有朋友介紹過我用Minon面膜，聲稱係敏感肌都啱用，唔容易過敏，用完就覺得唔係太鍾意佢濃稠嘅質感，再加上可能我面皮比較厚，用完都好似冇用過咁。反正嗰期啱啱用晒洗面奶，係唔敏感嘅，咁不如試吓呢個牌子嘅洗面啦。
所屬次序：洗臉 > 爽膚水 > 精華 > 護膚油 > 防曬 > 粉底液 > 碎粉
有人話洗面粉洗完面比較乾，洗面油又會帶走過多嘅油分，咁不如我用洗面泡沫啦。用咗一支感覺又幾好，支出黎啲泡沫好綿密，洗完面又唔會有乾爭爭嘅感覺，沖完涼之後再查護膚品，又好似幾吸收。然後就一支又一支咁樣買。
小寶留意到日本Amazon可以買補充裝，環保啲又平啲，咁就唔使每次都浪費一個泡沫泵裝，但因為日本運過嚟都需要時間，有時用晒之後，都要即時響HKTVmall補貨。(HK$105/150ml)
