三月嘅時候開咗個恒生戶口，詳情請見[恒生開戶] 港幣一百萬就咁放到七月就有HK$2,000！
恒生琴日打電話嚟話留咗張糭券俾我，話大概會用15分鐘時間左右，問我得唔得閒過嚟分行聽吓。都估到佢實會比下投資意見㗎啦，當散步過去聽吓佢講嘢。
佢一黎就會問吓你本身交稅加得多唔多啊？「好少，仲要同老公一齊PA；我呢兩個都係獨生子女，所以父母免稅額係會夠用架啦」潛台詞係唔使sell自願醫保、年金用嚟扣稅架啦。
然後佢就會問你本身有冇一啲儲蓄計劃。我想講，爸爸嘅恒生儲蓄計劃嘅回報不如預期囉，佢問有冇三厘，我話放咗10年都冇三厘，所以我對恒生嘅儲蓄計劃冇乜信心囉。完美收咗佢皮。
然後佢會再問現有嘅儲蓄計劃除港元同美金，會唔會有人民幣儲蓄計劃。我就同佢講本身我哋自己嘅資產組合入邊已經有充足嘅人民幣，都唔需要另外再添置新嘅人民幣儲蓄計劃。
然後佢放棄咗sell我，我就拍拍囉柚拎住糭卷走佬，果然係西客一名。