自從嗰日行過沙田新城市廣場嘅City Super，試過食呢一間牛扒，驚為天人，價格又唔貴，但係牛肉嘅質素係上乘嘅，遠超好多細舖，真係估唔到City Super入邊有咁嘅質素。次次都等唔到燒肉Like，最後都走咗嚟食呢一間。
小寶要咗和牛飯，我就覺得油左D，果然太A5嘅和牛我係接受唔到嘅，我淨係鍾意食有牛味嘅牛肉。然後就到我嘅牛扒，牛味香濃，油脂唔過分，肉質鮮甜，再加埋大量黑椒同埋鹽響側邊，係個洋蔥汁稍為鹹咗啲。大推。
然後有一次同小寶再encore，同一間餐廳可以食到吉列蠔定食，都幾好食，係冇食牛扒咁開心。
後來又去咗同朋友再嚟食多一次，因為肉眼賣晒，叫咗一盤澳洲牛加美國牛，果然係冇單點咁好食。所以如果去得食嘅，就單點牛扒會好食啲。
Meat Deli
沙田沙田正街18號新城市廣場一期2樓city’super
city’super, 2/F, New Town Plaza Phase 1, 18 Sha Tin Centre Street, Sha Tin