擺到明呢條友仔生平就係唔入廚房嘅，為咗QQ，要研究吓煮食點樣玩。我諗應該同做lab差唔多嘅啫，應該唔難。
之前用asia mile換左個，響懷孕嘅時候每朝都有新鮮打嘅豆漿飲。然後生咗之後就雪藏左部機幾個月。仲喺度煩惱緊買邊隻嬰兒副食品機，忽晒奇想，不如拎返呢一部機出嚟打糊仔。
因為部機外邊唔濕得水、手柄唔濕得水、底部唔濕得水，發現有好多豆渣響個底度，唯有開支旅行牙刷去擦下佢。然後再用嬰兒洗碗液浸一浸。
小寶堅持話要買日本嘅紅蘿蔔，切咗大概三份一條，短過手指，㓟皮然後切粒，加少少水，抌晒落部機度。然後加咗少少水，我都未加到去Max嗰個位，已經覺得有啲出事，點解水同紅蘿蔔嘅比例爭咁遠⋯⋯
部機本身有四個function，soy milk, boiled soup, blended soup, smoothie。揀左blended soup。
佢一路打嘅時候，我見到有好多紅蘿蔔蓉都飛晒上去個頂，嗰個透明窗口嗰度⋯⋯ 打咗差唔多三四個字？倒出嚟嘅，係好希嘅紅蘿蔔汁⋯⋯完。食到佢扁晒咀。要重新調教嗰個比例先得。
大致上洗下部機，然後倒啲清水落去，再blend一次，當洗機。
D190: 發現豆漿機有個function係smoothie⋯⋯可以唔洗用blended soup黎整蘋果蓉⋯⋯生完真係好蠢。
D191: blend左兩塊白菜仔同一個細蕃茄。
D192: blend左一個薯仔同埋兩條菜心
D201: 紅蘿蔔三文魚粥
慢慢用用下，發現個豆漿機搞完冇乜味嘅生果或者菜，就會有浸機器摩打味。雖然佢好適合打細份量嘅嬰兒食物。但係都要另覓出路。