽媽谷其他人用呢個托盤，一齊以為係成張BB食飯椅咁樣買。但由於QQ抌嘢食落地嘅頻率太高，執到懷疑人生之後就再研究吓。先發現原來呢一個只係一個帆布（？）托盤，可以套落本身BB嘅餐椅。佢個套裝要成$200尾，差唔多$300，我梗係即刻想旋轉拍賣網望一望，好彩比我冇搵到個$50二手托盤。
本身諗住用返自己個飯衣，好彩小寶望一望佢條魔術貼，發現係要配返一套嘅飯衣，嘢食先至唔會跌落BB隻腳。加上我哋原先用緊嘅飯衣係長袖，有時有啲焗，bb會炆，所以果斷用$88買件全新嘅短袖飯衣。加埋都只不過係$138！
用咗個幾星期，係咪因為食咗比目魚，Tidy tot件衫好腥，用咗BB洗潔精、浸泡過都仲有少少味，下面留comment話我聽可以點洗。仲有發現因為斑馬係短袖，衫袖條橡筋開始鬆。同埋潮濕，洗完趕唔切，要快啲買多一件替換。
我貪佢個tray夠大，好好用，因為QQ鍾意玩輪盤遊戲，咩食物都掉到周圍都係。加上佢個托盤下邊有兩個吸盤，可以吸住high Chair嘅餐盤。我清洗嘅時候直接用呢兩個吸盤，吸響浴室瓷磚上面，直接攞花灑沖洗，爽。有個缺點，就係餐盤放響個tray上邊，唔會好似係high chair餐盤上邊吸得咁實。希望QQ唔好咁快學翻枱⋯⋯
包裝上面話呢個托盤，之後玩messy play都可以用得返。
朋友話用緊Bibado，另一個英國牌子，可以包埋個餐盤，但係淨係餐盤就唔夠QQ掉…..所以我都係用返tidy tot個輪盤算數。
Numnum Pre load spoon
睇Regina每日為仔仔準備嘅餐單，真係好賞心悅目
Regina媽媽ig: 連結
或者search: blw_hangryhanji
見到日本Regina媽媽用得好好（見下圖），加上QQ用匙羹成日反轉倒晒啲飯，所以好想買過pre load spoon。然後自己開咗個團，儲夠$500再加埋九折code，向babysophie買左set。
日本製 ADERIA 兒童強化玻璃杯
又係Regina媽媽介紹，既然QQ b box又會濁親，比卡超combi又唔係太願意飲， 咁就不如直接試吓用玻璃杯來學飲水啦。哼。小寶向QQ 7m 嘅時候響Amazon jp買返嚟。
分兩種尺寸：
1. S（直徑6cm ＊ H7.5cm；容量約 130ml；重量約116g）
2. M（直徑6.4cm ＊ H9.3cm；容量約 185ml；重量約150g）
Stokke
QQ一歲前左右，發現佢坐combi坐得好hea，個身成日都彎彎曲曲咁。驚佢坐姿唔好，所以開始物色新凳。一歲生日時，唔再比小寶拖時間，去左媽媽展買stokke($2790, tripp trapp set $550, harness $398, tray $398; 送alphabet board, sleeping bag, blanket x2, towel set x3, mini abalone = $4136)，月尾送貨。
有心嘅其實可以等carousell人地放全新嘅登，$1300-1600（視乎有無恐慌性拋售，如果果期買奶粉會送stokke，會有好多人同期放）。