一月 2022 - 小藍筆記

[Food] 幸匠燒 @海港城, 尖沙咀

2021年5月，海港城嘅幸匠燒。點評，未食過咁難食嘅日本餐廳。純粹係上年疫症生意難做，海港城出咗勁多半價卷，咁就不如當用半價去試吓海港城嘅so call高級餐廳。繼續閱讀「[Food] 幸匠燒 @海港城, 尖沙咀」

[Food] bong 肉店 & 烤肉 + 幸福班戟 @K11 Musea, TST

2021年5月，呢個月係瘋狂出街staycation嘅孕中期。直頭夠膽死挑機添。

繼續閱讀「[Food] bong 肉店 & 烤肉 + 幸福班戟 @K11 Musea, TST」

育兒 – 加固之路

早前睇到個新聞，有啲BB四個月開始就被媽媽加固，點知一路肚痛扭計，然後睇醫生發現肚仔裏面有好多未消化嘅食物，所以都唔敢太早加固。又有一種講法如果太早加固，大個後容易胃下垂。嚇死。

但係4個月尾嘅時候，QQ開始對我哋食嘅蘋果有興趣，所以我都有俾佢舔下蘋果，唔知咁岩得咁橋定係點解，舔下嗰晚會特別扭計⋯⋯所以跟消委會買咗嬰兒米糊，揀咗喜寶(好似係最安全嘅)，聊勝於無。選擇Hipp嬰兒米糊嘅原因

口肌點練返黎

咀嚼同吸啜
Bb嗰陣啜奶，大少少開始靠食野，咀嚼唔同質地食物
其實就係要咀嚼，要啲食物比較耐咬；咁就理論上快啲講野

繼續閱讀「育兒 – 加固之路」

[着數類] HSBC – Payme 利是 #hsbc123gogoalday

仲未開始過年就已經有過年嘅氣氛，咦，乜香港有過年氣氛嘅咩，我係講緊過年嘅優惠已經嚟緊。自從PayMe個信用卡入錢上限降到得$1000，佢就變成左每個月嘅雞肋指定任務。依家佢終於有用啦。

由1月18日至2月15日，使用PayMe向最少五個人派發群組利是，同埋要對方收到先，即可獲贈港幣$28 coupon，可以響網上或者實體店鋪用PayMe俾錢嘅時候，滿$50就可以用呢$28作為消費金額。推廣期內可以獲三次$28，不過係先到先得，送完即止嘅。

我嘅玩法，梗係聯同五個志同道合嘅朋友，每人派一蚊，hehe。

由1月23日開始，仲會有更多優惠等緊你。

https://retailbank.hsbc.com.hk/superstart/zh-hk/home/

非官方非正式之塞奶原因

要想知道塞奶嘅原因，自己去睇健康院小冊子啦。

延伸閱讀：

育兒 – 塞奶篇(D118 D237)+解決塞奶方法
 育兒 – 追奶（又名塞奶）之路

以下係我亂咁嚟寫低嘅塞奶方法，包你成功塞奶，一試就塞，塞左。非官方/非正式嘅可能塞奶原因：繼續閱讀「非官方非正式之塞奶原因」

育兒 – 追奶（又名塞奶）之路

既然揀得餵母乳，而我又唔係冇奶，只係少咋嘛，人奶條路難行啲啫，用意志力夾硬行去。我並唔係富媽媽，由佢出世開始，我就主打全力追奶。為左要追奶，有媽媽谷叫，每日飲4L水。大佬呀，我照腸鏡都飲唔到4L水。

後來都聽到有個講法，其實坐月嘅時候唔可以太貪心，又要補身、又要坐月、又要追奶。到頭來，會咩都做唔好。最好淨係揀一樣嘢專心認真去做，力量來自專心致志。但我好明白，嗰一個月係情緒最敏感嘅時候，咩人講嘅嘢都會聽唔入耳，「小朋友才選擇，而我咩都想要」。但都係果句，過咗就會好。

信我，響醫院嘅時候我1ml都吱唔到出嚟。我去到第二三個月，上晒奶，每次兩邊加埋都仲係得70-90ml。直到2個月後突然一次塞奶之後，就變成100-120ml。4個月，正常嘅每次150-180ml（除左又塞奶果時會係70-250ml）。第五個月平均都可以去到150ml，有一次仲單邊150ml，兩邊300ml。只要有恆心，謀事在人、成事在天架姐。