續[星展開戶]港幣一百萬就咁放到八月就有HK$5,800！：
2021年3月更新：
講返上年五月開嘅星展戶口：響2020年10月20號，就收到左港幣$500新客戶現金獎賞、港幣$4500 特別資金獎賞、港幣$1000交易獎賞。
再響2021年1月19號，收埋港幣$800開戶額外獎賞。總共收咗$6800 然後又可以睇吓邊間銀行開戶有新優惠啦，耶。
由於三、四月嘅時候完全唔得閒去睇其他銀行有咩優惠，幾舊錢響星展定期放多兩個月。五月中嘅時候終於的起心肝，開支票將啲錢轉返晒去恒生（見[恒生開戶] 港幣一百萬就咁放到七月就有HK$2,000！)。去分行禁張飛，等三、四個字，然後關戶口嘅過程大概15分鐘，簽咗關戶口文件、同埋重新啟動不動戶口（人民幣），在簽收埋戶口內結存嘅0.15港幣（XD），就搞掂啦。近排見到佢嘅開戶優惠有成最高$7500港幣回贈，一年後江湖再會。
記得響自己嘅小本子裏面記錄返幾時關戶嘅，下次開戶之前就知道可唔可以meet到佢嘅開戶要求啦。
2022年，一年後記：再去問星展銀行優惠時，佢話新客戶嘅定義係要過年半冷河，所以我又要set 多半年reminder，激死。