BB就係一隻食飽就瞓，瞓醒就屙嘅生物。除咗要好好餵飽佢，就係要幫佢把屎把尿。 應該揀邊隻尿片呢？ 其實隻隻BB pat pat嘅size同大髀size都唔一樣，所以呢個時候就係睇現試用裝嘅重要性。
Merries
2021/8: 因為朋友送咗一包merries，已經試用緊，仲做晒準備邊個size就轉幾多碼點知計劃趕不上變化。但因為呢個小朋友用merries會紅屁屁，要用pampers ichiban先得。
明明其他朋友嘅小朋友用pampers會紅，反而要用返merries，而merries仲平啲。
2023/7: 二胎，陪月話pampers ichiban差左喎，買merries啦，又試一次merries NB，魔術貼位置冇顏色，半夜要搵吓個魔術貼響前定後，魔術貼都難搣開。可能大髀位唔夠肥，所以成日爆屎，屙響條邊度。整體感覺粗糙啲。頂，爆左三次屎，果斷放棄。
過底，小寶話可能咁先透氣呀。就黎爆。下一條即爆，其實中間無乜屎，係要向條邊度爆。
Pampers
Pampers又有分pure, ichiban, 綠p。
1. Pure聲稱係有機棉，但普遍聽到嘅評論都係話香港BBC用會紅屁屁，會唔會係因為日本比較乾燥，所以就算佢相對厚身，都唔會熱紅個pat pat。
2. Ichiban陪月聲稱吸水力驚人，只要BB用呢一款就唔會紅pat pat。但係媽媽谷入邊都有啲媽媽話，用呢一款會爆尿爆屎。真係個個BB嘅大髀屁屁形狀都唔同，要揀返適合自己bb嘅。
既然佢吸水力咁勁，我都用咗兩條來做尿片冰種，用黎儲奶。「育兒 – 返工泵奶篇」
3. 綠P係最平嗰隻，有朋友俾咗包大碼我，等我隻女夠大先試用，之後先出試用報告。13個月試用，貼紙好緊，相對Ichiban硬身啲，會紅。最後過左期，無用到。
2023/4: 去到20m，轉左拉拉褲L好耐，突然發現QQ會R損背脊，但係條片又冇整到紅印，姐係仲係岩size。唯有試下唔同牌子嘅片，睇吓會唔會係片頭太吉肉。
2023/7: 二胎出世，當然係買返ichiban NB， 知道佢轉咗款，唔知質量差咗定係點？但係黃色會透出去尿片面，屎嘅顏色，有啲潮濕，但係冇過底⋯⋯所以先轉merries又試一試佢
都係過底，但起碼唔爆
Moony
2021/8: 呢個冇用過，但係見到媽媽谷嘅評語係好滑，比pampers好用。
2023/4: 阿女大約20m左右轉moony XL（女仔版），因為pampers ichiban 拉拉褲，搞到亞女係咁R條腰，所以揀隻滑啲嘅俾佢試吓啦。
Huggies
好大塊，相對焗啲。印象中，放條濕片落地下，地下會有水氣，即係有水氣會外滲。
2023/4: 上回到20m，QQ對襪頭/拉拉褲嘅軟滑度都有要求，所以要開試用裝黎try try佢。褲頭真係比pampers ichiban滑，但可能QQ唔係太飲水，所以唔知會唔會爆。
2023/7: 繼Merries爆咗三次屎之後，就買咗Huggies NB黎試，都幾滑，都係Moony XL滑啲。
Goon
用咗兩包試用裝。佢未至於會漏尿，因為包到好緊，所以望住QQ個大髀仔條紅痕，好肉赤。會聞到好大浸尿味。屁屁都會容易紅。