幾時改名？改咗名未？亦係孕期Q&A常見嘅問題之一，由於我同小寶都係疑似文盲懶，所以有咗時辰八字之後直接外判出去搵人改，到時如果收返返嚟啲名唔啱嘅，咪再搵第二個改囉。錢解決到嘅問題就唔係問題，最大問題係冇錢姐。
以下嘅銀碼、Remarks全部都係響網絡上搵到嘅，只供參考。
| 擇日開刀 | 嬰兒改名 | Remarks | |
| 李丞責 | ~$3800 | 風水, 改名非專長 | |
| 陳正匡 | 2600 | 古典, 選擇上門or視像會面講解，解釋八字五行、小朋友頭幾十年嘅大概，時間大約一個鐘頭以內. 陳師傅起嘅名會根據小朋友五行性格嘅需要或缺咗乜野去改，每一個名都有佢嘅意思，師傅會續個名去講解. 有普通、有特別、有詩意 | |
| 蘇民峰 | $2500 – $4500 | ||
| 楊天命 | $4000 | 8個名，易經，cyber，會錄成光碟 | |
| 李居明 | $4500 | ||
| 蔡興華 | $8000 | $6000 | 通勝專家蔡伯勵個女，包6個名 |
| 李文淵 | |||
| 黃晉虎 | $1680 | $800 | 日頭係黃大仙，夜晚係廟街；平得黎多選擇 |
| 黃晉豹 | |||
| 陳易燊 |
而我應該會搵陳正匡，橫掂可以video conference，咁坐月嘅時候就可以係屋企做埋改名呢一個步驟。佢官網有教學，點都要出左世先搵佢，因為要比bb時辰八字佢。留意番，出世後42日內要去申請出世紙，42日內就係免費嘅。
媽媽谷入邊都有個好奇葩嘅講法，就係如果超過左42日仲未攞出世紙，咁不如拖夠一年，反正都係罰同一個價錢。但要小心，如果BB有事要入政府急症，冇出世紙係會收非本地人價錢，當然啦可以睇吓間醫院肯唔肯俾你即刻飛的過去攞出世紙（需要補交罰款）。
到真正開視像會議
BB出咗世之後第二日，個人開始回魂，開波做to do list嘅呀。Whatsapp陳正匡師傅，嬰兒性別出身年月日時，父母姓名及出身年月日時，父母直系親屬名稱，家長電郵及聯絡電話。師傅confirm小朋友改名$2600，費用包括八字及紫微斗數命格分析，亦會提供10個名字。
師傅剛從香港移居台灣，要疫情好轉才回來，所以只能透過視像會議取名。視像會議約1小時，頭半小時講解命格後半小時解釋名字。名字、命盤會以PDF形式行視像會議前半小時左右發電郵。收到PDF之後才付款。
成個過程我哋好認真聽書，好似上緊堂咁。但可能身體未回復好，都忍唔住打咗幾個喊路。師傅基本上將亞女嘅人生已經講到去50幾歲，真係好頂癮。最後，師傅唔會要求你響視像會議嗰一個鐘之內決定個名，你可以自己聽完佢講解之後，慢慢考慮吓。最多可以最後選擇用唔用佢個名之後，話返俾佢聽你揀咗邊個。