2021年5月去咗轉尖沙咀Sheraton staycation，完全冇包膳食，所以走咗去谷辰買宵夜。其後好多次呢，都成日嚟到此一遊，個原因係佢停車場真係好平。
半價喎，點可以唔買。同埋有種夜晚喺日本七仔/family mart買宵夜嘅即視感。
最後買咗呢兩隻。
燒布丁，冇乜特別，其實係想食嗰種日本嘅情懷。
呢個布丁就貴啦，唔係半價，仲要差唔多成40幾蚊。小寶話佢貴，係貴在個儀式感。
既然咁貴，要俾個close up佢。
小寶話要整個心形。這就是儀式感。最後食入口，真係淨係貴在個儀式感。
仲係谷辰買咗支豆乳。濃到我覺得可以加水沖返兩支出嚟。背景係琴晚食剩嘅雞，一早食雞真係好開心。
