食到飽飽，梗係郁動下。反正我又唔係好遊到水，都係浸下水玩吓啫。
沿途經過健身室，都好似好多設施。
睇吓更衣室入邊嘅環境先，吹風機響櫃桶入邊，locker好Grand好靚，係電動鎖匙嘅。
吹吹下頭隔離都有個鐘話俾你聽幾點，如果約咗人就唔驚會遲到。棉花棒化妝棉都放落去盒仔入邊好subtle。仲有fing乾泳衣機。
淋浴間仲有大枝裝嘅沖涼洗頭水護髮素，咁就唔使塞住個身上返房先沖涼啦。
今日冇乜太陽，落水都有啲凍。記錄一下，已經做晒心理準備同BB講話媽咪要落水浸下，點知一落水嘅時候，BB攬埋一舊好緊張，成個肚僵硬咗，緊到我成個人都震晒，連棚牙都係咁震。去到第二日再落水就冇事啦，所以BB係對住一個陌生嘅環境，有水壓、又冇溫度嘅環境感到緊張啫，試多幾次就唔驚啦。
