產後 – 紮肚篇

紮肚師認為，每一胎都應該紮肚，腹直肌回復好，生二胎都會順利啲。紮肚呢，順產要一個月後，開刀要兩個月後，仲要清晒惡露。仲有嘅係，如果嚟緊M係唔紮得肚嘅。

而我本身脊柱側彎，有一邊肋骨會比較突出。都話我嘅人生好戲劇性㗎啦，紮個肚姐，都係10日嘅事，風都打咗兩個。正路來講，紮5日、休2日、再紮5日。

紮肚過程

按摩排毒，然後用熱石按摩行氣活血，再紮肚。

紮肚嘅第一日穴位排毒按摩，痛到嚇死我，程度有如陣痛。加上塊布比較硬，頂到肚腩同埋恥骨位都好痛。原來係因為我身體排唔到毒，塞實曬，真係如果冇紮肚都唔會知咁塞車，好彩過咗第一日就冇晒事，應該係通咗。話晒都成三指咁闊，點都要撐落去。

等到第三日之後，同一個位置按落去居然已經唔痛，就好似打通左任督二脈咁！通完用熱石按摩果時，真係舒服到想瞓着。

大概三四日左右，已經發現個肚臍凹返入去，肚皮都冇咁鬆，落床嘅時候個腹有力左，餵奶彎腰都行動自如。最正係連妊娠紋都淡咗，搵返條腰線。起碼老公唔再話我個肚好似阿婆皺皮咁，終於開始搵返做女時候嘅感覺。

仲有紮肚嗰啲結真係好似晚禮服咁，好靚好治癒！最後真係摸到條腹直肌條喇收細返，腹直肌分別收細到1指同指半。真係好神奇！

不過記得封好底布之後，要除褲除底褲，唔係尿都冇得痾。好彩我仲係着緊孕期嘅底褲，淘寶4條$3x，撕爛一條都唔肉痛。

價錢

我個紮肚師收費唔貴，古法$6888，磁叉$8888（即係加多15分鐘磁叉，但聽聞會再痛啲），三個月前預約、或者二人同行、或者團購價會再平啲，最平$4800古法都有。

Facebook: ksweet

古法紮肚 $6888 (10次）
磁义紮肚 $8888 (10次）

優惠1: 早鳥價 (3個月前預約)
古$5800 磁 $7800
優惠2: 二人同行 (每位)
古$5300 磁 $7300
優惠3: 5人團購 (每位)
古 $4800 磁 $6800

收費已包上門費用、全新紮肚帶，按摩油
地區偏遠需另收費
例如離島、深井、西貢或港島南等等
距離地鐵站10分鐘以上腳路或需要轉車
(夜紮暫不設離島區)
無隱藏式收費