人人都話要贏在起跑線，依家有邊個小朋友唔使由細開始谷英文。本着有贈品無奶油唔去嘅心態，我都上咗幾堂推銷嘅課程。
利益申報，到最後都係嫌太貴，三間都冇買XD
小寶嘅講法係，如果我用呢嚿錢去淘寶買圖書俾小朋友睇，啲書多到可以掟死佢。
有啲人好驚上門就會俾人sell野，其實你企硬話要貨比三家就無人sell到你，咪話你仲要比較下第二間囉。仲要同老公分工，扮紅面白面。佢主打sell你，你就話決定權向老公，反之亦言。我成日都做西客既角色，係女人先做得黎既。我最鍾意話：人地個品牌有咩咩咩好。等佢自己去反駁，去睇佢地互相推諉，好正。
1. Disney world (寰宇家庭有限公司): 美式英文（最傳統、d畫面有時代感（即係Old School），要睇電視，聲稱市場上最有歷史屹立不倒），d歌有時唔知佢唱乜，淨係押韻、岩音
- 送左手搖沙鎚、一本狗仔英文書
2. Oxford path: 英式英文（睇書多，務求小朋友鍾意睇書），sales無乜太出力sell，所以唔知有咩出色之處。好似話，牛津啲書全部有關聯性，可以激發小朋友追劇心（被D mind攻擊，書本本身唔會吸引到小朋友去喜愛閱讀，叫佢自己有興趣先得）
- 一本硬皮書，入面有幾首歌
3. D Mind & Prince (dr max): 認字卡有美式同英式(我自己覺得BB會好混亂)； 上面係真實相片，唔係卡通圖；學生字比較貼地（包刷牙、著衫等）最後生（最update）被攻擊歷史唔夠所以容易執笠。K11同埋愉景新城都有學習Centre，廣受媽媽界推崇，我諗應該係送咗佢哋上堂之後就可以去行街嘅意思⋯⋯
- 送左一套中文百科全書（7歲左右先用得）（我地QQ又向24m，即係兩歲嘅時候就拎住本恐龍書叫我講⋯⋯）
有一個星期聽完d mind一個姐姐講，然後兩日後有個男人打黎話係d mind, 佢話個姐姐係agent黎架渣，男人先係d mind入面既員工，可唔可以再約時間見多次。勁痴線，你地同一個品牌可唔可以有啲溝通。
至於我地用嘅教學材料就向呢度 – QQ學習之路 (教學材料)