身處於2021年嘅2月，冇諗過大新360出糧戶口嘅息口真係可以變得咁低⋯⋯當然係受大環境影響啦，但都對大新好失望囉⋯⋯由於大新出糧戶口收入大減，就唯有麻煩少少，玩多個渣打紅利出糧戶口。
（詳細流程見[理財類] 老生常談之開源篇 – 出糧戶口篇進階玩法）
渣打銀行戶口本身就不嬲都有，雖然之前為咗份工cut咗個渣打證券戶口（[證券戶口] 銀行戶口實太多，證券戶口整合無難度），最新係上年用咗渣打嚟借錢裝修。首先係打去渣打問吓佢，我個戶口入面仲有冇active嘅出糧戶口。如果冇嘅話，咁我就可以符合迎新優惠嘅要求。
「只適用於客戶開立出糧戶口日期前12個月內未曾使用自動轉賬出糧服務」
期間限定: 2021年3月1日至6月30日
最新嘅迎新優惠係，只要響2021年5月到9月期間，維持五個月嘅出糧紀錄（可接受SI），迎新優惠就會響9月尾入港幣$900入去戶口。
所以最新嘅玩法係由大新過數去匯豐（人人都應該要有嘅一個萬能戶口），因為匯豐可以做Online做免費嘅常行指示（SI）去渣打。只要響匯豐set咗五個月SI，每個月港幣$80,000蚊去渣打，咁就會滿足到渣打出糧戶口嘅迎新優惠條件。然後再去渣打set返五個月港幣八萬蚊，轉賬返去大新，咁就完成一個循環。
更新：2021年9月27日，$900入帳。
又要等出年三月再玩過。