2021年5月，海港城嘅幸匠燒。點評，未食過咁難食嘅日本餐廳。 純粹係上年疫症生意難做，海港城出咗勁多半價卷，咁就不如當用半價去試吓海港城嘅so call高級餐廳。
都行左差唔多成大半個海港城，先搵到半價完之後，我哋都仲覺得可以接受到嘅餐廳。見到呢間餐廳好似有海景有成，（當然最後我哋坐唔到有海景嘅位置啦），日式餐廳應該都唔會差得去邊，就諗住嗌兩個餐黎會一會佢。
因為有咗，生野唔食得。叫咗一個串燒餐同埋一個天婦羅餐，半價咗之後大概百幾蚊一個人，即係原價差唔多二百幾蚊一個人嘅商務套餐。
前菜不過不失，都係啲凍盤夾埋成為一份，唔算新鮮亦都唔算難食。個豆腐亦都唔係胡麻豆腐，冇乜口感。
貴啲嘅串燒餐。直頭係失望，麵豉湯太鹹太猩，又或者係我唔鍾意佢嘅海大又太重海水味。牛舌好食，厚身夠爽。細蔥好甜。柚子汁酸甜有日本味。天婦羅蠔得一隻，肥美甘甜既。
串燒隻蝦係乾嘅、雞翼係柴嘅，大蔥好老，牛肉卷一般，其他蔬果類一般，主要係調味料太多。天婦羅嘅炸醬同埋入邊嘅蔬果，都係冇乜特別。如果你叫我用原價二百幾蚊去食呢一個餐，我真係嬲一世。同平時響中環食$200便當嘅一半水準都冇。
小寶將隻溫泉蛋，倒咗落去個飯度，但係蛋同飯嘅比例錯晒，變咗糊仔。算啦，好嘅一餐，唔好嘅又一餐。由此證明，海港城嘅食肆，真係唔OK。
地址
尖沙咀廣東道3-27號海港城海運大廈4樓OTE402號舖
Shop OTE 402, 4/F, Ocean Terminal, Harbour City, 3-27 Canton Road, Tsim Sha Tsui