呢個package最抵玩個樣嘢，係會包入lounge同埋Petrus 早餐。 一行人明明啱啱先食完午餐， 即刻動物衝入lounge飲野。
豪華閣服務好好，佢真係會嗌你個姓。又會叫你scan一個code，然後入到去坐低先慢慢填資料。
咩都假，食完個burger好口渴，俾杯嘢飲嚟先。跟住再出去參觀下究竟有啲乜嘢小食。有箍臣比我i住坐。
下面仲有冷藏嘅三文治。
有曲奇同曲奇，相比起上嚟，房入邊送嘅牛奶曲奇更加好食。
甜品類，有朱古力cake同埋一個蛋糕仔， 仲有蝴蝶酥同埋檸檬撻（好似係），個蛋糕仔乾身咗啲，係外國人鍾意食嗰種乾身嘅蛋糕仔。
死都要望住海景chill一張。港香就是港香， 我可以嗌熱薑麥，又可以嗌室溫嘅萬越莓汁，仲可以嗌熱牛奶。哥哥嘅一句「隨時為你準備」，中二病發作，簡單尖叫出黎。
然後中場休息，去遊個水。之後再返嚟豪華閣坐。
哥哥走過來同我哋講，如果想繼續留喺度等Cocktail set係可以嘅，不過要等得耐少少，要等佢哋ready後先至可以攞嘢食。可以諗定嗌邊隻Cocktail。 趁佢一路擺緊位嘅時候，我已經出去偷影一相。
然後有燒賣，燒腩仔，串燒，唔知乜嘢餃。點知原來燒腩仔出一round之後就冇晒，好彩我都食到姐。
有大量甜食。好可惜唔知入邊有冇生蛋，所以我都唔敢食。
豪華閣真係好好chill，梳化又好坐，見我大住個肚，仲比箍臣我挨住添。
Petrus早餐
同club lounge share同一個廁所。
上次係響lounge嘅area去食Petrus廚房整嘅牛柳做早餐，今次晨咁早爬起身就係為咗入傳說中嘅Petrus食早餐。點知入到黎佢派咗個Menu而我喺Menu上面居然見唔到有牛柳⋯⋯問咗哥哥，但係懷疑佢係炒散嘅，佢一啲都唔熟悉，成日要幫我博上膊咁去問入邊嘅同事，但係人手又唔夠⋯⋯ 仲好似甩咗另一張枱嘅單，除咗個環境好Grand好靚，服務質素都比唔想入lounge嘅人員。
鍥而不捨咁追埋牛柳去咗邊，佢話轉咗幾次Menu㗎喇，而家冇咗喇。
總結係，冇牛柳我好失望。
semi buffet bar
煙熏三文魚望落好好食，係好小脂肪嘅靚三文魚。聞到睇咗當食咗。
試吓佢特別推薦嘅印度蛋早餐先。印度蛋炒飯有少少鹹，隻熟蛋味道有啲特別。
小寶嘅西式早餐。非常一般般，重要太鹹。
圓柱體細薯餅好好食，又或者係因為我而家對碳水化合物嘅喜愛增加左，但明明醫生叫我唔好食咁多碳水化合物，反而要食多啲肉同菜。Mushroom咸咗啲、bacon 咸、腸仔超鹹、仲有個血腸幾特別，但都係咸。
第二round三文魚日式早餐。要多個日式早餐，叫咗少飯。菇有草青味、再加上可能係油醃嘅一啲生油味。珍珠米有啲乾。三文魚油香幾好、不過不失、熱嘅，柴左d，比起上次食嘅西京燒呢就差d，西京燒好食d。茶碗蒸係咪落咗魚膠粉，點解連個茶碗蒸都係鹹嘅
明明人少咗，但廚房出餐出慢咗。仲要侍應堅持要執好晒已經走咗嘅客人嘅枱面先，我明白嘅，維持美觀係好緊要嘅。
問佢有啲乜嘢，冇咖啡因嘅嘢飲，已經指住個肚，哥哥話我可以揀decaf嘅咖啡⋯⋯ 我話我唔飲咖啡。
等咗大約三四個字終於嚟咗個洋甘菊茶，斟完一杯，再斟第二杯，點解第二杯嘅顏色仲會淺色過第一杯嘅，然後聞落去有奶味。唔通洋甘菊都會加奶嘅？
然後叫咗個哥哥過嚟問下，點解嚟咗洋甘菊茶再加兩個杯，斟完出嚟會有啲奶味嘅，然後哥哥倒抽一口涼氣，即刻同我換返個杯。
我冇諗過港香會搞到咁。真係好痴線。
最後我想食菜，所以食多個素食餐，想叫佢走薯仔，費事太多澱粉質。 等咗成大半個鐘，點知嚟到嘅時候都仍然係有薯仔⋯⋯
小寶幫我食咗，但入口咬兩咬就吐咗出嚟，話係酸嘅。我諗應該係因為今次staycation太順利，點都要平衡返下，所以先至會有second hit嘅蝦碌野。
