由於小寶勁鍾意日本嘢，所以毫無疑問我哋淨係會睇日本嘅書枱。因為媽媽有脊柱側彎嘅問題，所以一定要盡量避免，要買張岩QQ尾龍骨嘅書枱。
行開荃灣愉景新城或者沙田中央城市廣場，都可以搵到yamatoya嘅牌子(日本製)，本身心儀norsta系列，但有媽媽推薦buono系列。 繼續閱讀 「育兒 – 書枱 buono / colo colo」
Month: 三月 2022
香蕉煎餅(第二彈) @sakitchen
因為唔想QQ食黎食去都係果幾樣野食，所以搞下新意思。點知佢即刻敏感XD，果然7個月太早嘗試蛋白啦。可能過多幾個月再試啦，希望佢11個月就已經食到蛋白，因為1歲支針有蛋白。
育兒 – QQ學習之路 (教學材料)
爬文嘅時候睇到一句覺得好精警，嬰幼兒每日最主要嘅工作就係玩，個問題係要俾啲乜嘢佢玩。
呢幾年出世嘅小朋友，因為疫情冇得上playgroup，又冇得出街社交能力差。朋友話佢小朋友嘅幼稚園老師都話，「媽媽唔需要擔心，因為成級小朋友都會一齊變蠢，所以係呢樣嘢係成個學年、成個世界嘅事，唔係淨係你一個」。多謝你呀老師，你咁講真係令到我好放心啊⋯⋯
不過留意番，我target QQ都係入happy School，並冇諗住報咩學之園呀（呃，最後都有報黎玩，傳送門）、傳統名校呀咁，我並無打算要有系統地催谷佢。如果有心想要催谷，就千祈唔好跟呢一套hea hea嘅書單。反而要入返名幼媽媽谷，去考其他嬰兒牌（好似咩嬰兒行山、划艇、騎馬、攀石、平衡車牌照咁）。
我唔可以算係一個好努力嘅媽媽，只係有加入大大小小唔同媽媽group，將啲有用嘅資訊結集整理，然後照跟。無論買乜嘢書本、玩具都好，最緊要，最緊要係要有親子時間同佢伴讀、伴玩，唔係嘅話都係浪費金錢、地球上嘅資源嘅啫。真係無捷徑架。人人都話要磨耳朵，但係就算一個大人都好，你俾佢磨耳朵磨足一年阿拉伯文，如果冇動畫或者冇影像幫你去連結單字句子同埋個意思，點磨都係嘥時間。
Summary: Pinkfong Animal Songs Book / Pororo讀卡機 / That’s Not My Bunny / The very hungry caterpillars (Eric Carle) 配點讀筆 / brown bear what do you see 系列+ dear zoo / 幼幼撕不破小小書 / Peppa Pig 小猪佩奇100册 / 小金魚逃走了 / 抱抱 / 小黃點 / ⋯⋯開始亂買書 / 漢字基礎500
延伸閱讀：書櫃 – 自從越來越多書同玩具，就響淘寶物色咗個好好用嘅書櫃。將好難收拾整齊嘅毛公仔、玩具，全部抌晒落去最底嘅籃到，冇眼屎乾淨盲。
產後 – 6個月後購物清單
過咗穩定期嘅第四至五個月，六個月後BB開始要熟習呢個世界，湊B日常唔再係：餵奶、換片、加固，跟住就要行親子時間、親子活動嘅路啦。冇乜嘢嘅話，18年之後再搵我去玩。
Pororo讀卡機 / 切薯條波紋刀 / 口罩 / 法國Le Petit Gourmet鵪鶉髀 / Baby Pack比目魚 / Tidy tot – Tray & Bib 飯衣同托盤 / Numnum Pre load spoon / 日本製 ADERIA 兒童強化玻璃杯 / stokke
購物清單全集：
[離岸戶口] 虛擬銀行 Dukascopy – Multi-Currency Account 開戶篇 (多圖)
前題係之前開左個barclays離岸戶口，原先開戶三個月內存入GBP25,000(或等值貨幣)(~HKD256,000)就可以。2022年3月，收到Barclays電郵，話要提升最低存款額到GBP100,000(或等值貨幣)(~HKD1,024,000)，meet唔到就要比GBP40(~HKD411)月費。RM服務仲要GBP250000(~HKD2,560,000)先會提供。
我哋冇移民，雖然有BNO（依家97後香港出世嘅都可以申請返，當然要符合某些條件），住址電話號碼仍然仲係香港，但係又唔夠錢去開本地銀行嘅離岸戶口，又唔肯比月費管理費。所以英國本地傳統銀行就已經唔侵我哋玩。至於證券行，呢舊錢我哋純粹係想要來儲蓄，唔係諗住做投資用，所以我哋亦都唔考慮。最後唯有搵啲多人用嘅虛擬銀行，將來如果有需要亦可以申請提款咭(debit card)，進可攻退可守。
離岸戶口選擇，請見「[離岸戶口] Barclays 增加入場費，仲有咩離岸戶口嘅選擇？」。
繼續閱讀 「[離岸戶口] 虛擬銀行 Dukascopy – Multi-Currency Account 開戶篇 (多圖)」
[離岸戶口] Barclays 增加入場費，仲有咩離岸戶口嘅選擇？
我估應該都真係幾多香港人去申請， 所以佢哋要cut客去維持返佢服務質素。唔緊要啦，我哋係窮架啦，所以做左幾日功課，睇下要點轉窮人離岸戶口先。
Cordis 康得思 – 川 (Chuan) Spa 及「我的Staycation不可能那麼壞」
2021年11月，終於坐完月，又回番條氣。果然生仔真係搵命博，頭三個月都係有氣無力咁捱過去，又唔夠訓，傷口又好痛（我已經係順產囉唔該）。真係好需要做個spa，回一回氣。小寶book左$3000左右嘅Cordis，包三道菜晚餐，包入lounge，仲要包雙人川spa，嘩。平時一個人都差唔多$1000架個spa，今次仲唔抵到爛！
加固篇 – Philips Avent 4合1蒸煮攪拌器
繼Bruno 豆漿機要退位，又覺得糊仔階段唔會last太耐，所以喺旋轉拍賣搵有冇二手嘅嬰兒蒸煮攪拌機。唔選擇Baby cook，因為佢要加水落去部機度，再經管道排出，我最驚就係啲好難洗嘅嘢。屋企人想要一部機可以煲埋粥仔，so far 只有Kiwy，宣傳圖好似淘寶貨，所以比小寶ban咗。
然後就心儀Avent，覺得佢可以同一個食物水壺入面蒸，倒轉就可以攪拌，最緊要係唔使洗太多野。雖然佢入水位都只係部份可見，但起碼我可以每次用完都倒乾淨，費事有水垢。 繼續閱讀 「加固篇 – Philips Avent 4合1蒸煮攪拌器」