以下係我收集左嘅，我自己覺得好好笑，或者好有趣嘅知識。
開刀麻醉/嬰兒半夜啼哭/BB似老公/腸痛水/補充品/心靈感應/幹細胞/母胎微嵌合/乳頭顏色/BB食奶最後總會食淨30ml
開刀麻醉
如果開刀嘅話會有分全身麻醉同半身麻醉。原來而家醫生冇乜必要就唔會同你全身麻醉，除非係好緊急嘅情況，要好短時間內拎個BB出嚟，先至會全身麻醉。原來手術後嘅痛咁係一條下坡線，即係手術後頭兩三個鐘係最痛嘅，本身麻醉下半身係需要兩三個鐘先完全回復知覺。但係全身麻醉一醒返嘅時候就即刻會feel到痛楚嘅感覺返晒黎。
嬰兒半夜啼哭
有一個講法係如果BB出左世之後發惡夢呢，可能係夢見緊，開刀嘅時候響暖粒粒嘅羊水入邊突然之間俾人扯出來，去到一個好空曠又凍又冇媽媽心跳嘅空間度。
咁如果我話，我順產架喎。咁佢應該係夢見緊，宮縮嘅時候有人擠壓佢嘅生存空間，然後個頭仔係咁俾野夾住，夾硬擠出嚟，又去到一個好空曠又凍又冇媽媽心跳嘅空間度。same same⋯⋯OK, fair enough。
BB似老公
好多媽媽都話BB出世之後個樣似晒老公，但又有好多個案，話大個咗之後就似番阿媽，冇分男女。有一個講法，因為BB已經喺媽媽個肚裏面10個月，同媽媽有充足嘅情感連結，唔會驚阿媽唔要佢。但係對於爸爸來講，就好似一個陌生人咁，所以個樣生得似爸爸，就唔驚俾爸爸抌出街啦。
腸痛水
嬰兒半夜啼哭，就每個BB都曾經試過。但究竟係咪真係肚仔痛，冇一個BB可以話到俾你聽。
家母曾經強烈推薦一隻腸痛水，聲稱我當年都係飲呢隻大。 今時今日喺互聯網嘅世界，即刻叫小寶上網去check。發現呢隻腸痛水已經比美國踢出嬰兒食品清單，並唔係話佢唔合格，只係佢未能夠放入嬰兒食品清單入邊姐。原因？係因為呢隻腸痛水入邊含有鎮定劑（震驚13億人）。
BB食咗鎮定劑，就梗係唔喊，兼且瞓覺啦。最work仲唔係佢！至於我哋啦，我最鍾意聽BB喊㗎喇，喊喊下就會大㗎啦。
補充品
- 食 materna會便秘，有人會轉食mom(但太大粒好難吞）
- Materna健康院會派
- 要加益生菌
心靈感應
好似話媽媽同bb嘅基因會互相進入對方體內，亦係因為咁，所以bb出世後有咩危險野，媽媽都好似心靈感應咁 sense到，bb體內媽媽嘅 dna會去到18歲左右先差唔多換走曬
有段外國媽媽嘅sleeping cam影住，媽媽突然起身拎起床頭嘅盆，即刻放向身前，小朋友然後就坐起身嘔落個盆度，真係好神奇。
我個人就試過，自己訓訓下教，突然醒左起身捉住左QQ兩邊腋下，而QQ有半個身已經跌左出床邊。好誇張。
幹細胞
- 母胎微嵌合（fetal microchimerism），但對母親的健康是有正、也可能有負面影響
- 所以人哋話懷孕時係成世女身體最好嘅時候，小寶話係因為BB嘅幹細胞，會響我身體周圍遊走，去修復我受傷嘅位置。怪唔知我當時跟膜炎好返晒。
- AB仲有2個月3歲，佢會話，媽咪陀住我果時，我幫媽咪包紮
- 但這篇裡有說母親腦中有男性dna是證實寶寶細胞會留在媽媽身體內，且可能讓媽媽得阿茲海默機率降低
- 滿浪漫的🥹
乳頭顏色
- 乳頭顏色因為餵奶而變黑係有原因的
- 因為bb出世後頭一個月都係淨係睇到黑白色
- 乳頭變黑係為左對比色大啲，bb容易搵到食
BB食奶最後總會食淨30ml
- 點解BB食奶最後總會食淨30ml
- 好似食埋個奶樽就會爆炸一樣
- 好似係因為氣壓嘅問題