2021年3月中。今次黎到沙田萬怡酒店，住咗一晚柴房。為左有雙倍積分同雙倍晚數，然後第二晚upgrade去suite。今日總數HKD1526.8一晚。
第一次向酒店試過，打零字無人聽。又唔知點解12點嘅時候，有電話打過嚟吹我哋還房。等到晏晝一點幾，終於有人安排我哋轉去Suite。
房型
窗邊一景
一入Suite就見到左手邊一個衣櫃，右手邊一個Mini吧，右手邊轉入去就係浴室。
茶水間平台得一個插頭位，搞到要向廁所洗手盆隔離煲水。一邊煲水、唔可以同風筒一齊共用。
Suite嘅電視反而要拎拖板先插到Switch。
繼續望城市、河景
入夜，拉咗紗簾之後嘅夜景。反而Suite張床，無柴房果張床咁好訓。
Suite Welcome Snack
Suite套房package包左送一支香檳同埋魚子醬。
Lounge
轉左喺地下，冇風景，齋嘢食。仲有因疫症，每一房可以拎三個食物盒夾嘢食走。
熟食唔多，炸洋蔥圈個皮好硬，腸仔唔係我杯茶，蝴蝶粉加白汁都叫做飽肚嘅。然後有Lemon Ginger嘅茶包，呢個抵讚。
早餐
繼續食我嘅煎熟蛋，又係琴日嗰個廚師哥哥。果然見來見去嘅都係嗰幾圍客，果然人哋係入camp咁樣住。
延遲check out 2:00 。Express check out 房咭留響房就可以走得。落到樓下等巴士，大風到吹到頭都甩。
