2021年5月，陀住隻BB，試吓港香嘅新裝修房型。
Check in前緊係要打打卡，今日係星期六，港香先有嘅英文版Saturday地氈。
一入房就睇下有咩生果先。有火龍果算幾好喎，我地要求好低。
房型無樓下咁古色古香，但簡潔、舒服，係有少少裝修味。到check out嗰陣時先記得同佢講，點知佢話原來有空氣清新機可以借⋯⋯房門邊仲有傘架同拐杖架，聊勝於無，定係因為住得嘅都有得咁上下年紀。
右手邊仲有個衣帽間，應該取代埋行李假嘅位置，就算我哋啲嘢亂咁劈晒喺上面都唔覺得凌亂。
就算係山景房都有一張好長嘅美人椅，唔使好似入camp咁樣，要坐窗台位。
bar枱位可以着燈。
水煲用kenwood。細頭送嘅Golden Circle Jade member，送3款amenity，我地要左曲奇牛奶同果仁。其實張細頭真係好抵，幾個酒店嘅會籍都因為疫情而自動續期。
有咖啡Capsule，帶走。爸爸媽媽間房係左右完全相反嘅。
最緊要都係開返個雪櫃攞返兩盒牛奶。
廁所淋浴位，好可惜居然冇小寶好想要嘅浴缸，新裝修啊，每間房細啲，咪可以整多幾間房出嚟囉。風筒同埋鹼液都放咗響櫃桶。塊鏡可以着燈，確係幾盞鬼。
有洗手盆下面冇板嘅，我哋應該唔會整爛。房內風筒會唔會有啲重。
雖然冇浴缸，但係佢有雨淋花灑。見識少，唔知道AXOR係咩牌子。但係可以撳掣嘅雨淋式花灑又真係第一次用。
淋浴可以同時花灑同雨淋。溫度左右調校，撳掣開關。企缸位有全身鏡。就算開咗熱水有蒸氣，上半身形鏡位都有熱力令到佢唔起霧氣。
同Murray一樣有智能式馬桶。但廁所牆唔係用雲石砌牆。
向長江下面嘅Food le parc，買午餐，我食咗個triple O 嘅魚堡，小寶買左個咖喱雞球飯，又幾好食喎衰鬼。仲要難係chill咁樣將個burger放喺隻碟上面。望住山景，都唔錯嘅。
響房食埋個晏先，再參觀下新裝修嘅樓層。lift口位好多鏡，有手指模都會好易見到。 話就話係參觀，其實係快啲衝過去Cocktail。
夜晚返到間房，就食生日蛋糕。
咦原來發現爸爸媽媽間房嘅生果唔係火龍果。
今次就冇影佢嘅大壁畫，但係影左張簡介，當交下功課啦。
少不免嘅，梗係影入夜之後嘅景。
啦啦啦，洗手盆隔離可以睇到佢啲雲石，追唔到紋啦。
有個突發嘅好好笑，當我一i落去呢兩個枕頭度嘅時候，就聞到一浸臭屁味，小寶仲問我係咪放屁。我仲話佢屈我。點知係張床到反一反身，我又聞到一浸屁味。呃，都知道同小寶去旅行好多奇怪嘢㗎啦，但冇諗過新裝修完嘅港香，都會發生枕頭洗唔乾淨嘅事件。打咗電話去問，話原來呢一浸係乳膠嘅味道，係新購買嘅枕頭獨有嘅味道⋯⋯ sorry我真係唔知道原來乳膠係臭屁味⋯⋯
中間仲有一個小插曲，咁啱呀姐嚟換枕頭嘅時候，我打緊俾AE問點解未收到現金卷(explorer)。可能阿姐誤會咗我打緊熱線鬧緊佢⋯⋯ 隔一陣又有人嚟撳鐘，有個經理話係新房全部都係新嘅供應商供應枕頭，如果發現有問題就會同返供應商講，但聞落就唔似膠嘅臭味。原來manager係過嚟送返排朱古力，希望我哋唔好介意⋯⋯我冇心㗎，人唔係我殺㗎，我唔係特登想R朱古力㗎。小寶話可能係換枕頭嗰個以為我打緊投訴電話….即刻叫James過嚟送朱古力⋯⋯
一覺瞓醒，又到星期日lu，見到個地氈都零舍開心，呢個小朋友真係好容易滿足。
